BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەمدەگى ەڭ سەمىز بالا ەكى ەسە ارىقتادى

استانا، baq.kz. جەر بەتىندەگى ەڭ سەمىز بالا سانالىپ كەلگەن يندونەزيالىق اريا پەرمانا ەكى ەسە ارىقتاپ، بولاشاقتا فۋتبوليست بولعىسى كەلەتىنىن مالىمدەدى. بۇل جونىندە lenta.ru پورتالى حابارلايدى.

2016 جىلى ول كەزدە 10 جاستاعى پەرمانانىڭ سالماعى 200 كەلى بولاتىن. ول ٴوز بەتىنشە وتىرىپ-تۇرا المايتىن، جۇرمەيتىن جانە ونى بارلىق ۋاقىتتا اشتىق سەزىمى مازالايتىن. سول سەبەپتى ول كۇنىنە بەس رەت ۇلكەن پورسيامەن بالىق، سيار ەتىن، كۇرىش پەن سورپا جانە تاتتىلەر جەۋگە ادەتتەندى. كەيىنىرەك اتا-اناسى ونى قوڭىر كۇرىشكە ديەتاعا وتىرعىزىپ، ورنىنان قوزعالۋىن تالاپ ەتكەن، ال 2017 جىلى بالاعا اسقازان كولەمىن ازايتۋ بويىنشا وتا جاسالعان.

ٴقازىر پەرمانانىڭ 12 جاستا جانە ول 98 كەلى ارتىق سالماعىنان ارىلدى. ول دوستارىمەن فۋتبول مەن بادمينتون ويناعاندى ۇناتادى جانە كۇن سايىن بەس شاقىرىمدىق سەرۋەنگە شىعادى. ول ٴتىپتى موتوسيكل ايداۋدى ۇيرەنىپ ۇلگەرگەن. اتا-اناسى وعان گازدالعان سۋسىن ٴىشىپ، ٴتاتتى جەۋگە تىيىم سالادى.

«ەندى مەن باقىتتىمىن. دوستارىممەن سەرۋەندەي الامىن. ٴقازىر الدەقايدا ەپتىمىن جانە كۇن سايىن دوستارىممەن فۋتبول وينايمىن»، - دەيدى پەرمانا. ول بولاشاقتا فۋتبوگليست بولۋدى ارماندايتىنىن جانە «ليۆەرپۋل» كلۋبىنداعى روبەرتو فيرمينونى ٴپىر تۇتاتىنىن ايتتى. پەرمانا ٴقازىر مەكتەپكە بارۋدى جالعاستىرىپ، وقۋ باعدارلاماسىنان قالىپ قويعان تۇستارىن قۋىپ جەتۋگە بارىنشى كىرىسكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي