الەۋمەتتىك جەلىدەگى فوتو ٴبىر وتباسىنىڭ ٴومىرىن وزگەرتتى

استانا، baq.kz. cnn ٴجۋرناليسى ليليت ماركۋس (lilit marcus) twitter-گە ايەلىنە بۇيرەك ىزدەگەن ەر ادامنىڭ سۋرەتىن جاريالادى. فوتو الەۋمەتتىك جەلىدە كوپتەپ تارالىپ، ٴبىر وتباسىنىڭ ٴومىرىن وزگەرتتتى. ٴتىپتى اتاقتى ادامدار دا قول ۇشىن سوزۋعا دايىن ەكەنىن جەتكىزدى. كەيىنىرەك ماركۋستىڭ وقيعاسىن cnn سايتى جازدى.

جۋرناليست فوتونى جەلتوقسان ايىنىڭ سوڭىنا قاراي twitter-گە جاريالاعان.

«كەشە target دۇكەنىندە تۇسىرگەن فوتوسۋرەت ويىمنان كەتەر ەمەس»، - دەپ جازدى رەداكتور.

سۋرەتتە ەر ادام «ايەلىمە بۇيرەك قاجەت b+ (ٴۇشىنشى وڭ قان توبى)» دەپ جازىلعان جانە تەلەفون ٴنومىرىن قالدىرعان مالىمدەمەنى سومكەسىنە جاپسىرىپ العان.

بىرنەشە ساعاتتا فوتو مىڭداعان رەتۆيت جيناعان. ونى تانىمال تۇلعالار دا بولىسكەن. ٴبىر اپتا ىشىندە فوتوسۋرەت 23 مىڭ اككاۋنتقا تاراپ، 35 مىڭ لايك جيناعان.

سۋرەتتەگى ەر ادام رەيموند تومپسون (raymond thompson) ەكەن. ول ايەلىمەن جانە 4 جاسار قىزىمەن بىرگە برۋكليندە تۇرادى. ەكى جىل بۇرىن ونىڭ ايەلىنە بۇيرەك اۋرۋى دياگنوزىن قويعان.

تومپسون الەمنىڭ تۇكپىر-تۇكپىرىنەن «كومەك قولىن سوزامىن» دەگەن بەلگىسىز ادامداردان قوڭىراۋلار كەلىپ تۇسكەندە تاڭ قالعان. «ۆيرۋس جازبا» تۋرالى ول سولاردان ەستىگەن. بۇيرەك تابىلعان سوڭ تومپسون كراۋدفاند رەسۋرستارعا الاقان جايمايتىنىن ايتتى. وپەراسياعا بايلانىستى بار شىعىندار مەن مەديسينالىق ساقتاندىرۋدى وزدەرى تولەيتىنىن جەتكىزدى.

cnn قىزمەتكەر وسى وقيعا ٴوزىنىڭ دە ٴومىرىن وزگەرتكەنىن مويىندادى. ول جىلىك مايى دونورى اتانىپ، قان تاپسىرۋدى باستاعان.

here is a photo i took at my target yesterday and can't stop thinking about. pic.twitter.com/gbzf47aqcy

— lilit marcus (@lilitmarcus) december 22، 2018

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!