BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىرعىزستاندا "تۋريستىك پوليسيا" ٴوز جۇمىسىن باستادى

استانا، baq.kz. بۇگىن بىشكەكتە جاڭادان اشىلعان "تۋريستىك پوليسيا" قىزمەتكەرلەرىنىڭ اعىلشىن جانە تۇرىك تىلدەرىن ٴبىلۋ دەڭگەيى تەكسەرىلدى.

پوليسيا قىزمەتكەرلەرىنىڭ تاڭعى قىزمەت بولىنىسىندە قىرعىزستان ىشكى ىستەر ٴمينيسترى كاشكار جۋنيشاليەۆ ولاردان اۋەلى اعىلشىنشا، سوسىن تۇرىك تىلىندە سويلەسىپ، تىلدىك دەڭگەيلەرىن كورسەتۋدى سۇرادى.

"وفيسەر، ماعان كومەك بەرە الاسىز با؟ مەن وسى ماڭداعى ساياباقتا سومكەمدى جوعالتىپ الدىم" - دەدى شەتەلدىك ازاماتتىڭ ٴرولىن ويناعان پوليسيا قىزمەتكەرى.

پوليسيا وزىنەن جاردەم سۇراعان "شەتەلدىكتەن" اۋەلى ٴتولقۇجاتىن سۇرادى.

پوليسيا قىزمەتكەرلەرى اعىلشىنشا "تۇسىنىسكەننەن" كەيىن تۇرىكشە ٴتىل سىندىرۋعا كىرىستى.

تۋريستىك پوليسيا قازىرگى كەزدە ەكى ۆزۆودتان تۇرادى. نەگىزى 60 قىزمەتكەر جاساقتالادى دەپ جوسپارلانعان، ازىرگە 20 پوليسەي سىناقتان ٴوتىپ جاتىر. تۋريستىك پوليسەي رەتىندە تاڭدالعانداردىڭ كوبى قىز-كەلىنشەكتەر. بۇل باعىتتا جۇمىس ىستەيتىن پوليسەيلەردىڭ جەكە فورماسى بولادى.

بۇل پيلوتتىق جوبا ازىرشە بىشكەك قالاسىندا عانا ىسكە قوسىلدى. الداعى ۋاقىتتا تۋريستەر كوپ كەلەتىن ايماقتاردا دا اشىلادى دەگەن جوسپار بار.

رەسمي مالىمەت بويىنشا، 2017 جىلى قىرعىزستانعا 2،7 ملن شەتەلدىك تۋريست كەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي