BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇمانباي اقىننىڭ ەسكەرتكىشى ٴوزىنىڭ تۋعان جەرىندە ورناتىلدى

قازاقتىڭ كورنەكتى اقىنى تۇمانباي مولداعاليەۆتىڭ بيۋست ەسكەرتكىشى ٴوزىنىڭ تۋعان جەرى ەڭبەكشىقازاق اۋدانى ەسىك قالاسىنداعى اۋداندىق مادەنيەت ٴۇيىنىڭ الدىنداعى الاڭعا قويىلدى، دەپ حابارلايدى baq.kz اقپارات اگەنتتىگى.

ەسكەرتكىشتىڭ اشىلۋ سالتاناتىنا اقىننىڭ جارى كۇلتاي قاسىمقىزى جانە قازاق ادەبيەتىنىڭ كورنەكتى وكىلدەرى قاتىستى. كوپشىلىكتى وسىناۋ ايتۋلى وقيعامەن وبلىس اكىمىنىڭ ورىنباسارى جاقسىلىق ومار قۇتتىقتادى. ول «رۋحاني جاڭعىرۋ» باعدارلاماسى اياسىندا وڭىردە اۋقىمدى جۇمىستار اتقارىلىپ جاتقانىن ايتا كەلىپ، تۇمانباي اقىننىڭ ەسكەرتكىشىن ورناتۋ – قازاق پوەزياسىنا كورسەتىلگەن قۇرمەت ەكەنىن ايتتى.

«مادەنيەتتىڭ ىشىندەگى سۇبەلى ورىن – ادەبيەتتىڭ ەنشىسىندە. قازاق ادەبيەتى ٴوزىنىڭ سان عاسىرلىق تاريحىندا تالاي تالانتتى تۇلعالارىن تانىتتى. سونىڭ ىشىندە ليريك اقىن تۇمانباي مولداعاليەۆتىڭ ورنى ەرەكشە. ونىڭ دالاداي دارحان، سامالداي جۇمساق، بۇلاقتاي تازا سىرشىل ولەڭدەرى ٴوز وقىرمانىن ىزگىلىككە، ادامگەرشىلىككە، گۋمانيستىك ويلارعا جەتەلەگەنى انىق. اقىننىڭ سوزىنە جازىلعان ٴشامشى قالداياقوۆ، نۇرعيسا تىلەنديەۆ، اسەت بەيسەۋوۆ سىندى كورنەكتى كومپوزيتورلاردىڭ اندەرىمەن قانشاما بۋىن ۇرپاق ٴوسىپ، ەرجەتتى. تۇماعاڭا ارناپ بيۋست ەسكەرتكىش ورناتۋ اقىننىڭ تۋعان توپىراعىنىڭ قازاق پوەزياسىنا جاساعان قۇرمەتى، اقىننىڭ رۋحىنا باس يگەندىكتىڭ كورىنىسى دەپ بىلەمىن. بارشاڭىزدى وبلىس باسشىلىعىنىڭ اتىنان ايتۋلى وقيعامەن تاعى دا قۇتتىقتايمىن»، - دەدى جاقسىلىق ومار.

اقىننىڭ جۇبايى كۇلتاي قاسىمقىزى وسىنداي يگىلىكتى ٴىستى اتقارۋعا مۇرىندىق بولعان جەرلەستەرىنە ريزاشىلىعىن ٴبىلدىردى.

«بۇگىنگى قۋانىشىمدى ٴبىر سوزگە سىيعىزىپ ايتۋ مۇمكىن ەمەس. بۇل ٴبىزدىڭ وتباسىمىز ٴۇشىن عانا ەمەس، تۇتاس ەلىمىز ٴۇشىن ەرەكشە وقيعا. ٴوز تۋعان توپىراعىندا بەينەسى اسقاقتاپ تۇرسا، تۇماعاڭدى ەل-جۇرتىنىڭ، وقىرماندارىنىڭ ۇمىتپاعانى. بۇگىن ەرەكشە تولقىپ تۇرمىن. ەسكەرتكىشتىڭ اشىلۋىنا اتسالىسقان بارلىق ازاماتتارعا شىن جۇرەكتەن العىس ايتامىن»، - دەدى تەبىرەنىپ اقىننىڭ زايىبى.

قازاقستان جازۋشىلار وداعىنىڭ ٴتوراعاسى نۇرلان ورازالين تۇمانباي مولداعاليەۆتىڭ قازاق پوەزياسىن، ٴسوز ونەرىن دامىتۋعا قوسقان ولشەۋسىز ۇلەسىنە كەڭىنەن توقتالىپ، اقىننىڭ ەسىمى زامان وزعان سايىن جارقىراي تۇسەتىنىن ايتتى. باسقوسۋ سوڭىندا جينالعان قاۋىم ٴوڭىر ونەرپازدارىنىڭ كونسەرتىن تاماشالادى.

اتاپ وتسەك، ەسكەرتكىشتىڭ ەسكيزدىك جوباسىنىڭ اۆتورى – ساۋلەتشى، ەتنوديزاينەر قۇرمانعازى قادىروۆ، ٴمۇسىنشىسى – التاي بەيسەنوۆ. اقىننىڭ ٴبيۋستى قولادان جاسالعان، تۇعىرى ٴمارمار تاستان دايىندالعان. ەسكەرتكىشتىڭ بيىكتىگى – 4 مەتر. الاڭى 3،5 گا بولاتىن اۋماق 76 ملن. تەڭگەگە اباتتاندىرىلعان. مۇندا 70 جارىق باعاناسى، 4 سۇحباتتاساتىن ورىن، 30 ورىندىق ورناتىلعان. 1،5 شاقىرىمعا جاياۋ جۇرگىنشىلەرگە ارنالعان جول توسەلگەن. 120 تيان-شان شىرشاسى، 150-گە جۋىق راۋشان گۇلى ەگىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي