BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پۋتين قىرعىزستاننىڭ قارىزىن كەشىردى

رەسەي پرەزيدەنتى ۆلاديمير پۋتين قىرعىزستاننىڭ رەسەي الدىنداعى مەملەكەتتىك قارىزىن رەتتەۋ تۋرالى كەلىسىمنىڭ حاتتاماسىن راتيفيكاسيالادى. قۇجات قۇقىقتىق اقپاراتتىڭ رەسمي ينتەرنەت-پورتالىندا جاريالاندى، دەپ حابارلايدى ۆaq.kz اقپارات اگەنتتىگى lenta.ru باسىلىمىنا سىلتەمە جاساپ.

قارىزدى كەشىرۋ تۋرالى كەلىسىمگە 2017 جىلدىڭ تامىزىندا ەكى ەلدىڭ قارجى مينيسترلەرى قول قويعان. بۇل تۋرالى قىرعىزستان پرەزيدەنتى المازبەك اتامبايەۆ رەسەيگە ساپارى بارىسىندا ۆلاديمير پۋتيننەن سۇراعان. قۇجاتتى راتيفيكاسيالاۋ قىرعىزستاننىڭ رەسەي الدىنداعى 240 ميلليون دوللارىن تۇبەگەيلى كەشىرۋ دەگەندى بىلدىرەدى. بۇل اقشانى 2012 جىلى دا قايتا رەتتەيمىز دەگەن كەلىسىم بولعان.

ول كەزدە تاراپتار 488،9 ميلليون دوللار قارىزدى تولەۋدىڭ جاڭا شارتتارى تۋرالى كەلىسكەن. 2013 جىلدىڭ مامىرىندا رەسەي قىرعىزستاننىڭ 188،9 ميلليون دوللارىن كەشىردى. قالعان 300 ميلليون دوللاردى 2025 جىلعا دەيىن كەزەڭ-كەزەڭىمەن قايتارۋ كەرەك بولعان. مۇنىمەن قوسا، قىرعىزستان وسى نەسيەنىڭ پايىزىن تولەپ كەلدى. 2017 جىلى قىرعىزستان رەسەيگە 7،98 ميلليون دوللار ۇستەماقى تولەدى.

قىرعىز تاراپى رەسەيدەن قارىزدى كەشىرۋ تۋرالى سۇرادى. ويتكەنى بۇل مەملەكەتتىڭ جالپى ىشكى ونىمدەگى قارىزدىق جۇكتەمەسىن ايتارلىقتاي تومەندەتتى. قىرعىزستاننىڭ مەملەكەتتىك قارىزىنىڭ 6،5 پايىزى رەسەيلىك قارىزدى وتەۋگە جۇمسالدى. ال كەشىرىم مەملەكەت قارىزىن ٴجىو 60،6 پايىزعا تومەندەتۋگە مۇمكىندىك بەردى.

قۇجاتتا قارىزدى كەشىرۋ رەسەيگە زاردابىن تيگىزبەيتىنى تۋرالى جازىلعان. سەبەبى 2016 جىلدان كەيىن مەملەكەت بيۋدجەتىنە قارىز بويىنشا ٴتۇسىم قاراستىرىلماعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي