BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گرۋزيا ازاماتتارىنىڭ $1،5 ملرد قارىزىن كەشىرمەك

فوتو: Etcetera.media

استانا، baq.kz ٴتىلشىسى. گرۋزيا 600 مىڭ ازاماتتىڭ 1،5 ملرد دوللار كولەمىندەگى قارىزىن كەشىرەدى. بۇل تۋرالى sputnik-گرۋزيا اگەنتتىگى حابارلايدى.

العاشىندا ماسەلە 565 ملن دوللاردان باستالعان. قارىزى كەشىرىلۋى قاجەت ازاماتتاردىڭ ەسىمى ارنايى تىزىمگە ەنگىزىلىپتى. ول ينتەرنەتتە جاريالانعان. قارىزى بار تۇرعىندار ٴوز ەسىمىن تىزىمنەن تاۋىپ السا، ونىڭ قارىزى وسى جىلدىڭ 31-جەلتوقسانىنا دەيىن كەشىرىلەدى.

تىزىمدە ونداعان بانككە، ٴارى ميكرو قارجىلىق ۇيىمدارعا، ونلاين-بانككە جانە كوللەكتورلىق كومپانيالارعا قارىزى ازاماتتار بار.

ولاردىڭ بورىشىن «كارتۋ بانك» وتەيدى. بانكتىڭ نەگىزىن «گرۋزيا ارمانى – دەموكراتيالىق گرۋزيا» پارتياسىنىڭ كوشباسشىسى، ميللياردەر بيدزينا يۆانيشۆيلي قالاعان.

قارىز تەك وسىدان ٴبىر جىل بۇرىن نەسيە العان، ونىڭ پروسەنتىن تولەمەگەن، ٴارى نەسيەنىڭ نەگىزگى سومماسى پروسەنتسىز جانە ايىپپۇلدىڭ مولشەرى 751 دوللاردان اسپاعان جاعدايدا كەشىرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي