BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"ەير استانا" قىرعىز ۆيسە-مينيسترىنە قاتىستى مالىمدەمە جاسادى

فوتو: интернеттен

"ەير استانا" كومپانياسى قىرعىزستاننىڭ بۇرىنعى ۆيسە-مينيسترىن سەۋل-الماتى رەيسىندەگى ۇشاقتان نەلىكتەن تۇسىرىلگەنى تۋرالى مالىمدەمە جاسادى، دەپ حابارلايدى ۆaq.kz ٴتىلشىسى.

"22 قىركۇيەكتە «سەۋل – الماتى» باعىتىنداعى كس 910 رەيسىنىڭ بورت سەرىكتەرى ۇشاق ۇشايىن دەپ جاتقاندا بيزنەس-كلاسس جولاۋشىسى زۋۋرۋكان كادەنوۆانىڭ سۇراقتارعا جاۋاپ بەرە الماعانىن جانە ول فيزيكالىق تۇرعىدان ۇشۋعا دايىن ەمەس ەكەنىن بايقاعان. ۇشۋدىڭ قاۋىپسىزدىگى مەن جولاۋشىنىڭ ٴارى قاراي جاعدايىنىڭ ناشارلاپ كەتپەۋ ٴقاۋپىنىڭ الدىن الۋ ماقساتىندا، ونى ۇشاقتان تۇسىرۋگە شەشىم قابىلدايدى"، - دەپ حابارلادى كومپانيا وكىلدەرى.

ٴباسپاسوز قىزمەتىنىڭ مالىمدەمەسىنە سۇيەنسەك، كادەنوۆا بورتتان تۇسۋگە قارسى بولعان. سوندىقتان كومپانيا ۇشاقتاعى بارلىق جولاۋشىنى قايتا تەكسەرۋگە ٴماجبۇر بولعان جانە ۇشاق رەيسى 1 ساعات 47 مينۋتقا كەشىكتىرىلگەن.

"جولاۋشى كادەنوۆا بورتتان تۇسۋدەن باس تارتقاندىقتان، ەكيپاج بارلىق جولاۋشىنى ۇشاقتان ٴتۇسىرىپ، قايتا تەكسەرىپ، ۇشاققا وتىرعىزۋعا ٴماجبۇر بولادى. سونىڭ سالدارىنان رەيس 1 ساعات 47 مينۋتقا كەشىكتىرىلدى. زۋۋراكان كادەنوۆا ەرتەسىنە كس 960 رەيسىمەن ۇشتى"، - دەپ جازىلعان حابارلامادا.

قازىرگى ۋاقىتتا اۋە كومپانياسى وقيعانىڭ ٴمان-جايىن انىقتاۋ ماقساتىندا ىشكى تەرگەۋ جۇمىستارىن جۇرگىزىپ جاتىر.

ەسكە سالا كەتسەك، ەڭبەك جانە الەۋمەتتىك دامۋ ۆيسە-مينيسترى زۋۋراكان كادەنوۆا لاۋازىمىنان بوساتىلدى. ٴتيىستى قاۋلىعا قىرعىزستاننىڭ پرەمەر-مينيسترى مۇحامەدقالي ابىلعازيەۆ قول قويدى. بۇعان دەيىن بۇقارالىق اقپارات قۇرالدارى جازعانداي، 22 قىركۇيەكتە سەۋل اۋەجايىندا جانجال تۋعىزعانى ٴۇشىن ەڭبەك جانە الەۋمەتتىك دامۋ ۆيسە-مينيسترى زۋۋراكان كادەنوۆا رەيسكە وتىرعىزىلماعان.

قىرعىزستاننىڭ بۇرىنعى ەڭبەك جانە الەۋمەتتىك دامۋ ۆيسە-مينيسترى زۋۋراكان كادەنوۆا نە ىشكەنىن ايتىپ بەرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي