BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەمدەگى ٴار 20 ٴولىمنىڭ بىرەۋىنە الكوگول سەبەپشى بولادى – بدۇ

فوتو: gazeta.a42.ru

بۇكىلالەمدىك دەنساۋلىق ساقتاۋ ۇيىمى جاريالاعان ەسەپتە بۇكىل الەم بويىنشا 20 جاستان اسقان ادامدار اراسىنداعى ٴولىمنىڭ 13،5%-ىنا الكوگول سەبەپشى بولاتىنى ايتىلعان. بۇل الەم بويىنشا ٴولىمنىڭ جالپى كورسەتكىشىنىڭ 5%-ىن قۇرايدى. باسقاشا ايتار بولساق، جىل سايىن الەمدە 3 ميلليون ادام الكوگول كەسىرىنەن كوز جۇمادى. بۇكىلالەمدىك دەنساۋلىق ساقتاۋ ۇيىمى جاريالاعان مالىمەتتەرگە سەنسەك، ولاردىڭ 2،3 ميلليونى ەر ادامدار، دەپ جازادى baq.kz اقپارات اگەنتتىگى fox news باسىلىمىنا سىلتەمە جاساپ.

ٴار ٴتورت جىل سايىن جاريالاناتىن باياندامادا بۇكىل الەمدەگى دەنساۋلىق ساقتاۋ سالاسىندا الكوگولدىڭ زيانى ارتىپ كەلە جاتىر. ونىڭ ىشىندە نەگىزىنەن جاستار كورسەتكىشى كوپ. ال جالپى العاندا مەزگىلسىز ٴولىمنىڭ 7،2%-ىنا الكوگول سەبەپشى بولادى ەكەن. سونىمەن قاتار باياندامادا ايتىلعانداي، الكوگول ونىمدەرىنىڭ زيانى بايلاردان گورى كەدەي ادامدارعا كوبىرەك تيەدى.

2012 جىلمەن سالىستىرعاندا الكوگول كەسىرىنەن بولعان ٴولىم كورسەتكىشى 5،3%-عا دەيىن تومەندەگەن. ٴبىراق بۇكىلالەمدىك دەنساۋلىق ساقتاۋ ۇيىمىنىڭ ساراپشىلارى الكوگولدىڭ دەنساۋلىققا زيانى ەشقاشان كەمىمەيتىنىن العا تارتىپ وتىر.

«بۇل پروبلەمامەن ٴجاواندىق دەڭگەيدە كۇرەسۋ ٴۇشىن مەملەكەتتەردىڭ بيلىگى ارنايى شارالاردى كوپتەپ قولعا الىپ، مىقتاپ كۇرەسۋلەرى كەرەك. كوپتەگەن مەملەكەتتەردە الكوگول ونمىدەرىن تۇتىنۋ شامامەن 15 جاستا باستالادى. ال بۇل زەرتتەۋدە وسى جاس ارالىعىنا الكوگولدىڭ اسەرى ەسكەرىلمەگەنىن ايتا كەتۋ كەرەك. ياعني، جوعارىداعى كورسەتكىش ٴبىز ويلاعاننان دا كوپ بولۋى مۇمكىن »، - دەيدى ماماندار.

دەگەنمەن، باياندامانىڭ جاقسى جاڭالىقتارى دا بار. مىسالى، وندا ەۋروپا مەن امەريكادا ىشىمدىك ىشەتىندەر قاتارىنىڭ كەمىپ جاتقانى ايتىلعان. تاعى ٴبىر ايتا كەتەرلىگى، بۇكىل الەمدە بارلىق تۇتىنىلعان الكوگولدىڭ 45%-ى ٴسپيرتتى ىشىمدىكتى (34% سىرا، 12% شاراپ) قۇرايدى. سونىمەن قاتار باياندامادا بۇكىل الەم بويىنشا الكوگول ونىمدەرىنىڭ جارناماسى ازايىپ، ساتىلىمدا جۇرگەن ونىمدەردە قاۋىپسىزدىك تۋرالى ەسكەرتۋلەر جازىلعانى ايتىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي