BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

امەريكالىقتىڭ كوزىنەن 14 قۇرت الىندى

عالىمدار بۇرىن تەك جانۋارلاردا كەزدەسەتىن thelazia gulosa قۇرتىنىڭ ادامداردا دا كەزدەسەتىنىن انىقتادى. بۇل تۋرالى live science جازادى، دەپ حابارلايدى ۆaq.kz اقپارات اگەنتتىگى ريا نوۆوستي باسىلىمىنا سىلتەمە جاساپ.

ماقالادا 26 جاستاعى امەريكالىق ەببي بەكليدىڭ تاريحى جازىلعان. قىز 2016 جىلى بالىق اۋلاپ وتىرعاندا كوزىنەن ۇزىندىعى 1،3 سانتيمەتر بولاتىن قۇرت الادى. كەيىن باسى قاتتى اۋىرىپ، كوزى قىشىپ، مازاسىزدانعان سوڭ دارىگەرگە بارادى. سودان سوڭ 20 كۇن بويى دارىگەرلەر ونىڭ كوزىنەن 14 thelazia قۇرتىن شىعارادى.

ماقالادا مۇنداي قۇرتتار كوزدە ۇزاق تۇرسا، وندا ادامنىڭ كوزى سوقىر بولىپ، مۇيىزگەك قابىعى زارداپ شەگۋى مۇمكىن ەكەنى جازىلعان. ٴبىراق ەببي بەكلي كوزىنەن پارازيتتەر الىنعاننان كەيىن ٴوزىن جاقسى سەزىنىپ، كوزىنىڭ ەش جەرى زاقىمدانباعانى بەلگىلى بولدى.

كەيىن اقش-تىڭ اۋرۋلاردى باقىلاۋ جانە الدىن الۋ ورتالىعىنىڭ ماماندارى بۇل قۇرتتىڭ thelazia gulosa ٴتۇرى ەكەنىن راستادى. مۇنداي پارازيت بۇعان دەيىن مىسىقتا، يتتە، تۇلكىدە جانە ٴىرى قارا مالدا كەزدەسكەن. زەرتتەۋشىلەر قۇرت قىزدىڭ كوزىنە musca autumnalis شىبىندارى ارقىلى تۇسكەن بولۋ كەرەك دەپ بولجادى. سەبەبى وسى شىبىن جانۋارلاردىڭ كوزى، اۋزى جانە تاناۋىندا بولىنەتىن سۇيىقتىقپەن قورەكتەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي