BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

پۋتين مەن ترامپ كەزدەسەدى

استانا، baq.kz. اق ٴۇي اقش پرەزيدەنتى دونالد ترامپ ارگەنتينادا وتەتىن "ۇلكەن جيىرمالىق" (g20) ەلدەرىنىڭ سامميتىندە رەسەي پرەزيدەنتى ۆلاديمير پۋتينمەن كەزدەسەتىنىن راستادى.

قاراشانىڭ ٴ27-سى كۇنى اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى دجون بولتون ترامپ پەن پۋتين بيىل شىلدە ايىندا حەلسينكيدە كەزدەسكەندە باستاعان كەلىسسوزىن جالعاستىراتىنىن حابارلادى. بولتوننىڭ سوزىنشە، ترامپ رەسەي پرەزيدەنتىمەن "قاۋىپسىزدىك، ۋكراينا مەن تاياۋ شىعىستاعى جاعدايدى جانە قارۋعا باقىلاۋ جاساۋ ماسەلەلەرىن" تالقىلايدى.

بولتون "ترامپ رەسەيدىڭ كەرچ بۇعازىندا ۋكراينا كەمەلەرىن تۇتقىنداعانى جونىندە ماسەلە كوتەرە مە؟" دەگەن سۇراققا اق ٴۇيدىڭ ۇستانىمىن بۇعان دەيىن بۇۇ-داعى اقش ەلشىسى نيككي حەيلي بىلدىرگەنىن ايتتى. نيككي حەيلي بۇۇ-دا رەسەيدىڭ ارەكەتىن سىنعا العان.

اق ٴۇيدىڭ ٴباسپاسوز حاتشىسى سارا ساندەرس ترامپ ارگەنتينادا پۋتيننەن باسقا گەرمانيا كانسلەرى انگەلا مەركەلمەن، جاپونيا پرەمەر-مينيسترى سيندزو ابەمەن جانە قىتاي ٴتوراعاسى سي سزينپينمەن كەزدەسۋدى جوسپارلاپ وتىرعانىن ايتتى.

الەمنىڭ ەكونوميكاسى قۋاتتى جيىرما ەلى باسشىلارىنىڭ ٴسامميتى 30 قاراشا مەن 1 جەلتوقسان ارالىعىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي