قارتايعاندا تەڭىز تاعامدارىن كوپ جەۋ كەرەك – عالىمدار - الەم|19 قىركۇيەك 2018، 09:15
كۋرسى ۆاليۋت وبنوۆليايۋتسيا
استانا:

قارتايعاندا تەڭىز تاعامدارىن كوپ جەۋ كەرەك – عالىمدار

تەڭىز تاعامدارى، جاڭعاق پەن كوكونىستەردى ٴجيى تۇتىناتىن 65 جاستان اسقان ادامداردا ٴولىم ٴقاۋپى 25%-عا از بولادى، دەپ حابارلايدى baq.kz اقپارات اگەنتتىگى the guardian باسىلىمىنا سىلتەمە جاساپ.

عالىمداردىڭ ايتۋىنشا، مۇنداي ديەتا سالاۋاتتى ٴومىر سالتىنىڭ رەسەپتى سانالادى ٴارى ٴارتۇرلى اۋرۋدىڭ الدىن الادى.

«بۇكىل الەم بويىنشا، اسىرەسە ەۋروپادا ٴبىز قارتايۋ پروسەسىنىڭ جىلدامدانىپ جاتقانىنا كۋا بولىپ ٴجۇررمىز. بۇگىنگى تاڭدا وعان قارسى تۇراتىن قانداي مۇمكىندىكتەر بار ەكەنىن انىقتاۋ وتە ماڭىزدى. تەڭىز تاعامدارىنىڭ ادام دەنساۋلىعىنا پايدالى ەكەنى بارىمىزگە بەلگىلى. ٴبىراق بۇل زەرتتەۋ ونىڭ تەك قارتتارعا قالاي اسەر ەتەتىنىنە عانا ارنالدى»، دەيدى زەرتتەۋ اۆتورلارىنىڭ ٴبىرى، irccs neuromed نەۆرولوگيالىق ينستيتۋتىنىڭ ەپيدەميولوگى مارياۋرا بوناچچيو.

ونىڭ ايتۋىنشا، بۇعان دەيىن مۇنداي ديەتانىڭ جۇرەك اۋرۋلارى مەن راكقا اسەرى تۋرالى زەرتتەۋلەر جۇرگىزىلگەن.

british journal of nutrition جۋرنالىندا جاريالانعان زەرتتەۋدە عالىمداپ 2005 جىلدان باستاپ 2015 جىلعا دەيىن يتالياداعى 65 جاستان اسقان 5200 ادامنىڭ تاماقتانۋ راسيونى مەن دەنساۋلىق جاعدايىن باقىلاۋدا ۇستاعان. وسى ۋاقىت ارالىعىندا زەرتتەۋگە قاتىسقان 900 ادام كوز جۇمعان. قاتىسۋشىلار تاماقتانۋ راسيونى تۋرالى قاعاز تولتىرىپ وتىرعان. سول ارقىلى زەرتتەۋشىلەر 0-9 ماسشتابى ارالىعىندا ولاردىڭ تاماقتانۋ ەرەكشەلىگىنىڭ تەڭىز ديەتاسىنا قانشالىقتى جاقىندىعىن باعالاعان.

زەرتتەۋ ناتيجەلەرى كورسەتكەندەي، تەڭىز تاعامدارى ديەتاسىنا ساي تاماقتانعان ادامداردا دەنە بەلسەندىلىگى جوعارى بولعان. سونىمەن قاتار جىنىسىنا، بەلسەندىلىك دەڭگەيى مەن الەۋمەتتىك ستاتۋسىنا قاراماستان مۇنداي تاماقتاردى تۇتىنۋشىلار اراسىندا ٴولىم ٴقاۋپى 25%-عا تومەن بولعان.

عالىمدار بۇل زەرتتەۋ ارقىلى تەڭىز تاعامدارىنىڭ ناقتى قالاي اسەر ەتەتىنىن قاراستىرماعانىن ايتادى. ولاردىڭ ايتۋىنشا، مۇنداي ديەتا ادام ٴومىرىن ۇزارتۋعا سەپتىگىن تيگىزە الادى.

مۇنداي قورىتىندىعا كەلمەس بۇرىن عالىمدار قارتتاردىڭ قاتىسۋىمەن وتكىزىلگەن تاعى التى زەرتتەۋدى قاراپ شىققان. «ٴسىز سالاۋاتتى ٴومىر سالتىن جاس كەزىڭىزدەن ۇستانا باستاساڭىز، ارينە، ناتيجە بۇدان دا جاقسى بولارى ٴسوزسىز. دەگەنمەن، قارتايعان شاعىڭىزدا دا تەڭىز ديەتاسىنا كوشۋ ٴالى كەش ەمەس»، دەيدى بوناچچيو.

دەگەنمەن، گلازگو ۋنيۆەرسيتەتىنىڭ مەتابوليزم مەديسيناسى پروفەسسورى ناۆەد ساتتاردىڭ ايتۋىنشا، بۇل زەرتتەۋدىڭ ناقتىلىعى تومەن.

«بۇل زەرتتەۋ قارتايعان شاقتا تەڭىز تاعامدارىنىڭ پايدالى ەكەنىن كورسەتىپ وتىر. ٴبىراق ماقالادان بايقاعانىمداي، اۆتورلار زەرتتەۋ جۇرگىزبەي، تەك باقىلاۋ جاساعان. ياعني، قاتىسۋشىلاردىڭ ٴسوزى نەگىزىندە شەشىم شىعارىپ وتىر. ونى دالەلدەۋ قاجەت. كەيبىر ادامداردا دەنساۋلىق جاعدايىنا بايلانىستى تاماقتانۋ راسيونى دا باسقا بولۋى مۇمكىن»، دەيدى ول.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي