گەرمانيا مەن دانيا اراسىندا سۋاستى تۋننەلى سالىنادى

الماتى، baq.kz. گفر بيلىگى گەرمانيا مەن دانيا اراسىنداعى سۋاستى تۋننەلىنىڭ قۇرىلىس جوباسىن ماقۇلدادى. بۇل تۋرالى reuters حابارلادى.

اتالعان جوبانىڭ جالپى قۇنى 8 ملرد ەۋروعا باعالانىپ وتىر. تۋننەل نەمىستەردىڭ فەمارن ارالى مەن داتتاردىڭ لوللان ارالدارىن جالعايدى دەپ جوسپارلانۋدا. ونىڭ ۇزىندىعى 19 شاقىرىمدى قۇرايدى. ونىڭ ىشىندە ٴتورت جولاقتى اۆتوكولىك جولى مەن ەكى تەمىرجولى بولادى.

قۇرىلىسى اياقتالعان سوڭ نىسان دانيا ۇكىمەتىنىڭ مەنشىگىنە بەرىلەدى. ويتكەنى بۇل ەل قارجىلاندىرۋدىڭ باسىم كوپشىلىگىن موينىنا الىپ وتىر، قالعان قاراجات ەو بيۋدجەتىنەن بولىنەدى.
قازىرگى ۋاقىتتا فەرمان گەرمانيا قۇرلىعىمەن اۆتوكولىك جولىمەن قوسىلعان. جاڭا تۋننەل قوزعالىس جىلدامدىعىن ارتتىرىپ، نەمىستىڭ گامبۋرگ، برەمەن، گاننوۆەر قالالارىنىڭ جانە دانيانىڭ كوپەنگاگەن قالاسىمەن شۆەدتەردىڭ مالما قالاسى تۇرعىندارى ٴۇشىن ۇلكەن سۇرانىسقا يە بولادى دەپ كۇتىلۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!