BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋروپا 2050 جىلعا دەيىن ەت پەن ٴسۇت ٴوندىرىسىن ەكى ەسە ازايتۋى كەرەك – عالىمدار

ەۋروپاداعى ساياساتكەرلەر مەن فەرمەرلەر، ٴتىپتى، قاراپايىم حالىق الدىندا دا قيىن تاڭداۋ تۇر. عالىمدار جاريالاعان جاڭا زەرتتەۋ ناتيجەسى تۋرالى باياندامادا ەۋروپاعا مال شارۋاشىلىعىنىڭ كولەمىن اناعۇرلىم ازايتۋ كەرەكتىگى ايتىلعان، دەپ جازادى baq.kz اقپارات اگەنتتىگى the guardian باسىلىمىنا سىلتەمە جاساپ.

عالىمداردىڭ ايتۋىنشا، ەۋروپاداعى مال شارۋاشىلىعى 2050 جىلعا دەيىن پارنيك گازدارىنىڭ قالدىعىن 74%-عا ازايتۋى كەرەك.

باياندامادا ايتىلعانداي، ەۋروپاداعى مال شارۋاشىلىعى سەكتورى پارنيك گازدارى قالدىعىنىڭ ٴقاۋىپسىز شەگىنەن اسىپ كەتكەندىكتەن، تەز ارادا ونىڭ مولشەرىن ازايتۋدى قولعا الۋى كەرەك.

جالپى، الەم بويىنشا ەت ونىمدەرىنە سۇرانىس ارتىپ جاتقاندىقتان، وسى عاسىر ىشىندە مال شارۋاشىلىعىمەن اينالىساتىن فەرمەرلەرگە دەگەن تالاپ پەن قىسىم كۇشەيە بەرەدى.

بايانداما اۆتورلارىنىڭ ٴبىرى، پروفەسسور اللان باكۆەللدىڭ ايتۋىنشا، ەۋروپا 2050 جىلعا دەيىن ەت پەن ٴسۇت ونىمدەرىنىڭ ٴوندىرىسىن ازايتۋى كەرەك. ال بايانداما جاريالانعان كەزدە ەۋرووداقتىڭ قورشاعان ورتا بويىنشا بۇرىنعى كوميسسارى يانەز پوتوكنيك بۇل ماسەلەنى شەشۋدى ٴقازىر قولعا الۋى كەرەكتىگىن ايتتى.

زەرتتەۋ ناتيجەلەرىندە ەۋروكوميسسياعا رەسمي ساۋال جولدانعان. وندا كوميسسيانىڭ مال شارۋاشىلىعى ونىمدەرىن ازايتىپ، دەنساۋلىققا، كليماتقا جانە قورشاعان ورتاعا زياندى ونىمدەردى شىعارۋعا كەدەرگى كەلتىرۋ ٴۇشىن قانداي شارالار قولعا الىناتىنى تۋرالى سۇرالعان.

بۇگىنگى تاڭدا ەۋروپالىقتار دەنساۋلىق ساقتاۋ ۇيىمدارى ۇسىناتىن مولشەردەن دە كوپ كولەمدە ەت ونىمدەرىن تۇتىنادى. سونىڭ ناتيجەسىندە مەملەكەتتە 2050 جىلعا قاراي پارنيك گازدار قالدىعىن 74 پايىزعا، نيترات قولدانىلاتىن تىڭايتقىشتار قالدىعىن 60 پايىزعا قىسقارتۋ قاجەتتىلىگى تۋىنداۋى مۇمكىن.

دەگەنمەن، بۇل پروبلەمانىڭ شەشىلۋىنە فەرمەرلەر كەدەرگى بولۋى مۇمكىن. اسىرەسە، بيىلعى قۇرعاقشىلىقتار كەيىن ولاردىڭ قارجىلىق جاعدايى ناشارلاپ، شىعىندارى كوبەيگەن.

فەرمەرلەر اسسوسياسياسىنىڭ باس حاتشىسى ليام ماكحەيلدىڭ ايتۋىنشا، فەرمەرلەر ەكولوگتار ٴۇشىن ۇنەمى «وڭاي نىسان» بولىپ كەلگەن. «باياندامادا ٴبىزدىڭ سەكتور ەرەكشە اتاپ وتىلگەن. پارنيك گازدار تەك قانا اۋىل شارۋاشىلىق سەكتورىنان شىعىپ جاتقانىن ەسكەرىپ جاتقان ەشكىم جوق. مىسالى، كولىك سالاسى بار، اۋە جولدارى بار. ولارىدڭ ەشقايسىسىن قىسقارتپاي، بىردەن مال شارۋاشىلىعى ونىمدەرىن قىسقارتۋدى قولعا الۋدى ۇسىنىپ جاتقاندارى دۇرىس ەمەس دەپ ويلايمىن»، دەيدى ول.

ال باكۆەلل جوعارىدا اتالعان پروبلەمانى شەشۋ ٴۇشىن مال شارۋاشىلىعى سەكتورى ٴوز ونىمدەرىن 40-50%-عا قىسقارتۋى كەرەك ەكەنىن ايتتى.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي