BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يتاليا ۇستازدارى اشتىق جاريالاي باستادى

يتاليادا ورتا پەداگوگيكالىق ٴبىلىم العان ۇستازداردىڭ بىلىكتىلىگى ەندى جارامسىز دەپ تانىلۋىنا بايلانىستى مۇعالىمدەر اشتىق جاريالاپ، ٴبىلىم مينيسترلىگى عيماراتىنىڭ الدىندا تۇنەمەك، دەپ حابارلايدى baq.kz اقپارات اگەنتتىگى.

24.kz ارناسىنىڭ مالىمەتىنە قاراعاندا، كادرلىق رەزەرۆتە تۇرعان 55 مىڭ مۇعالىمگە قاتىستى مۇنداي شەشىمدى مەملەكەتتىك كەڭەس مۇشەلەرى شىعارعان.

جاڭا ەرەجەگە ساي وقۋ جىلىنىڭ سوڭىنا قاراي 7 مىڭ ۇستاز جۇمىستان بوسايدى. بۇعان دەيىن ولار بيلىكتىڭ شەشىمىنە قارسى بىرنەشە رەت ەرەۋىل وتكىزدى. ٴبىراق وعان قۇلاق اسقان ەشكىم بولمادى. ەندى امالى تاۋسىلىپ، مينيسترلىك الدىنا كەلگەن پەداگوگتار «ۆەدومستۆا باسشىسى سوزىمىزگە قۇلاق اسپاسا كەتپەيمىز» دەپ بەكىنىپ وتىر.

"تالابىمىز ورىندالماسا، كەرى شەگىنبەيمىز. ٴالىمىز كەلگەنشە كۇرەسەمىز. بيلىك وكىلدەرى الدىمىزعا شىعىپ، سۇراقتارىمىزعا جاۋاپ بەرسىن" - دەيدى ەلەنا دە مەو اتتى ۇستاز.

ٴقازىر ەرەۋىلگە شىققاندار سانى ەكى مىڭعا جۋىقتادى. الداعى كۇندەرى ولاردىڭ قاتارىنا ەلدىڭ تۇپكىر-تۇپكىرىنەن كەلگەن ۇستازدار قوسىلماق.

"بيلىك باسىنداعىلار اقىلعا كەلىپ، بۇل شەشىمىنەن باس تارتادى دەپ ويلايمىز. ٴبىر وتباسىنى اسىراپ وتىرعان اتا-انالار بار. اشتىق جاريالاۋ ولاردىڭ دەنساۋلىعىنا زيانىن تيگىزۋى مۇمكىن. بيلىك ٴبىزدىڭ جان ايقايىمىزعا قۇلاق اسسا، ورتاق مامىلەگە كەلەمىز دەگەن ۇمىتتەمىن" - دەيدى لۋچيا دەل دجۋديچە ەسىمدى ٴمۇعالىم.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي