BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەڭبەكشىقازاق اۋدانىندا جامبىلدىڭ ەسكەرتكىشى اشىلدى

جىر الىبى جامبىلدىڭ ەسكەرتكىشى بۇگىن ەڭبەكشىقازاق اۋدانى ەسىك قالاسىنداعى جاستار ساياباعىندا اشىلدى. بيۋست «تۋعان جەر» باعدارلاماسى شەڭبەرىندە مەسەنات قارجىسىنا جاسالدى، دەپ حابارلايدى baq.kz اقپارات اگەنتتىگى.

شارا ٴانشى قايرات بەكتۇرسىننىڭ ورىنداۋىنداعى جامبىلدىڭ «اقىندارعا ارناۋ» اتتى تەرمەسىمەن اشىلدى.

«ەلباسى نۇرسۇلتان ٴابىش ۇلى نازاربايەۆ «بولاشاققا باعدار: رۋحاني جاڭعىرۋ» باعدارلاماسىندا: «ۇلتتىق مادەنيەت ساقتالماسا، ەشقانداي جاڭعىرۋ بولمايدى»، - دەگەن ەدى. وسى باعدارلاما اياسىندا قولعا الىنعان يگى ىستەردىڭ ٴبىرى بۇگىنگى شارا دەپ بىلىڭىزدەر. ەسكەرتكىش - ەلدىڭ، حالىقتىڭ مادەني مۇراسىنىڭ جالپىلاما اتاۋى. ەندەشە سول ەسكەرتكىشى قويىلعان تۇلعانىڭ ٴوزى حالىقتىڭ مۇراسىنا اينالدى دەگەن ٴسوز. وسىنداي يگى شارانى قولعا الىپ، بەلسەندىلىك تانىتىپ، جەكە قاراجاتىن ٴبولىپ وتىرعان جەرگىلىكتى ازاماتتارعا كوپشىلىكتىڭ اتىنان شىنايى ريزاشىلىعىمىزدى بىلدىرەمىز»، - دەدى وبلىس اكىمىنىڭ ورىنباسارى جاقسىلىق ومار.

شاراعا قاتىسقان قازاقستان جازۋشىلار وداعىنىڭ ٴتوراعاسى نۇرلان ورازالين قۇتتىقتاۋ ٴسوز سويلەپ، جاس اقىن جامبىل دۇيسەنوۆ جىراۋعا ارناعان ٴوز ولەڭىن وقىدى. ەسكەرتكىش الدىنا گۇل شوقتارى قويىلدى.

جالپى، ەسكەرتكىش بيۋست مەسەناتتاردىڭ 4،6 ملن. تەڭگە قارجىسىنا جاسالعان. ەسكەرتكىش اۆتورى – نۇرعالىم يسابايەۆ. بيۋست قولادان قۇيىلىپ، تۇعىرى ٴمارماردان ورناتىلعان، بيىكتىگى 5 مەتر. اۋلاسى اباتتاندىرىلىپ، تيان-شان شىرشالارى وتىرعىزىلىپ، گۇلزار جاسالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي