BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گرەكيادا باتىس ٴنىل بەزگەگىنەن 27 ادام قازا تاپتى

فوتو: AFP 2018 / ARIS MESSINIS

گرەكيادا 27 ادام باتىس ٴنىل بەزگەگىنەن قازا تاپقان. بەزگەكتى 234 ادام جۇقتىرعان. بۇل تۋرالى اۋرۋدى باقىلاۋ جانە الدىن الۋ ۇلتتىق ورتالىعى (keelpno) ٴمالىم ەتتى، دەپ حابارلايدى baq.kz ٴتىلشىسى.

اۋرۋدى جۇقتىرعان 183 ادامنىڭ ورتالىق نەرۆ جۇيەسى جاراقاتتانعان. ٴبىر ايدا بەزگەكتى جۇقتىرعانداردىڭ سانى 2،5 ەسەگە ارتقان. 23 تامىزداعى مالىمەتكە سايكەس، اۋرۋدان 11 ادام قازا تاۋىپ، بەزگەكتى جۇقتىرۋدىڭ 107 فاكتىسى تىركەلگەن.

باتىس ٴنىل بەزگەگى العاش رەت گرەكيادا 2010 جىلى انىقتالعان. 2010-2014 جىلدارى باتىس ٴنىل بەزگەگىنەن 80-گە جۋىق ادام قازا تاپقان. ال 2015-2016 جىلدارى اۋرۋعا شالدىعۋ فاكتىسى مۇلدەم تىركەلمەگەن.

2017 جىلى بەزگەكتى جۇقتىرۋدىڭ 48 فاكتىسى تىركەلسە، 5 ادام بەزگەكتەن كوز جۇمعان.

گرەكيادان باسقا باتىس ٴنىل بەزگەگى ەۋروپانىڭ 8 ەلىندە تىركەلگەن.

ايتا كەتەيىك، بەزگەكتى ماسالار تاراتادى. وسى جىلى اۋرۋدىڭ ٴجيى تاراپ كەتۋى اۋا تەمپەراتۋراسىنىڭ جوعارى جانە جازدىڭ جاڭبىرلى بولۋىمەن بايلانىستىرىلادى.

keelpno ماسالاردان قورعانۋ ٴۇشىن كەلەسى كەڭەستەردى بەرەدى: ماسالار كوپ اۋدانداردا موسكيت تورىن ورناتۋ، ينسەكتيسيدتەردى پايدالانۋ، جەڭى ۇزىن كويلەك پەن شالبار كييۋ، ٴۇيدىڭ ماڭىندا سۋدىڭ جينالىپ قالۋىنا جول بەرمەۋ.

باتىس ٴنىل بەزگەگىنىڭ ۆيرۋسى ادامنىڭ ورتالىق نەرۆ جۇيەسىن جاراقاتتايدى. سالدارىنان ادام ەنسەفاليت، مەنينگيت، سال اۋرۋىنا شالدىعادى. باستىڭ اۋرۋى، شارشاۋ، بۇلشىق ەتتىڭ اۋرۋى، جۇرەك اينۋ، قۇسۋ، كەيدە بورتپە مەن ليمفالىق تۇيىندەردىڭ كەڭەيۋى – اتالعان اۋرۋدىڭ العاشقى بەلگىلەرى.

ەگەر ادام ۋاقىتىندا مەديسينالىق كومەك الماسا، ٴولىپ كەتۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي