BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل الەمنىڭ ەڭ باي ادامدارىنىڭ داۋلەتى $511 ميللياردقا كەمىدى

فوتو: Informburo.kz

استانا، baq.kz ٴتىلشىسى. بيىل الەمدەگى ەڭ باي ازاماتتار 511 ملرد دوللاردان ايىرىلدى. بۇل تۋرالى bloomberg اگەنتتىگى حابارلايدى.

ەڭ ٴىرى شىعىنعا ۇشىراعان ازامات – amazon كومپانياسىنىڭ نەگىزىن قالاعان دجەفف بەزوس. ونىڭ بايلىعى 168 ملرد دوللاردان 115 ملرد دوللارعا قىسقارعان. بيىل ول 53 ملرد دوللاردان ايىرىلدى.

تابىستىڭ ازايۋى – الەمدىك ساۋداداعى جاعدايدىڭ شيەلىنىسۋى مەن اقش ەكونوميكاسىنىڭ قىرقىنى تومەندەيدى دەگەن قاۋىپپەن بايلانىستى.

سونداي-اق وسى جىلى facebook الەۋمەتتىك جەلىسىنىڭ نەگىزىن قالاۋشى مارك سۋكەربەرگ تە قوماقتى قارجى جوعالتقان. ونىڭ بايلىعى 23 ملرد دوللارعا كەمىدى. ساراپشىلار ونى الەۋمەتتىك جەلىگە قاتىستى شىققان داۋمەن بايلانىستىرادى.

ازيادا ٴىرى كولەمدە شىعىنعا ۇشىراعان wanda group كومپانياسىنىڭ يەسى ۆان سزيانلين بولسا، ەۋروپادا continental ag يەسى گەورگ شەففلەر قوماقتى قارجىدان قاعىلعان. ۆان سزيانلين 11،1 ملرد دوللاردان، گەورگ شەففلەر 14 ملرد دوللاردان ايىرىلعان.

مۇناي باعاسىنىڭ قۇلدىراۋى مەن باتىس ەلدەرىنىڭ سانكسيالاردى كۇشەيتۋىنە قاراماستان رەسەيلىك باي ازاماتتار جىلدى جاقسى اياقتاعان. رەسەيدىڭ ەڭ باي ازاماتتارىنىڭ داۋلەتى جالپى 225 ملرد دوللارعا دەيىن كەمىگەن. جالپى وسى جىلى كورسەتكىش 2%-كە تومەندەگەن.

بيىل رەسەيلىك بيزنەسمەن ولەگ دەريپاسكي ٴۇشىن ٴساتسىز بولدى. ول اقش-تىڭ سانكسيالارى سالدارىنان 5،7 ملرد دوللاردان ايىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي