BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جىر اتاسى – قابان جىراۋ» اتتى i رەسپۋبليكالىق جىرشىلار بايقاۋى 

استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ۇيىمداستىرۋىمەن ەلباسىنىڭ «بولاشاققا باعدار – «رۋحاني جاڭعىرۋ» باعدارلاماسى اياسىندا 1-5 ٴساۋىر ارالىعىندا ەلوردادا قابىليسا اتىنداعى «جىر اتاسى – قابان جىراۋ» اتتى i رەسپۋبليكالىق جىرشىلار بايقاۋى ٴوتتى، دەپ حابارلايدى baq.kz اقپارات اگەنتتىگى.

« ۇلى دالا توسىندە قابىليسا سىندى ادۋىندى جىر اتاسى وتكەن. ول ٴارى اقىن، ٴارى اۋليە، ٴارى جىراۋ بولعان. الىپ ونەر يەسى نەبارى ون بەس جاسىندا اقىندىعىمەن ەلگە تانىلىپ، ايتىس الامانىنا تۇسكەن. قابىليسا بابامىزدى ٴسۇيىنباي ارون ۇلى، باقتىباي جولبارىس ۇلى قاتارلى سۇبەلى ٴسوزدىڭ تەرەڭىنە، جاقۇت جىردىڭ تۇڭعيىعىنا بويلاعان اقىندار قاۋىمى، ۇستاز تۇتقان» - دەيدى ۇيىمداستىرۋشىلار.

قابىليسا (قابان) جىراۋدىڭ ارتىندا «ازىراق ٴسوز سويلەيىن، اۋىزعا الىپ»، «ٴبارىڭداعى تىڭداڭدار»، «اي مۇسىلماندار جاراڭدار»، «ىرىس الدى ىنتىماق»، «ويلاپ تۇرساق جىگىتتەر» ت. ب. جىرى قالعان. ايگىلى جىراۋدىڭ جىرلارىن جىلدار جىرلايدى... تاريح تولعايدى... ۋاقىت ۇمىتپايدى... ٴتول ونەرىمىزدىڭ تامىرىنان قۋات الىپ قاستەرلەگەن بابامىزدىڭ باي مۇراسىن ناسيحاتتاۋ – امانات.

وسىعان وراي قر تۇڭعىش پرەزيدەنتى، ەلباسى نۇرسۇلتان ٴابىش ۇلىنىڭ «بولاشاققا باعدار – رۋحاني جاڭعىرۋ» باعدارلاماسى اياسىندا 1-5 ٴساۋىر ارالىعىندا استانادا قابىليسا اتىنداعى «جىر اتاسى – قابان جىراۋ» اتتى i رەسپۋبليكالىق جىرشىلار بايقاۋى ٴوتتى.

ونىڭ نەگىزگى ماقساتى دا سول - ۇلتتىق ونەرىمىزدىڭ ۇلى جىرشىسىن ۇلىقتاۋ، قازاق جىرشىلارىنىڭ مارتەبەسىن ارتتىرۋ.

بايقاۋ ٴۇش كەزەڭنەن تۇرادى.

i اينالىم، 2 ٴساۋىر ساعات 11.00

ii اينالىم 3 ٴساۋىر ساعات 11.00،

iii اينالىم 4 ٴساۋىر ساعات 11.00.

سونداي-اق، 5 ساۋىردە ساعات 17.00-دە باق وكىلدەرىنىڭ قاتىسۋىمەن پرەسس-كونفەرەنسيا وتكىزىلمەك. ارتىنشا ٴدال وسى كۇنى ساعات 19.00-دە گالا-كونسەرت وتەدى. وتەتىن ورنى: «استانا» كونسەرت زالى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي