BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقش سەناتى اشارشىلىقتى گەنوسيت دەپ تانۋ تۋرالى قارار قابىلدادى

اقش سەناتى 1988 جىلعى امەريكا كوميسسياسىنىڭ ۋكرايناداعى 1930 جىلداردىڭ باسىندا سوۆەت بيلىگى ۇيىمداستىرعان جاپپاي اشارشىلىق - گولودوموردى گەنوسيد دەپ تانۋ تۋرالى قورىتىندىسىن مويىندايتىن قارار قابىلدادى، دەپ حابارلايدى baq.kz اقپارات اگەنتتىگى.

قاراردا يوسيف ستالين مەن ونىڭ بيلىگى 1932-1933 جىلدارى ۋكراينادا جاپپاي اشتىق ۇيىمداستىرىپ، ۋكراين حالقىنا قارسى گەنوسيد جاساعانى ايتىلادى. سەناتتاعى داۋىس بەرۋ قورىتىندىسى مەن قارار ٴماتىنى سەناتتىڭ رەسمي سايتىندا جاريالاندى.

قاراردا ۋكراينانىڭ ميلليونداعان تۇرعىنى ستالين باسشىلىعىنىڭ حالىقتىڭ ۇجىمداستىرۋ مەن كوممۋنيستىك رەجيمگە قارسىلىعىن باسىپ، ساعىن سىندىرۋ ٴۇشىن "ۋكراينادا ادەيى اشارشىلىق جاساۋ" تۋرالى شەشىمىنەن قىرىلعانى ايتىلادى. قۇجاتتا كەلتىرىلگەن مالىمەت بويىنشا، ۋكراينادا اۋىلدى جەرلەردە تۇراتىن حالىقتىڭ تورتتەن ٴبىرى قولدان جاسالعان اشارشىلىقتا قىرىلعان.

2017 جىلدان بەرى ۋكراينا مەن باسقا دا ەلدەردە گولودومورعا 85 جىل تولعانىنا بايلانىستى ەسكە الۋ شارالارى ٴوتىپ جاتىر. 2006 جىلى ۋكراينا گولودوموردى رەسمي تۇردە ۋكراين حالقىنا قارسى جاسالعان گەنوسيد دەپ تانىعان.

رەسەي بيلىگىنىڭ ۇستانىمى بويىنشا، ۋكرايناداعى اشارشىلىقتى سول كەزەڭدە ٴسسسر-دىڭ باسقا دا ايماقتارىندا بولعان اشارشىلىقتان ٴبولىپ قاراستىرۋعا بولمايدى.

بيىل اقپاندا رەسەيدىڭ يزرايلدەگى ەلشىلىگى وسى ەل دەپۋتاتتارىنىڭ ٴبىرىنىڭ گولودوموردى گەنوسيد دەپ تانۋ تۋرالى ۇسىنىسىنا قاتىستى "1930 جىلدارداعى اشارشىلىق ورىستار، ۋكرايندار، قازاقتار مەن باسقا دا سوۆەت حالىقتارىنا ورتاق گۋمانيتارلىق اپات بولعانىن" مالىمدەگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي