BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايتماتوۆ اتىنداعى سىيلىققا بولىنگەن اقشانى جەپ كەتكەن دەپۋتاتقا ىزدەۋ جاريالاندى

قىرعىزستان ۇلتتىق قاۋىپسىزدىك مەملەكەتتىك كوميتەتى (ۇقمك) پارلامەنت دەپۋتاتى اسكاربەك شاديەۆكە ىزدەۋ جاريالادى، دەپ حابارلايدى baq.kz اقپارات اگەنتتىگى.

ۆەدومستۆو مالىمەتىنە قاراعاندا، شاديەۆ 27 ساۋىردە - ٴوزىنىڭ ۇستىنەن قىلمىستىق ٴىس قوزعالاتىننان ٴبىر كۇن بۇرىن باتكەن وبلىسىنىڭ يسفانا قالاسىنا تۋىسىنىڭ قازاسىنا بارعان. دەپۋتات ودان ارى لەيلەك اۋدانىنىڭ اركا اۋدانىنداعى وزەن ارقىلى مەملەكەتتىك شەكارانى كەسىپ، تاجىكستانعا ٴوتىپ كەتكەن.

28 ساۋىردە ۇستىنەن ٴىس قوزعالعان سوڭ شاديەۆ ديپلوماتيالىق پاسپورتىن پايدالانىپ، حۋدجانتتان ماسكەۋگە، ودان ارى نيۋ-يورككە ۇشىپ كەتكەن.

31 مامىر كۇنى اسكاربەك شاديەۆكە سىرتتاي "قىزمەت بابىن تەرىس ماقساتتا پايدالانۋ" بابى بويىنشا ايىپ تاعىلدى. سول كۇنى بىشكەكتىڭ پەرۆوماي اۋداندىق سوتى وعان قاماۋعا الۋ تۋرالى بۇلتارتپاۋ شاراسىن قولدانۋ تۋرالى سىرتتاي شەشىم شىعاردى.

بىرەر كۇن بۇرىن قىرعىزستان قاۋىپسىزدىك كەڭەسىنىڭ حاتشىسى دامير ساگىنبايەۆ مەملەكەتتىك شەكارا قىزمەتىنە سىلتەمە جاساپ، شاديەۆتىڭ قىرعىزستان اۋماعىنان شىقپاعانىن حابارلاعان ەدى.

"ەگەر ول قىرعىزستاننان شىعىپ كەتكەن بولسا، وعان شەكارانى زاڭسىز كەسىپ وتكەنى ٴۇشىن قوسىمشا ايىپ تاعىلادى" - دەگەن ەدى دامير ساعىنبايەۆ.

28 ساۋىردە باس پروكۋراتۋرا اسكاربەك شاديەۆتىڭ ۇستىنەن پارلامەنت بيۋدجەتىنەن تمد پارلامەنتارالىق اسسامبلەياسىنىڭ شىڭعىس ايتماتوۆ اتىنداعى سىيلىعىنا بولىنگەن 2 ميلليون 61 مىڭ سوم (30 مىڭ دوللاردان استام) يەلەنۋ ٴىسى بويىنشا ٴىس قوزعاعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي