BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىرعىز ۆيسە-مينيسترىمەن داۋعا قاتىستى جاڭا مالىمەت تارادى

فوتو: Вaq.kz иллюстрациясы

قىرعىزستاننىڭ ٴسىم كورەيا رەسپۋبليكاسىنداعى ەلشى كىلىچبەك سۋلتانعا ديپلوماتيالىق ەتيكا نورمالارىن بۇزدى دەگەن ايىپ تاقتى، دەپ حابارلايدى ۆaq.kz ٴتىلشىسى ريا نوۆوستي باسىلىمىنا سىلتەمە جاساپ.

ٴسىم حابارلاۋىنشا، ەلشى قىرعىزستاندىق شەنەۋنىكتىڭ رەيسكە وتىرعىزىلماۋىنا قاتىستى دەرەكتەردى ەلگە جاريالاعان.

ايتا كەتسەك، سەنبى كۇنى باق قىرعىزستاننىڭ ەڭبەك جانە الەۋمەتتىك دامۋ ۆيسە-مينيسترى «ەير استانا» ۇشاعىنىڭ بورتىندا جانجال تۋعىزدى دەگەن مالىمەت تاراتتى.

كۋاگەرلەردىڭ ايتۋىنا قاراعاندا، ۆيسە-مينيستر «ٴوزىن دۇرىس ۇستاماي، بورت سەرىكتەرىنە قارسى شىققان جانە ديپلوماتيالىق پاسپورتىن كورسەتكەن». وسى وقيعادان كەيىن ٴدال سول كۇنى قىرعىزستان پرەمەر-مينيسترى كادەنوۆانى جۇمىستان شىعارۋ تۋرالى قاۋلىعا قول قويدى دەگەن اقپارات شىقتى.

كەشە كورەياداعى قىرعىز ەلشىسى كىلىچبەك سۋلتان بىشكەككە كەلىپ، پرەسس-كونفەرەنسيا وتكىزدى. ول ٴمينيستردىڭ ورىنباسارىنا قاتىستى وقيعانىڭ ٴمان-جايىن جاريا ەتتى.

ەلشىنىڭ ايتۋىنشا، وعان قىرعىزستان پرەزيدەنتىنىڭ اكىمشىلىگىنەن بىرەۋ شەنەۋنىككە بايلانىستى جاعدايدىڭ ناقتى دەرەكتەرىن جاريالاماۋ تۋرالى تالاپ ەتىپ قوڭىراۋ شالعان. سونىمەن قاتار، كىلىچبەك سۋلتان ٴسىم باسشىلىعى مەن 2015-2016 جىلدارى مالايزياعا ەلشى بولعان كەزدەگى قىرعىزستان ەلشىلىگى قىزمەتكەرلەرىنىڭ قىزمەتىن بۇزعان فاكتىلەرىن دە ايتتى.

ال قىرعىزستان ٴسىم كىلىچبەك سۋلتان «مەملەكەتتىك قىزمەتشىلەردىڭ قىزمەتى مەن مىنەز-قۇلقىنىڭ ەرەجەلەرىن، سونىمەن قاتار ديپلوماتيالىق ەتيكانىڭ قاراپايىم نورمالارىن رەتتەيتىن زاڭنامانىڭ قاعيدالارىن تاعى دا بۇزدى» دەپ ايىپتادى. ۆەدومستو ەلشى تاراپىنان قىزمەتتىك بۇزۋلار بار جانە «تەكسەرۋدەن كەيىن قۇزىرلى ورگاندارعا جىبەرىلەدى» دەگەندى قوستى.

«سۋلتاندى اتالعان بۇزۋلار وسىنداي ارەكەتكە يتەرمەلەگەنىن دە جوققا شىعارمايمىز. وسى جاعدايدى ەسكەرە وتىرىپ، مينيسترلىك ەل باسشىلىعىنا سۋلتاننىڭ قازىرگى لاۋازىمىن ودان ٴارى اتقارۋىن قاراستىرۋ تۋرالى ۇسىنىس جىبەرۋى مۇمكىن»، - دەپ حابارلادى ٴسىم.

كىلىچبەك سۋلتان 24.kg باسىلىمىنا ٴسىم-نىڭ مۇنداي ارەكەتىن كۇتكەنىن ايتتى.

«مەن پرەسس-كونفەرەنسيادا جەمقورلىق تۋرالى مەنىڭ حابارلامامنان كەيىن مەنى نە جۇمىستان بوساتۋ كەرەك، نە ماراپاتتاۋ كەرەك ەكەنىن ايتقان بولاتىنمىن. مەملەكەت باسشىسىنىڭ جاۋابىن كۇتەمىز. ٴبىراق مەن جەمقورلىق تۋرالى اشىق ايتۋعا شاقىرعان پرەزيدەنت سوورونباي جەەنبەكوۆ قولدايتىنىن بىلەمىن. ونىڭ ايتقانىن تىڭداپ، ەلىمىزدىڭ سىرتقى ساياساتىنا جاۋاپتى ۆەدومستۆودا بولىپ جاتقان بۇزۋشىلىقتار تۋرالى حالىق الدىندا ايتتىم»، - دەدى ەلشى.

ديپلومات ٴقازىر سەۋلدە – ٴوزىنىڭ جۇمىس ورنىندا ەكەنىن جەتكىزدى. ول «وڭتۇستىك كورەيادا ەلشىنى نون گراتا تۇلعاسى رەتىندە جاريالاماق» دەگەن قاۋەسەتتى «اقىلعا قونىمسىز» دەدى.

ەسكە سالا كەتسەك، ەڭبەك جانە الەۋمەتتىك دامۋ ۆيسە-مينيسترى زۋۋراكان كادەنوۆا لاۋازىمىنان بوساتىلدى. ٴتيىستى قاۋلىعا قىرعىزستاننىڭ پرەمەر-مينيسترى مۇحامەدقالي ابىلعازيەۆ قول قويدى. بۇعان دەيىن بۇقارالىق اقپارات قۇرالدارى جازعانداي، 22 قىركۇيەكتە سەۋل اۋەجايىندا جانجال تۋعىزعانى ٴۇشىن ەڭبەك جانە الەۋمەتتىك دامۋ ۆيسە-مينيسترى زۋۋراكان كادەنوۆا رەيسكە وتىرعىزىلماعان.

"ەير استانا" كومپانياسى قىرعىزستاننىڭ بۇرىنعى ۆيسە-مينيسترىن سەۋل-الماتى رەيسىندەگى ۇشاقتان نەلىكتەن تۇسىرىلگەنى تۋرالى مالىمدەمە جاسادى.

سونىمەن قاتار، قىرعىزستاننىڭ بۇرىنعى ەڭبەك جانە الەۋمەتتىك دامۋ ۆيسە-مينيسترى زۋۋراكان كادەنوۆا نە ىشكەنىن ايتىپ بەرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي