BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇۇ بوسقىندارعا قاتىستى كەلىسىمدى ماقۇلدادى

استانا، baq.kz. نيۋ-يوركتە بۇۇ-نا مۇشە مەملەكەتتەر بوسقىندارعا قاتىستى عالامدىق كەلىسىمدى ماقۇلدادى. قۇجات بوسقىنداردى قورعاۋدىڭ حالىقارالىق جۇيەسىن بەكىتۋدى كوزدەيدى. ۇيىمنىڭ سايتىندا جازىلعان دەرەك بويىنشا، بۇل كەلىسىم بوسقىنداردى قورعاۋ بويىنشا ورتاق مىندەتتەردى جۇزەگە اسىرۋ جولدارىن ايقىندايدى.

قابىلدانعان كەلىسىم بوسقىنداردى قابىلداعان ەلدەرگە تۇسكەن سالماقتى وزگە ەلدەرمەن بولىسۋگە مۇمكىندىك جاساۋى ٴتيىس. بۇۇ دەرەگىنشە، الەمدە 68،5 ميلليوننان استام بوسقىن بار. بوسقىنداردىڭ 90 پايىزى ەكونوميكالىق جانە الەۋمەتتىك پروبلەمالارى شەشىلمەگەن دامۋشى ەلدەرگە بارادى.

“ولارعا كومەك كەرەك جانە كەلىسىم ولارعا مەملەكەت تاراپىنان دا، جەكە سەكتوردان دا قارجى ٴبولىپ، [بوسقىنداردى قابىلداعان ەلدە] ينفراقۇرىلىمدى، دەنساۋلىق ساقتاۋ مەن ٴبىلىم سالاسىن دامىتۋ ماسەلەسىن قاراستىرادى. بۇل بوسقىندار ٴۇشىن دە، جەرگىلىكتى حالىق ٴۇشىن دە پايدالى” دەلىنگەن بۇۇ مالىمدەمەسىندە.

كەلىسىم اۆتورلارى بوسقىن قابىلداعان ەلدەرگە قاتتى سالماق تۇسپەس ٴۇشىن ولاردى وزگە ەلدەرگە كوشىرۋدى دە قاراستىرعان. "مۇنىڭ بىرنەشە جولى بار: وتباسىلاردىڭ قايتا قوسىلۋىنا كومەكتەسۋ، ستۋدەنتتىك نەمەسە گۋمانيتارلىق ۆيزا بەرۋ" دەلىنگەن بۇۇ مالىمدەمەسىندە. كەلىسىمدە سونىمەن بىرگە ٴقاۋىپسىز بولعان جاعدايدا بوسقىندارعا ٴوز ەلىنە قايتۋىنا كومەكتەسۋ جاعى دا قاراستىرىلعان.

كەلىسىمنىڭ ورىندالۋىن قاداعالاۋ ٴۇشىن قول قويعان تاراپتار ٴتورت جىلدا ٴبىر رەت عالامدىق فورۋمعا جينالىپ، بوسقىنداردى قورعاۋ بويىنشا قابىلداعان شارالار جايلى ەسەپ بەرۋگە ۋاعدالاستى.

10 جەلتوقساندا موروككوداعى ماراككەش قالاسىندا 164 ەل وكىلدەرى ٴقاۋىپسىز، رەتتەلگەن جانە زاڭدى كوشى قون تۋرالى عالامدىق كەلىسىمگە قول قويعان. بۇۇ باس حاتشىسى انتونيۋ گۋتەرريش ونى تاريحي قۇجات دەپ اتاپ، "بۇل الەمدىك كوشى-قونداعى رەتسىزدىكتەرگە نۇكتە قويۋدى" دەپ ايتقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي