گەرمانيادا الەمدەگى العاشقى سۋتەك وتىنمەن جۇرەتىن پويىز ازىرلەندى - الەم|17 قىركۇيەك 2018، 09:41
كۋرسى ۆاليۋت وبنوۆليايۋتسيا
استانا:

گەرمانيادا الەمدەگى العاشقى سۋتەك وتىنمەن جۇرەتىن پويىز ازىرلەندى

فوتو: dw.com

گەرمانيادا سۋتەك وتىنمەن جۇرەتىن الەمدەگى ەڭ العاشقى پويىز coradia ilint تەستىلىك رەجيمدە سىنالدى، دەپ حابارلايدى ۆaq.kz اقپارات اگەنتتىگى deutsche welle باسىلىمىنا سىلتەمە جاساپ.

بۇگىننەن باستاپ پويىز تومەن ساكسونيا مەن برەمەن قالالارىنىڭ اراسىندا جۇرە باستايدى.

سۋتەك وتىنعا تولعان سيستەرنا مەن وتىن ەلەمەنتى پويىزدىڭ توبەسىنە ورناتىلعان. پويىز ەكولوگيالىق تازا بولىپ ەسەپتەلەدى. سەبەبى ەلەكتر توگى قورشاعان ورتاعا زيان كەلتىرمەيتىن سۋتەكتەن بولىنەدى.

پويىز ساعاتىنا 140 كم ماكسيمالدى جىلدامدىقپەن جۇرەدى. coradia ilint ٴبىر رەت تولتىرىپ قويسا، 1000 كم قاشىقتىققا جەتەدى.

پويىزدى گەرمانيانىڭ زالسگيتتەر قالاسىندا فرانسيالىق alstom كومپانياسى ازىرلەپ شىعاردى.

ٴۇش جىلدان كەيىن ٴدال وسىنداي 14 پويىز تۇراقتى تۇردە رەيستەردى ورىندايدى دەپ جوسپارلانىپ وتىر. كەيىن بارلىق ديزەلمەن جۇرەتىن ايماقارالىق پويىزدار سۋتەكتى وتىنمەن جۇرەتىنگە الماستىرىلادى. جۇيەنى جاڭعىرتۋ ٴۇشىن 81،3 ملن ەۆرو بولىنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي