BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

71 ادامنىڭ ٴومىرىن قيعان ۇشاق اپاتى ۆيدەوعا ٴتۇسىپ قالدى

«ساراتوۆ اۋەجەلىلەرى» كومپانياسىنا تيەسىلى ان-148 ۇشاعىنىڭ قۇلاعان ٴساتى ۆيدەوعا ٴتۇسىپ قالعان، دەپ حابارلايدى baq.kz ٴتىلشىسى.

11 اقپان كۇنى ماسكەۋدىڭ «دومودەدوۆو» اۋەجايىنان ورسك قالاسىنا باعىت العان ان-148 جولاۋشىلار ۇشاعى 10 مينۋتقا جەتپەي، راداردان جوعالىپ كەتكەن. كەيىن ۇشاقتىڭ ماسكەۋ وبلىسىنىڭ رامەنس اۋدانىندا قۇلاعانى بەلگىلى بولدى.

سالدارىنان ۇشاق بورتىندا ەكيپاج مۇشەلەرىمەن قوسقاندا 71 ادام قازا تاپتى. كەيىننەن انىقتالعانداي، جولاۋشىلاردىڭ ٴبارى وقيعا ورنىندا كوز جۇمعان.

اپاتقا ۇشىراعان اۋە كەمەسى «ساراتوۆ اۋەجەلىلەرى» كومپانياسىنا تيەسىلى. قازىرگى تاڭدا رەسەيدىڭ تەرگەۋ كوميتەتى اتالعان كومپانيا ۇستىنەن قىلمىستىق ٴىس قوزعادى. وقيعا ورنىندا تەكسەرۋ ٴجۇرىپ جاتىر، «قارا جاشىك» تە تابىلدى.

قر ٴسىم ٴباسپاسوز قىزمەتىنىڭ جەتەكشىسى ٴانۋار جايناقوۆتىڭ ايتۋىنشا، قازا تاپقانداردىڭ اراسىندا قازاقستاندىقتار جوق.

الايدا سوڭعى اقپاراتقا سايكەس، ورسك قالاسىندا تۇراتىن تەمىرلان اقنازاروۆ ەسىمدى قازاق جىگىتى ماسكەۋ تۇبىندە اپاتقا ۇشىراعان لاينەردىڭ بورتىندا بولعانى بەلگىلى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي