BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوكستا ٴالى دە باعىمدى سىناپ كورگىم كەلەدى – ساتتىبايەۆ («اق جول» گازەتى)

فوتو: ашық дереккөзден

جامبىل بوكس مەكتەبىنىڭ تۇلەگى، 52 كەلى سالماق دارەجەسىندە ازيا بىرىنشىلىگىنىڭ قولا جۇلدەگەرى، چەمپيونى، «استانا ارلاندارى» كومانداسى ساپىندا بۇكىلالەمدىك بوكس سەرياسىنىڭ جەڭىمپازى، جاسوسپىرىمدەر (كادەتتەر) اراسىنداعى الەم چەمپيونى، جاستار اراسىنداعى الەم چەمپيوناتىنىڭ كۇمىس جۇلدەگەرى، اسكەريلەر اراسىنداعى الەم بىرىنشىلىگىنىڭ جەڭىمپازى، بەس دۇركىن قازاقستان چەمپيونى (جاسوسپىرىمدەر – 1، جاستار – 1، ەرەسەكتەر – 3)، ريو-دە-جانەيرو وليمپياداسىنىڭ قاتىسۋشىسى، جامبىلدىق جامپوز ولجاس ساتتىبايەۆ 2 ساۋىردە وردا بۇزار وتىز جاسقا تولدى. وسىعان وراي، «استانا ارلاندارى» كاسىپقوي بوكس كلۋبى كومانداسىنىڭ ەكس-كاپيتانىن تۋعان كۇنىمەن قۇتتىقتاپ، از-كەم اڭگىمەلەسكەن ەدىك، دەپ جازادى «اق جول» جامبىل وبلىستىق گازەتى.

– ولجاس، وردا بۇزار وتىز جاسقا اياق باستىڭ. قۇتتىقتايمىز! ەندى ارتىڭا قارايلاپ، وسى كۇنگە دەيىن نە ىستەگەنىڭدى، قانداي جەتىستىكتەرگە جەتكەنىڭدى سارالاپ، قىسقاشا ايتىپ وتسەڭ…

– راحمەت. شىنىمەن ارتقا قارايلايتىن ۋاقىت جەتكەن سەكىلدى. ارينە، سپورتپەن بايلانىستى وتكەن جىلدارعا ايتار ارىز-شاعىمىم جوق. كەرىسىنشە، العىسىم شەكسىز. اللانىڭ بۇيىرعان بيىگىنەن كورىندىك. ازيا چەمپيونى، كادەتتەر اراسىندا الەم چەمپيونى اتاندىم. «استانا ارلاندارى» ساپىندا ەكى دۇركىن بۇكىلالەمدىك بوكس سەرياسىنىڭ جەڭىمپازى بولدىم. تالاي بوكسشى ارمانداعان وليمپيادا ويىندارىندا ونەر كورسەتۋگە مۇمكىندىك الدىم. مىنە، وسىنىڭ بارلىعىنا سپورت ارقىلى قول جەتكىزدىم. سوندىقتان مەن سپورتتى، ونىڭ ىشىندە بوكستى قۇرمەتتەيمىن. البەتتە، بولاشاقتا بۇدان دا بيىكتەردەن كورىنگىم كەلەدى.

– ادامنىڭ ارمانى تاۋسىلعان با؟.. وليمپيادادان كەيىن «استانا ارلاندارى» كومانداسىنىڭ كاپيتانى بولدىڭ. الايدا بيىل كورىنبەدىڭ. مۇنىڭ سەبەبى نەدە؟

– بيىل ەل بىرىنشىلىگىنە قاتىسىپ، تورەشىلەردىڭ ادىلەتسىزدىگىنە ۇشىرادىم. سودان كەيىن تۋعان جەرىم تارازعا ورالىپ، بۇگىندە وتباسىمنىڭ قاسىندامىن. جالپى، بيىلعى جىل مەن ٴۇشىن دەمالاتىن ۋاقىت دەسەم دە بولادى. ال قالعانىن ساتىمەن كورە جاتارمىز.

– الداعى ۋاقىتتا جۇزەگە اسىراتىن جوسپارلارىڭ بار ما؟ ماسەلەن، كاسىپقوي بوكسقا اۋىسىپ، سوندا باعىڭدى سىناعىڭ كەلمەي مە؟

– ٴدال ٴقازىر ايتارلىقتاي جوسپارىم جوق. ارينە، كاسىپقوي بوكسقا اۋىسۋعا ۇسىنىستار كەلىپ جاتسا، دايىنمىن. جاتتىعۋدان دا قول ۇزگەن ەمەسپىن. ويتكەنى سپورتشى ۇنەمى جاتتىقپاسا، ناتيجە كورسەتە المايدى. سول سەبەپتى دەمالىستا بولسام دا، جاتتىعۋ زالىنا بارۋدان باس تارتقان ەمەسپىن. ٴتىپتى ٴبىراز ۋاقىت بۇرىن شىمكەنتكە بارىپ، تاۋدا وقۋ-جاتتىعۋ جيىنىن وتكىزىپ قايتتىق. الداعى ۋاقىتتا قىتاي ەلىندە ەرەسەكتەر اراسىندا ىرىكتەۋ وتەدى. بۇيىرتسا، وبلىس قۇراماسىمەن بىرگە قىتايدىڭ ٴۇرىمشى قالاسىندا وتەتىن وقۋ-جاتتىعۋ جيىنىنا بارسام دەيمىن. ال بولاشاقتا قانداي جارىستار بار ەكەنىن ازىرگە ٴوزىم دە بىلمەيمىن. باپكەرلەر قۇلاعدار ەتە جاتار.

كاسىپقوي بوكسقا كەلەر بولساق، بارلىعىن ۋاقىت كورسەتەدى. بولاشاقتا كورەمىز. ەلىمىزدىڭ نامىسى ٴۇشىن نەگە جۇدىرىقتاسپاسقا؟! ٴوزىڭ بىلەتىندەي، مەن جەڭىل سالماقتا ونەر كورسەتەمىن. ال امەريكادا بۇل سالماقتا جۇدىرىقتاساتىندار اسا سۇرانىسقا يە ەمەس كورىنەدى. كەرىسىنشە، ورتا سالماقتاعى بوكسشىلارعا دەگەن قىزىعۋشىلىق كوپ ەكەن. ونىڭ ۇستىنە كاسىپقوي بوكسقا اۋىسقان ساتتە پروموۋتەرلىك كومپانيالار سەنىڭ جەتكەن جەتىستىكتەرىڭە قاتتى ٴمان بەرەدى. وليمپيادا چەمپيونى بولساڭ، وندا اڭگىمە باسقا. ماسەلەن، دانيار ەلەۋسىنوۆ كاسىپقوي بوكسقا اۋىسقان بەتتە اتاقتى كومپانيامەن كەلىسىمشارتقا قول جەتكىزدى. مىنە، وسى فاكتورلار دا ٴرول اتقارادى. ودان بولەك، قارجىلىق قولداۋ كەرەك. سوندىقتان دەمەۋشىلەر تابىلسا، كاسىپقوي بوكستا باعىمدى سىناپ كورگىم كەلەدى. جاستاردىڭ دەنى ۋاقىتىن اۋەسقوي بوكستا وتكىزۋدەن گورى، كاسىپقوي رينگكە ەرتەرەك اۋىسىپ جاتادى. سول دۇرىس سەكىلدى. ەگەر كاسىپقوي بوكسقا بەت بۇرعان جاعدايدا كەم دەگەندە 5 جىلدا ٴوز سالماعىمدا الەم چەمپيونى اتاعىن يەمدەنسەم دەيمىن.

– لايىم سولاي بولعاي! ۋاقىت تاۋىپ، اڭگىمەلەسكەنىڭە راحمەت!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي