BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پۋتين مەن ەردوعان سوچيدە كەزدەسەدى

بۇگىن سوچيدە رەسەي پرەزيدەنتى ۆلاديمير پۋتين مەن تۇركيا پرەزيدەنتى رەجەپ تايىپ ەردوگان كەزدەسەدى، دەپ حابارلايدى baq.kz اقپارات اگەنتتىگى.

ولار سيريانىڭ يدليب پروۆينسياسىنداعى جاعدايدى، وكىمەتتىك كۇشتەردىڭ وسى ايماققا جوسپارلانعان شابۋىلدارىن تالقىلايتىن بولادى.

بۇل كەزدەسۋ باشار اسادتىڭ ۇستانىمىن قولداعان رەسەي، يران جانە وعان قارسى تۇركيا پرەزيدەنتىنىڭ تەگەرانداعى ٴۇش جاقتى سامميتىندە يليب بويىنشا كەلىسىمگە كەلە الماعاندىقتان ون كۇننەن كەيىن وتكەلى وتىر. ال سامميتتە رەجەپ تايىپ ەردوگان يدليبكە شابۋىلدىڭ ارتى “جازىقسىز قان توگۋگە” ايلانارىن ەسكەرتكەن. رەسمي انكارا مىنداي مازمۇنداعى ەسكەرتۋلەرىن تەگەران سامميتىنەن بەرى قايتالاپ كەلەدى.

بۇۇ قاۋىپسىزدىك كەڭەسىنىڭ 11 قىركۇيەكتەگى وتىرىسىندا تۇركيا ەلشىسى فەريدۋن سينيرليوگلى اۋە سوققىلارى جانە شابۋىلدار "بوسقىنداردىڭ جاپپاي كوتەرىلۋىن، تۇركيا مەن ەۋروپاعا ٴتيىمسىز قاۋىپسىزدىك تاۋەكەلدىگىن تۋدىرادى" - دەگەن بولاتىن.

سيريانىڭ سولتۇستىك-باتىسىنداعى تۇركيامەن شەكارالاس يدليب ەلدى مەكەنى - پرەزيدەنت باشار اسادتىڭ ۇستانىمىنا قارسى كۇشتەردىڭ اقىرعى ماڭىزدى ورتالىقتارىنىڭ ٴبىرى. بۇۇ-نىڭ ەسەبى بويىنشا بۇل ايماقتا ٴۇش ميلليونداي ادام ٴومىر ٴسۇرىپ جاتىر. ولاردىڭ 1،5 ميلليونى سيريانىڭ وزگە دە ايماقتارىنان كەلگەندەر.

يدليبتە "ال-كايداعا" قاتىسى بار “جابحات ال-نۋسرا” توبىنىڭ 10 مىڭداي جاۋىنگەرى بار ەكەنى انىقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي