BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دجەك ما: اقش-قىتاي ساۋدا سوعىسى 20 جىلعا سوزىلۋى مۇمكىن

alibaba group نەگىزىن قالاۋشى دجەك ما اقش پەن قىتاي اراسىنداعى ساۋدا سوعىسىنىڭ 20 جىلعا سوزىلۋى مۇمكىن ەكەنىن ايتىپ، بۇل پروبلەما باسقا دا مەملەكەتتەرگە اسەر ەتەتىندىكتەن، جىلدام شەشىمىن تاباتىنىنا ۇمىتتەنەتىنىن جەتكىزدى، دەپ حابارلايدى baq.kz اقپارات اگەنتتىگى abc news باسىلىمىنا سىلتەمە جاساپ.

اقش پرەزيدەنتى دونالد ترامپ ەكى مەملەكەت اراسىنداعى ساۋدانى قاتاڭ سىنعا الىپ كەلەدى. ال قىتايلىق ميللياردەر امەريكا مەن قىتاي اراسىندا ساۋدا بالانسىنىڭ جوقتىعىنا كۇمانمەن قارايتىنىن ايتتى.

«ساۋدا بىتكەن كەزدە، سوعىس باستالادى. سوندىقتان ساۋدا – سوعىستى توقتاتۋدىڭ امالى. ساۋدا – سەنىمدى نىعايتۋدىڭ امالى. بۇل بىر-بىرىمىزبەن كۇرەسۋ ٴۇشىن قولدانىلاتىن قارۋ ەمەس»، دەدى دجەك ما دۇنيەجۇزىلىك ساۋدا ۇيىمىندا وتكەن سەمينار بارىسىندا. ونىڭ ايتۋىنشا، ساۋدا شيەلەنىسى تەك امەريكا مەن قىتايدىڭ نارىعىنا عانا ەمەس، باسقا مەملەكەتتەردىڭ دە كاسىپورىندارى مەن بيزنەسىنە كەرى اسەرىن تيگىزەدى.

جالپى، دجەك ما ساۋداعا قاتىستى وڭ كوزقاراستا ەكەنىن، ٴبىراق بۇل سالانى ٴوز قولىنا الىپ باسقارعىسى كەلەتىندەردەن، رەتتەۋگە نيەتتىلەردەن قورعاۋ كەرەك ەكەنىن ايتتى.

«بۇگىنگى تاڭدا ٴبىز made in china، made in america، made in switzerland، made in geneva دەگەن سياقتى جازۋلاردى ٴجيى كورىپ ٴجۇرمىز. بولاشاقتا، مىسالى، 2030 جىلعا قاراي made in internet دەگەن ونىمدەر پايدا بولا باستاسا دا، تاڭعالمايتىن بولامىز. سەبەبى بيزنەستىڭ 85 پايىزى بولاشاقتا ەلەكتروندى كوممەرسيامەن اينالىساتىن بولادى»، دەيدى ول.

ايتا كەتەيىك، alibaba group – ەلەكتروندى كوممەرسيامەن اينالىساتىن الەمدەگى ەڭ ٴىرى كومپانيالاردىڭ ٴبىرى. بۇل كومپانيا امەريكالىق ريتەيلەرلەردى قىتاي جەتكىزۋشىلەرىمەن بايلانىستىرادى.

اقش نارىعى قىتاي كاسىپورىندارى ٴۇشىن ماڭىزدى. ترامپ اكىمشىلىگى قىتاي تاۋارلارىنا جۇزدەگەن ميلليارد دوللار تاريف ەنگىزدى. بۇعان بەيجىڭ دە جاۋاپ قايتارىپ، ەكى مەملەكەت اراسىندا ساۋدا سوعىسى باستالدى.

54 جاستاعى دجەك ما قىتاي بيزنەسىنىڭ تانىمال كوشباسشىلارىنىڭ ٴبىرى. ول كەلەسى جىلى قىركۇيەك ايىندا alibaba ٴتوراعاسى قىزمەتىنەن كەتەتىنىن، ٴبىراق كومپانيانى باقىلاۋ قۇزىرەتىن ساقتايتىن سەرىكتەستىك مۇشەسى بولىپ قالا بەرەتىنىن ايتقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي