BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلى وزەندەگى عاسىر قۇرىلىسى

2014 جىلدىڭ 20 قىركۇيەگى سىرداريالىقتاردىڭ ەسىندە ماڭگى ساقتالعان كۇن. ويتكەنى، بۇل كۇنى جارتى عاسىردان بەرى اۋدان حالقىنىڭ ارمانى بولعان سىرداريا وزەنىنىڭ تەرەڭوزەك كەنتى تۇسىنان سالىنعان كوپىر پايدالانۋعا بەرىلدى. مۇسىلمان الەمىندە مەكتەپ، جول، مەشىت، كوپىر سالۋ، قۇدىق قازۋ ساۋاپتى ٴىس سانالسا، ورىندالعان ارمان عاسىر قۇرىلىسىنا اينالدى.

نەگىزىنەن، سىرداريا وزەنىنىڭ 1280 شاقىرىمى وبلىس اۋماعىندا جاتىر. ونىڭ بويىندا 270 ەلدى-مەكەن ورنالاسقان. بۇل سىربويىلىقتاردىڭ 90 پايىزدان استامى. ۇلى وزەننىڭ بويىندا وسىنشاما حالىقتى بىر-بىرىمەن جالعايتىن 4 كوپىر (قىزىلوردا، جاڭاقورعان، جالاعاش، جوسالى) وبلىس تۇرعىندارىنا قىزمەت ەتىپ كەلەدى. ال اۋدان حالقىنىڭ ۇزاق ۋاقىت كۇتكەن تەرەڭوزەك تۇسىنان كوپىر سالۋ ماسەلەسى ەڭ وزەكتى ەدى. مۇنى ەل اعالارى، حالىق قالاۋلىلارى رەسپۋبليكالىق دەڭگەيدە كوتەرىپ، ونىڭ شەشىلۋىنە اتسالىستى. اتاپ ايتقاندا، وسى ٴوڭىردىڭ تۋماسى، سول كەزدەردە پارلامەنت ٴماجىلىسىنىڭ دەپۋتاتى بولعان ج.اسانوۆ پرەمەر-مينيسترگە ٴۇش رەت دەپۋتاتتىق ساۋال جولداپ، تەرەڭوزەكتىك اقساقالداردىڭ سالەمىن جەتكىزىپ، قارجىسىنىڭ شەشىلۋىنە ىقپال جاسادى. سونىڭ ناتيجەسىندە، اۋدانعا كوپىر سالۋعا قاجەتتى قارجى ٴۇش جىلدىق مەرزىمگە قارالدى. ياعني، 2009 جىلدان باستاپ رەسپۋبليكالىق بيۋدجەتتى جوسپارلاۋ ۇستىندە كوپىر سالۋعا بولىنگەن قارجى 2012-2014 جىلداردى قامتىدى. ونىڭ جالپى قۇنى 2،5 ملرد. تەڭگەنى قۇرادى. وسىلايشا، 2012 جىلى كوپتەن كۇتكەن كوپىردىڭ العاشقى قاداسى قادالدى. ونىڭ قۇرىلىس جۇمىستارىن مامانداندىرىلعان «موستووترياد-25» جشس جۇرگىزدى.

ٴتيىستى قارجىنىڭ دەر كەزىندە ٴبولىنۋىن جانە قۇرىلىس ساپاسىنىڭ جوعارى تالاپقا ساي جۇرگىزىلۋىن، سونداي-اق قۇرىلىستىڭ ۋاقىتىندا اياقتالۋىن وبلىس اكىمى ق.كوشەربايەۆ ٴوز باقىلاۋىندا ۇستادى. سونىمەن قاتار، اۋدان اكىمدىگى تاراپىنان جانە اۋداندىق «نۇر وتان» پارتياسى جانىنان پارتيالىق باقىلاۋ بەكەتى قۇرىلىپ، نىساننىڭ ساپالى سالىنۋى ٴجىتى قاداعالاندى. ناتيجەسىندە، ۇلى وزەننىڭ بويىندا اۋدان تىنىسىنا اۋاداي قاجەت كوپىر قۇرىلىسى 2014 جىلدىڭ 20 قىركۇيەگىندە قولدانىسقا بەرىلىپ، اۋدان حالقى عاسىر جوباسىنىڭ اشىلۋىنا كۋا بولدى، زور قۋانىشقا كەنەلدى. بۇل كوپىر سالىنباي تۇرعاندا جۇرت اۋدان ورتالىعىنا قىزىلوردا نەمەسە جالاعاش ارقىلى اينالىپ قاتىنادى. كەي كەزدەرى دا- ريادان قالقىمالى كوپىرمەن ٴوتىپ ٴجۇردى. جازدا قايىقپەن وتسە، قىستا مۇزدىڭ ۇستىمەن ٴجۇردى. بۇل ٴقاۋىپتى ەكەنى بەلگىلى. ال ەل مەن ەلدى جالعايتىن كوپىر اشىلعاندا سىرداريالىقتاردىڭ قۋانىشىندا شەك بولعان جوق.

بۇل اۋداننىڭ الەۋمەتتىك- ەكونوميكالىق دامۋىنا دا ايتارلىقتاي سەرپىن بەردى. سوندىقتان ارماننىڭ ورىندالۋىنا اتسالىسقان جاندارعا اۋدان حالقىنىڭ العىسى شەكسىز. دارياعا ۇلكەن كوپىر سالىنعاننان سوڭ اۋداندا يگى ىستەر ودان ٴارى جالعاسىن تاپتى. كەنت ورتالىعىنداعى «ايتەك»، «مايجارما»، «ايتباي ارىق» كانالدارىنداعى كوپىرلەر جوندەلىپ، ساۋاپتى جۇمىستار جاسالدى. اتاپ ايتقاندا، «ايتەك» كانالىنداعى كەنتتىڭ باستى جولىنىڭ كوپىرى جاڭالاندى، جاياۋ جۇرگىنشىلەرگە ارنالىپ كوپىر سالىندى. وتكەن جىلى «ايتباي ارىق» كانالىنا جاياۋ جۇرگىنشىلەرگە ارنالعان كوپىر قويىلدى. ال «مايجارما» كانالىنىڭ ب.مومىش ۇلى كوشەسى تۇسىنان اۆتوكولىككە جانە جاياۋ جۇرگىنشىلەرگە ەكى بىردەي كوپىر ورناتىلدى. بۇل دا كەنت تۇرعىندارىنىڭ الەۋمەتتىك ماسەلەسىن شەشۋدە ەلەۋلى ٴرول اتقاراتىن جول بولدى. ەل ەگەمەندىگىنىڭ شيرەك عاسىرلىق مەرەيلى مەرەكەسى قارساڭىندا ول ارمان دا ورىندالدى. مۇنىڭ ٴبارى اينالىپ كەلگەندە ەگەمەندىكتىڭ ارقاسىندا مۇمكىن بولدى جانە تاۋەلسىزدىكتىڭ باعا جەتپەس جەمىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي