ەو ساراپشىلارى «فەيك جاڭالىقتارمەن» كۇرەس ماسەلەسىن تالقىلادى - الەم|16 قاڭتار 2018، 09:17
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەو ساراپشىلارى «فەيك جاڭالىقتارمەن» كۇرەس ماسەلەسىن تالقىلادى

ەۋروپا كوميسسياسىنىڭ ساراپشىلار توبى 15 قاڭتاردا جالعان (فەيك) جاڭالىقتارمەن كۇرەس ماسەلەلەرى جونىندەگى جۇمىسشى توبىنىڭ العاشقى وتىرىسىن وتكىزدى، دەپ حابارلايدى baq.kz اقپارات اگەنتتىگى.

ساراپشىلار ەۋروپا وداعىنىڭ (ەو) «فەيك جاڭالىقتار» قۇبىلىسىمەن قالاي كۇرەسۋ قاجەتتىگى تۋرالى ستراتەگياسىن دايىنداۋعا ۇلەس قوسپاق. ستراتەگيا ٴساۋىردىڭ سوڭىنا قاراي ۇسىنىلۋى ٴتيىس. ەو-نىڭ سيفرلىق ەكونوميكا جانە قوعام بويىنشا كوميسسارى ماريا گابريەل 2017 جىلى قاراشادا توپ جۇمىسىنا قاتىسۋعا ٴوتىنىش قابىلداۋ باستالعانىن مالىمدەپ، 300 ۇمىتكەردىڭ اراسىنان 40 ادامدى تاڭداپ العان.

العاشقى كەزدەسۋدەن سوڭ سويلەگەن گابريەل جالعان جاڭالىقتار «اسقان جىلدامدىقپەن» تارالىپ جاتقانىن ايتتى. ونىڭ سوزىنشە، مۇنداي جاڭالىقتار باق بەدەلى مەن دەموكراتيالىق ەلدەردىڭ بەدەلىنە نۇقسان كەلتىرىپ، «دەموكراتيالىق قۇندىلىقتاردى» اياقاستى ەتەدى. گابريەل فەيك جاڭالىقتاردى انىقتاۋ مەن تاراتۋدىڭ ادىستەرىن جاساۋعا شاقىردى.

«ٴبىز اقپارات كوزدەرىنىڭ سەنىمدى بولۋىن قامتاماسىز ەتۋىمىز كەرەك»، - دەدى ماريا گابريەل.

ساراپشىلار توبىن نيدەرلاندتاعى ۋترەحت ۋنيۆەرسيتەتىنىڭ پروفەسسورى مادلەن دە كوك بۋنينگ باسقارادى. ول ينتەللەكتۋالدىق مەنشىك، اۆتورلىق قۇقىق جانە باق تۋرالى زاڭنامالار بويىنشا مامان سانالادى. بۇل توپ قۇرامىندا، سونىمەن قاتار، afp جانە ard سياقتى مەدياكومپانيالار مەن facebook، google جانە twitter ٴتارىزدى ينتەرنەت كومپانيالارىنىڭ وكىلدەرى دە بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي