BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

31 ناۋرىزدا ۋكراينادا پرەزيدەنت سايلاۋى وتەدى

استانا، baq.kz. ۋكراينا ورتالىق سايلاۋ كوميسسياسى پرەزيدەنت سايلاۋىن 2019 جىلدىڭ 31 ناۋرىزىنا بەلگىلەدى. پرەزيدەنت سايلاۋى كامپانياسى 31 جەلتوقساندا باستالادى.

پرەزيدەنتتىككە كانديداتتاردى ۇسىنۋ مەن ولاردىڭ قۇجاتتارىن قابىلداۋ 3 اقپاندا اياقتالادى. 8 اقپاندا ورتالىق سايلاۋ كوميسسياسى كانديداتتاردى تىركەۋدى اياقتاپ، پرەزيدەنتتىكتەن ۇمىتكەرلەردى جاريالايدى.

31 ناۋرىزدا كانديداتتاردىڭ ٴبىرى 50 پايىزدان كوپ داۋىس جيناعانى بەلگىلى بولسا، وندا داۋىس بەرۋدىڭ تۇپكىلىكتى قورىتىندىسى 10 ساۋىرگە دەيىن جاريالانادى. ال 31 ناۋرىزداعى داۋىس بەرۋدە كانديداتتاردىڭ ٴبىر دە ٴبىرى 50 پايىزدان اساتىن داۋىس جيناماسا، وندا 21 ساۋىردە داۋىس بەرۋدىڭ ەكىنشى كەزەڭى وتەدى. ەكىنشى كەزەڭنىڭ ناتيجەسى 1 مامىردا جاريالانىپ، ۇلىقتاۋ ٴراسىمى 31 مامىردا وتەدى.

الەۋمەتتانۋشىلار جۇرگىزگەن ساۋالناما قورىتىندىسى بويىنشا، جاۋاپ بەرگەندەردىڭ 21 پايىزعا جۋىعى "باتكيۆششينا" پارتياسىنىڭ جەتەكشىسى يۋليا تيموشەنكوعا داۋىس بەرۋگە دايىن. ىقتيمال كانديداتتار اراسىنداعى رەجيسسەر ٴارى شوۋمەن ۆلاديمير زەلەنسكييگە ساۋالناماعا قاتىسقانداردىڭ 13 پايىزى داۋىس بەرەتىنىن ايتادى. ٴىس باسىنداعى پرەزيدەنت پەتر پوروشەنكوعا جاۋاپ بەرگەندەردىڭ 11 پايىزىنىڭ داۋىس بەرۋ نيەتى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي