BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىك كورەيا مەن سولتۇستىك كورەيا ورتاق شەكارانى مينادان تازارتىپ جاتىر

سولتۇستىك جانە وڭتۇستىك كورەيانىڭ شەكاراسى تىكەنەكتى سىمدارمەن عانا ەمەس، مينالارمەن دە كۇشەيتىلگەن. ەندى قوس كورەيانىڭ اسكەرلەرى ورتاق شەكاراداعى 800 مىڭ مينالاردى الىپ تاستاۋعا كىرىستى. بۇل تۋرالى مەملەكەتتىڭ شەنەۋنىكتەرى حابارلادى، دەپ جازادى baq.kz اقپارات اگەنتتىگى ۆۆس باسىلىمىنا سىلتەمە جاساپ.

تازالاۋ جۇمىستارى الدىمەن وڭتۇستىكتە ورنالاسقان ەكى ەلدىڭ شەكاراسىنداعى ەڭ قاتتى كۇشەيتىلگەن ورتاق قاۋىپسىزدىك ايماق (jsa) سانالاتىن پانمۋندجوم اۋىلىندا باستالدى. سونىمەن قاتار كورەيا سوعىسى كەزىندە جۇزدەگەن سارباز قازا تاپقان جەكەلەگەن اۋماقتاردا دا مينالار الىپ تاستالاتىن بولادى. بۇل شەشىم وتكەن ايدا سولتۇستىك جانە وڭتۇستىك كورەيا باسشىلارى كيم چەن ىن مەن مۋن چجە ٴيننىڭ پحەنيانداعى كەزدەسۋىندە قابىلدانعان ەدى.

وڭتۇستىك كورەيانىڭ قورعانىس مينيسترلىگىنىڭ حابارلاۋىنشا، اسكەريلەر الداعى جيىرما كۇندە قارۋسىزداناتىن ايماقتىڭ (dmz) جالعىز بولىگىنە اينالعان jsa جەرىندەگى مينالاردى تولىعىمەن تازارتادى دەپ كۇتىلۋدە. ال تازالاۋ جۇمىستارى ٴوز مارەسىنە جەتكەن كەزدە كۇزەت ورىندارى مەن قارۋلار دا الىنىپ تاستالماق. وسىلايشا بۇل وڭىردەگى قارۋسىز اسكەر شەكاراداعى شيەلەنىستى شەشۋگە از دا بولسا سەپتىگىن تيگىزەدى دەپ كۇتىلۋدە.

ٴساۋىر ايىندا وڭتۇستىك كورەيا شەكاراداعى داۋىس زورايتقىشتارى ارقىلى ناسيحات جۇرگىزۋدى توقتاتقانىن حابارلاعان بولاتىن. بۇل دا «ەكى كورەيا اراسىنداعى اسكەري شيەلەنىستى جەڭىلدەتۋگە» باعىتتالعان قادام رەتىندە باعالانعان ەدى. ال ٴقازىر شەكاراداعى داۋىس زورايتقىشتار مۇلدەم الىنىپ تاستالۋدا.

قارۋسىزداناتىن ايماق (dmz) – كورەيا تۇبەگى ارقىلى وتەتىن ۇزىندىعى 250 كيلومەترگە، ەنى 4 كيلومەترگە سوزىلعان جەر. بۇگىنگى تاڭدا بۇل ەڭ كوپ مينالانعان جانە تىكەنەكتى سىمدارمەن قورشالعان، باقىلاۋ كامەرالارى ورناتىلىپ، ەلەكتر قورشاۋلارى ورنالاستىرىلعان جەرگە اينالعان. سونداي-اق بۇل جەردى سولتۇستىك جانە وڭتۇستىك كورەيانىڭ ٴارقايسىسىنان ونداعان مىڭ جاۋىنگەر كۇزەتەدى. ياعني، بۇل شەكارادان ٴوتۋ مۇلدەم مۇمكىن ەمەس. ال وتكەن جىلى قاراشا ايىندا سولتۇستىككورەيالىق جاۋىنگەرلەر وڭتۇستىك كورەيا شەكاراسىنا وتكەن وزدەرىنىڭ ٴبىر ادامىن اتىپ تاستاعان بولاتىن. وڭتۇستىك كورەيا شەنەۋنىكتەرىنىڭ ايتۋىنشا، جەتى جىل بۇرىن باسشىلىققا كيم چەن ىن كەلگەلى وڭتۇستىككە كەلەتىن سولتۇستىك كورەيالىق قاشقىندار سانى كۇرت ازايعان.

كورەيا سوعىسىنىڭ 1953 جىلى اياقتالعانىنا قاراماستان ٴالى دە بىر-بىرىمەن جاۋلاسىپ كەلە جاتقان وڭتۇستىك جانە سولتۇستىك كورەيانىڭ قارىم-قاتىناسى سوڭعى ايلاردا جاقسارىپ كەلەدى. وتكەن ايدا ەكى مەملەكەت باسشىلارى پحەنياندا كەزدەسىپ،دەنۋكلەاريزاسيا تۋرالى كەلىسسوزدەر جۇرگىزگەن ەدى. بۇل وقيعا ماۋسىم ايىندا سينگاپۋردە كيم چەن ىننىڭ اقش پرەزيدەنتى دونالد ترامپپەن تاريحي كەزدەسۋىنەن كەيىن بولدى. ايتا كەتۋ كەرەك، بۇل كەزدەسۋدە ەكى ەل باسشىلارى يادروسىز كورەيا تۇبەگىندە جۇمىس ىسەۋگە كەلىسكەن ەدى.

اعىلشىن تىلىنەن اۋدارعان: التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي