BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

facebook ناسىلشىلدىككە قاتىستى مەمدەردى وشىرمەيدى – business insider

جاقىندا channel 4 تەلەارناسىنىڭ ٴتىلشىسى facebook كومپانياسىنا جاسىرىن تۇردە مودەراتور رەتىندە جۇمىسقا ورنالاسىپ، الەۋمەتتىك جەلىنىڭ ناسىلشىلدىككە قاتىستى مەمدەر مەن بالالار زورلىعى بەينەلەنگەن ۆيدەولاردى وشىرمەيتىنىن انىقتادى، دەپ حابارلايدى baq.kz اقپارات اگەنتتىگى business insider باسىلىمىنا سىلتەمە جاساپ.

جۋرناليست دۋبليندەگى cpl resources كومپانياسىنىڭ اتىنان جاڭادان كەلگەن ماماندارعا كونتەنتتى باقىلاۋ جۇمىستارىن ۇيرەتەتىن جۇمىسقا كۋا بولعان. facebook كومپانياسىندا جۇمىس ىستەگەن ول جاقىندا تەلەارنادان «facebook ىشىندە: الەۋمەتتىك جەلى قۇپيالارى» اتتى ٴفيلمىن كورسەتتى.

جۋرناليست جاڭادان جۇمىسقا ورنالاسقان قىزمەتكەرلەرگە facebook الەۋمەتتىك جەلىسىنىڭ قوعامدىق ستاندارتتارىن تانىستىرۋ جۇمىسىنا قاتىسقان. ونىڭ ىشىندە كونتەنتپەن جۇمىس ىستەپ، قاتىگەزدىك كورىنىستەرى، بالالارعا قاتىستى زورلىق-زومبىلىق، جەك كورۋشىلىك ٴارى ناسىلشىلدىك كونتەنتتى باقىلاۋ جۇمىستارىن تۇسىندىرگەن.

مودەراتور ماتەريالدى قاراپ بولعان سوڭ ٴۇش ٴتۇرلى ارەكەتكە جۇگىنە الادى: كونتەنتتى ەلەمەۋ، ٴوشىرۋ نەمەسە ۇرەيلى كونتەنت قاتارىنا ەنگىزۋ. ٴۇشىنشى توپقا كىرگەن كونتەنت الەۋمەتتىك جەلىدە ساقتالادى جانە ونى كورە الاتىن ادامدار سانى شەكتەۋلى بولادى.

جۋرناليست بالالارعا قاتىستى زورلىق-زومبىلىق كورىنىستەرى، ناسىلشىلدىك كونتەنت facebook الەۋمەتتىك جەلىسىندە ساقتالىپ قالعانىن انىقتادى. سونداي-اق، ول مودەراتورلاردى وقىتۋ ٴىسى مەن facebook ستاندارتتارىنىڭ اراسىندا سايكەسپەۋشىلىكتەردىڭ بار ەكەنىن ٴبىلدى.

ٴتىلشى جۇمىسقا ورنالاسقاندا وعان ۇلكەن ەر ادامنىڭ كىشكەنتاي بالانى ۇرىپ جاتقان ۆيدەوسى ۇرەيلى كونتەنتكە جاتقىزىلاتىنى ايتىلدى. facebook جەلىسىنە ۆيدەوعا قاتىستى شاعىم 2012 جىلى جەلتوقساندا بالالارعا قارسى قاتىگەز ارەكەتتەرمەن كۇرەسەتىن كامپانيادان تۇسكەن. ٴبىراق كومپانيا جۋرناليسكە بۇل ۆيدەو facebook شارتتارىن بۇزبايتىنىن ايتقان.

العاشقى كۇنى ۆيدەو facebook الەۋمەتتىك جەلىسىندە 44 مىڭ رەت بولىسىلگەن. ال facebook كومپانياسىنىڭ قوعامدىق ساياسات بويىنشا ۆيسە-پرەزيدەنتى ريچارد اللان جۋرناليستەرگە بۇل ۆيدەونىڭ سايتتان ٴوشىرىلۋى كەرەك بولعانىن ايتتى.

ٴبىر اينا كەتەرلىگى، تەلەارنا facebook كومپانياسىنا كوپشىلىك نازارىن اۋدارعان كەزدە دە بۇل ۆيدەو الەۋمەتتىك جەلىدەن وشىرىلمەگەن.

ناسىلشىلدىككە قاتىستى ساياسات

facebook الەۋمەتتىك جەلىسىنىڭ ستاندارتتارىندا «ٴبىز facebook-تە جەك كورۋشىلىككە جول بەرە المايمىز. بۇل قورقىنىش، ۇرەيگە سەبەپ بولادى، كەيدە شىنايى ومىردە دە زورلىق-زومبىلىققا اكەلۋى مۇمكىن»، دەلىنگەن.

cpl resources قىزمەتكەرلەرىنە ساباق بارىسىندا كىشكەنتاي قىزدىڭ سۋرەتى كورسەتىلگەن. وندا «ٴسىزدىڭ قىزىڭىز كىشكەنتاي قارا ٴناسىلدى بالادان قورىققاندا» دەگەن جازۋ بار. جۋرناليسكە ماماندار بۇل سۋرەتتى ەلەمەۋگە بولاتىنىن ايتقان. ال كەيىن فيلم جارىق كورگەن سوڭ كومپانيا بۇل سۋرەتتىڭ راسىمەن دە الەۋمەتتىك جەلى ستاندارتتارىن بۇزاتىنىن ايتقان.

ٴتىلشىنىڭ تاعى ٴبىر بايقاعانى، مۇسىلمان يمميگرانتتارىنا قاتىستى پىكىرلەر دە الەۋمەتتىك جەلىدەن وشىرىلمەگەن. ەگەر پىكىر تەك مۇسىلماندارعا قاتىستى بولسا، وعان نازار اۋدارىلعان، ال مۇسىلمان يمميگرانتتارعا قاتىستى جازبالار سول كۇيى قالدىرىلعان.

اللاننىڭ ايتۋىنشا، ادامدار facebook جەلىسىندە كوپتەگەن تاقىرىپتى تالقىلايتىندىقتان، مۇنداي پىكىرتالاستاردىڭ بولۋى زاڭدى.

business insider باسىلىمىنا اللان facebook كومپانياسىنىڭ قاتەلىكتەرگە بوي الدىرعانىن ايتتى. ەندى كومپانيا جاڭادان كەلگەن قىزمەتكەرلەردى وقىتۋ باعدارلاماسى مەن ماتەريالدارىن وزگەرتەتىنىن مالىمدەدى. «بۇل باعدارلاما كومپانيانىڭ ۇستانىمدارى مەن ساياساتىن تانىتپايدى، ٴارى ٴبىزدىڭ جوعارى ستاندارتتارىمىزعا ساي كەلمەيدى»، دەدى اللان.

facebook-كە ەكسترەمالدىق كونتەنتتەن پايدا تۇسە مە؟

channel 4 تەلەارناسىنا ٴfacebook-تىڭ بۇرىنعى ينۆەستورى رودجەر ماكنام cambridge analytica داۋىن ەسكە الا وتىرىپ، كومپانياعا ەكسرەمالدىق كونتەنتتەن پايدا تۇسەتىنىن ايتتى.

«ەكسترەمالدىق، ٴقاۋىپتى كونتەنت پلاتفورماداعى ەڭ بەلسەندى ادامداردىڭ نازارىن اۋدارادى. كومپانياعا ادامداردىڭ نازارىن وزىنە اۋدارىپ، كوپ ۋاقىتىن الەۋمەتتىك جەلىدە وتكىزگەنى تەك پايدا اكەلەدى»، دەدى ول.

بۇل ٴسوزدى cpl resources قىزمەتكەرلەرى دە راستادى. ول جۋرناليسكە facebook بارلىق قاتىگەز كونتەنتتى وشىرە بەرسە، تىم كوپ سەنزۋرا بايقالسا، حالىق قىزىعۋشىلىعىن ازايتاتىنىن ايتتى. «الەۋمەتتىك جەلىدە كوپ ادام وتىرعان سايىن ونىڭ تاباتىن پايداسى دا ارتا بەرەدى»، دەدى ول.

ال ۆيسە-پرەزيدەنت اللان بۇل ويمەن كەلىسپەيتىنىن ايتتى. «ناشار كونتەنت بىزگە ەش پايدا اكەلمەيدى. بۇل ٴبىزدىڭ جۇيەنىڭ جۇمىسىن تۇسىنبەيتىندەردىڭ ويى»، دەدى ول.

اعىلشىن تىلىنەن اۋدارعان

التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي