ليۆيادا قارۋلى قاقتىعىس قايتا ٴورشىدى - الەم|22 قىركۇيەك 2018، 10:15
كۋرسى ۆاليۋت وبنوۆليايۋتسيا
استانا:

ليۆيادا قارۋلى قاقتىعىس قايتا ٴورشىدى

فوتو: ria.ru

ليۆيا استاناسى تريپوليدە ەكى قارۋلى توپتىڭ قاقتىعىسىنان كەم دەگەندە 11 ادام قازا تاۋىپ، 30-ى جاراقات الدى، دەپ حابارلايدى baq.kz اقپارات اگەنتتىگى 24kz سايتىنا سىلتەمە جاساپ.

قازا تاپقانداردىڭ كوبى بەيبىت تۇرعىندار. ەلدىڭ دەنساۋلىق ساقتاۋ مينيسترلىگىنىڭ مالىمەتىنشە، تامىز ايىنىڭ سوڭىنان بەرى قارۋلى توپتاردىڭ اتىس-شابىسىنان 96 ادام جان تاپسىرىپ، كەم دەگەندە 400 ليۆيالىق ازامات ٴتۇرلى جاراقات العان.

ايماقتا تامىزدىڭ 26-سى كۇنى جيىلەپ كەتكەن قاندى قىرعىن قىركۇيەك ايىنىڭ ٴ4-ى كۇنى ۋاقىتشا توقتاتىلعان بولاتىن. وعان وڭىردەگى راديكالدى توپتار مەن بۇۇ-نىڭ بىتىمگەرلىك ميسسياسى اراسىنداعى اتىستى توقتاتۋ تۋرالى كەلىسىمگە كەلۋى سەبەپ بولدى. الايدا بۇل ۋاعدالاستىق تەك ەكى اپتاعا عانا سوزىلدى. ٴقازىر قارسى توپتار بىر-بىرىنە مينومەت اتقىلاۋمەن حالىق تىنىشتىعىن قايتا بۇزىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي