BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جولاقى قىمباتتايدى

كوميسسيادا اتالمىش ماسەلەنى قۇرىلىمدىق بولىمشە باسشىلارى، دەپۋتاتتار، قوعامدىق كەڭەس مۇشەلەرى، كاسىپورىن وكىلدەرى بىرگە تالقىلادى. جولاقى جايىن قوعامدىق كەڭەس مۇشەلەرى ٴتورت ايدان بەرى تالقىلاپ كەلەدى. وسى ورايدا ولار كاسىپورىن باسشىلارىمەن عانا ەمەس، كولىك جۇرگىزۋشىلەرىمەن، مەحانيكتەرمەن كەزدەسىپ ماسەلەنىڭ ٴمانىسىن اشۋعا تىرىستى. ٴسويتىپ جولاۋشى تاسىمالداۋشى كاسىپورىندارعا دا كوپتەگەن ۇسىنىستار جىبەرىپ، بەرىلگەن تالاپتار ورىندالعان جاعدايدا عانا جولاقى قۇنىن كوتەرۋدى قولدايتىندارىن ٴبىلدىردى. ايتسە دە «بۇل ماسەلەنى ۇزاققا سوزۋ اۆتوبۋستاردىڭ جەلىگە شىعۋىنا كەرى اسەرىن تيگىزۋى مۇمكىن» دەگەن جاۋاپتى سالا باسشىلارى بۇل جولى ٴوز ويلارىن اشىق ٴبىلدىردى. جولاۋشى تاسىمالداۋشىلار جولاقى قۇنىن 90 تەڭگەگە ٴوسىرۋ جونىندەگى وتىنىشتەرىن قالالىق اكىمدىككە 2014 جىلى بەرگەن. – بار ماسەلە – قاراجاتتىڭ جەتىسپەۋشىلىگىندە.

بۇگىندە جاڭا اۆتوبۋستار ساتىپ الماق تۇگىلى، قولداعى بار كولىكتەردى جوندەۋگە اقشا جوق. ٴبىز بۇل ماسەلەنى قالا اكىمىنىڭ دە الدىنا قويدىق. جولاقى باعاسى 80 تەڭگەدەن تومەن قالالاردا جولاقى ٴتاريفى قالالىق بيۋدجەتتەن سۋبسيديالانادى. زاڭ شەڭبەرىندە جولاقى قۇنىن وسىرمەگەن جاعدايدا، مەملەكەت جولاۋشى تاسىمالداۋشىلاردىڭ شىعىنىن وتەپ وتىرۋى ٴتيىس. ماسەلەن، ٴوزىم باسشىلىق ەتەتىن مەكەمە كەيبىر ۇيىمدارمەن نەسيەگە جۇمىس ىستەيدى. ويتكەنى اۆتوكولىكتەرگە دەرەۋ قوسالقى بولشەكتەر قاجەت بولادى.

ٴوز قاراجاتىمىزدان وتەۋگە كۇشىمىز جەتپەگەندىكتەن، ازىرگە نەسيەگە جۇمىس ىستەۋگە ٴماجبۇرمىز، – دەيدى «ۋرالتەحسەرۆيس» جشس اۆتوبۋس پاركىنىڭ ديرەكتورى الەكساندر باكلان. تاسىمالداۋشى كاسىپورىن وكىلدەرىنىڭ سوزىنە سۇيەنسەك، سوڭعى رەت جولاقى قۇنى 2013 جىلى 50 تەڭگەدەن 60-قا كوتەرىلگەن. وسى ۋاقىتقا دەيىن دوللاردىڭ تەڭگەگە شاققانداعى كۋرسى بىرنەشە رەت ٴوستى. جانارماي باعاسى دا جىل سايىن شارىقتاۋدا. – ەسەپتى كەزەڭدە رەسەي جانە تاياۋ شەتەلدەردە نالىناتىن جانارماي قورىنىڭ باعاسى – 20 پايىز، ديزەلدى وتىن – 30 پايىزعا كوتەرىلدى. سوندىقتان جولاقى قۇنىن ٴوسىرۋدى سۇرايمىز، – دەدى «پاپ» جشس باسشىسى سايان نۇرمۇحانبەتوۆ. تاسىمالداۋشىلاردىڭ تالابىنا قارسى شىققان قالالىق ٴماسليحات دەپۋتاتى جانتاس سافۋللين: – قالادا 300 مىڭداي حالىق بار. الدىمەن ماسەلەنى قاراپايىم نارسەدەن، ياعني حالىقتىڭ قالتاسىنان باستاۋىمىز كەرەك. جولاقى 60 تەڭگەدەن 80-گە ٴوستى دەلىك. بۇل 33،3 پايىز ٴوسىم. ٴبىر ۇيدەن بىرنەشە ادامنىڭ كۇندەلىكتى قوعامدىق كولىككە تاۋەلدى ەكەنىن ەسكەرسەك، از شىعىن ەمەس. ويلاپ قاراساڭىز، حالىقتىڭ جالاقىسى 33 پايىزعا ٴوستى مە؟ – دەي كەلىپ، بۇل سالانى ٴالى دە زەرتتەۋ كەرەك ەكەنىن ايتتى. پىكىرلەر سان-ساققا جۇگىرگەنىمەن، اۆتوبۋستارداعى جولاقى باعاسىنىڭ تاياۋ ارادا وسەتىنىن ەشكىم جوققا شىعارمادى. بۇل ماسەلەنىڭ شەشىمى الداعى سەسسيا وتىرىسىندا ٴبىرجاقتى شەشىلەدى.

كاۋسار بايعاليەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي