BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقش: گولودومور – 20-عاسىرداعى ەڭ جويقىن ايۋاندىقتاردىڭ ٴبىرى

استانا، baq.kz. اقش مەملەكەتتىك دەپارتامەنتى ۋكراينادا سوۆەت بيلىگى كەزىندە ميلليونداعان ادامدى قۇربان ەتكەن اشارشىلىقتىڭ (گولودومور) 85 جىلدىعىنا ارناپ مالىمدەمە تاراتتى.

"يوسيف ٴستاليننىڭ رەجيمى ولاردى ادەيى اشتان قاتىردى"، - دەلىنگەن 23 قاراشادا جاريالانعان قۇجاتتا. "ۋكراينادا جەر مەن استىقتى جابايىلىقپەن تارتىپ الۋ بەلگىلى ٴبىر ساياسي ماقسات – ۋكراين حالقى مەن ەلدى باعىندىرۋ ٴۇشىن جۇرگىزىلدى"، - دەپ جازعان مەملەكەتتىك دەپارتامەنت. بۇل قۇجاتتا گولودوموردى "20-عاسىرداعى ەڭ جويقىن ايۋاندىقتاردىڭ ٴبىرى" دەپ اتاعان" - دەپ جازادى ازاتتىق.

1932-1933 جىلدارى بولعان گولودومور كەزىندە سوۆەت بيلىگى جەكە شارۋالاردىڭ استىعى مەن باسقا دا ازىق-تۇلىگىن تارتىپ الۋ ارقىلى ولاردى ۇجىمدىق شارۋاشىلىققا (كولحوز) كىرۋگە ماجبۇرلەدى. تاريحشىلاردىڭ پىكىرىنشە، ەسەپسىز ادام قىرعىنعا ۇشىراعان گولودومورعا وسىنداي ىس-ارەكەتتەر نەگىزگى سەبەپ بولعان.

ۋكراينالىقتاردىڭ كوبى وسىناۋ قايعىلى وقيعانى "گەنوسيد" دەپ باعالايدى. ٴتۇرلى ەسەپتەر بويىنشا، گولودوموردان 3 ميلليوننان 7 ميلليونعا دەيىن ادام قۇربان بولعان دەلىنەدى. ۋكراينامەن بىرگە تاعى 15 ەل گولودوموردى "گەنوسيد" دەپ تانىعان.

ماسكەۋ "گولودومور تۇسىنداعى ساياسات جۇيەلى سيپاتتا بولعان" دەگەندى ۇزاق جىلداردان بەرى جوققا شىعارىپ، وقيعاعا "استىقتىڭ ازدىعى سەبەپ بولعان" دەيدى.

اقش مەملەكەتتىك دەپارتامەنتى 23 قاراشادا جاريالاعان مالىمدەمەدە بۇعان قوسا "ۋكرايندار بۇگىندە رەسەيدىڭ ۋكراين حالقىنىڭ بىرەگەيلىگى مەن باتىسشىل كوڭىل-كۇيىن جويۋ ارەكەتىنىڭ كەسىرىنەن تاعى دا قىرعىنعا تاپ بولدى" دەلىنگەن.

ۋكراينا گولودومور قۇرباندارىن جىل سايىن قاراشانىڭ ٴتورتىنشى سەنبىسىندە ەسكە الادى.

1932-1933 جىلدارى بولعان اشارشىلىق زۇلماتىنان قازاق حالقى دا قاتتى زارداپ شەكتى. كەي مالىمەتتەر بويىنشا، اشتىق كەسىرىنەن ٴبىر ميلليوننان 1،75 ميلليونعا دەيىن ادام قىرىلعان. كوپ ادام سوۆەت وداعىنىڭ وزگە ايماقتارىنا، قىتاي، موڭعوليا، يران مەن اۋعانستانعا كوشۋگە ٴماجبۇر بولعان. قازاقستاندا اشارشىلىق پەن ساياسي قۋعىن-سۇرگىن قۇرباندارىن جىل سايىن مامىردىڭ ٴ31-ى كۇنى ەسكە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي