BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«راحمان» ۇلگىلى مەشىت اتاندى

اقتوبە وبلىسىندا اۋىلدىق مە- شىتتەر اراسىنان «ۇلگىلى مەشىت» باي- قاۋىنىڭ جەڭىمپازى قوبدا اۋدانى ٴاليا اۋىلدىق «راحمان» مەشىتى اتاندى. اتالمىش شاراعا قمدب-نىڭ اقتوبە وبلىسى بويىنشا وكىل يمامى تولەبي وسپان، اۋدان اكىمىنىڭ ورىنباسارى بۇلبۇل ەلەۋسىنوۆا، يمامدار، اۋداندىق اقساقالدار كەڭەسىنىڭ بەلسەندى مۇشەلەرى، مەكەمە باسشىلارى، مۇعالىمدەر، جاستار، اۋىل تۇرعىندارى قاتىستىرىلدى. قازاقستان مۇسىلماندارى ٴدىني باسقارماسى ەلىمىزدەگى ٴاربىر مەشىتكە، مەشىت جۇمىسىنا، ونداعى قىزمەتكەرلەرگە ەرەكشە كوڭىل ٴبولىپ وتىرعانى بەلگىلى. وسىعان وراي قمدب بيىل «ۇلگىلى مەشىت» اتتى بايقاۋىن ۇيىمداستىردى. بايقاۋدا مىنا شارتتارعا ٴمان بەرىلدى. ولار: مەشىتتەردىڭ كورىكتى بولۋى، كۇمبەزى، قورشاۋى، مۇناراسى، مىنبەرى، كۇردەلى جۇمىس جوندەۋدەن وتكەن بولۋى، - مەشىت ىشكى جانە سىرتقى اۋلاسىنىڭ تازالىعى، اۋلاسىنىڭ كوگالدانۋى، - جەمىس اعاشتارى، تال، تەرەك، شىرشا جانە ٴتۇرلى گۇل كوشەتتەرىنىڭ ەگىلۋى، قۇجاتتارىنىڭ تولىق بولۋى، ارنايى دارەتحاناسىنىڭ بولۋى، ٴدارىسحانالار مەن قىزمەتتىڭ بولمەلەردىڭ بولۋى، ۇگىت-ناسيحات پەن دارىستەردىڭ تۇراقتى جۇرگىزىلۋى مەن قوعامدىق ٴىس-شارالارعا بەلسەنە ارالاسۋى جانە جاماعات بىرلىگىن ارتتىرۋ ماقساتىندا ٴىس-شارالاردىڭ اتقارىلۋى.

بايقاۋ 2 دەڭگەيدە ٴوتتى. 1-دەڭگەي قالا، اۋدان مەشىتتەرى دەڭگەيىندە وتسە، 2-دەڭگەي اۋىل مەشىتتەرى اراسىندا ۇيىمداستىرىلدى. شارا اياسىندا ەلىمىزدەگى ٴار ٴوڭىر 2-دەڭگەيدەگى مەشىتتەر اراسىنان 1، 2، 3-ورىن العان مەشىتتەردى انىقتاعان بولاتىن. قمدب ٴوز كەزەگىندە ارنايى قۇرىلعان كوميسسيانىڭ شەشىمىمەن وڭىرلەردەن كەلگەن مەشىتتەردىڭ ىشىنەن اۋىلدىق دەڭگەي بويىنشا ٴاليا اۋىلىنداعى «راحمان» اۋىلدىق مەشىتى «ۇلگىلى مەشىت» نوميناسياسىمەن ماراپاتتالدى. وسىنداي كوركەم مەشىتتىڭ بوي كوتەرۋىنە سەپتىگىن تيگىزگەن سول اۋىلدىڭ تۋماسى ٴارى جاناشىرى ٴابىلحايىروۆ مۇحتار ەسىمدى ازامات. قمدب- نىڭ اقتوبە ٴوڭىرى بويىنشا وكىل يمامى تولەبي وسپان ٴاليا اۋىلىنا ارنايى بارىپ، جاماعاتپەن كەزدەسىپ، حالىق الدىندا سول مەشىتتىڭ جاعدايىن جاساپ وتىرعان ازاماتقا جانە حالىققا ٴدىندى ۇيرەتىپ جاتقان يمامدى قۇتتىقتاپ، «ۇلگىلى مەشىت» ماراپاتىن قولدارىنا تابىستادى. ەلىمىز تاۋەلسىزدىك الىپ، حالقىمىز يماندىلىققا بەت بۇرىپ رۋحاني قۇندىلىقتارىمىزعا، ۇلتتىق داستۇرلەرىمىزگە ەرەكشە ٴمان بەرىلۋدە. وسى ورايدا مەملەكەتىمىزدە بابامىزدان مۇرا بولعان اسىل ٴدىنىمىز – يسلامدى ناسيحاتتاۋعا مول مۇمكىندىكتەر جاسالۋدا. سونىڭ ٴبىر كورىنىسى ٴاليا اۋىلىندا بوي كوتەرگەن ساۋلەتتى مەشىتتىڭ «ەڭ ۇزدىك مەشىت» اتاعىنا يە بولۋى. جاماعاتتىڭ رۋحاني قاجەتتىلىگىن وتەۋگە جان-جاقتى جاعدايلار جاسالعان. اۋىلدىڭ ٴسانىن كەلتىرىپ تۇرعان عيماراتتى سالۋعا مول قاجىر-قايراتىن جۇمساعان ەلدەن شىققان كاسىپكەر ازامات مۇحتار ٴابىلحايىروۆتىڭ ەڭبەگى ەرەكشە. ەلىمىزدىڭ ەرتەڭى جاستاردىڭ جۇرەكتەرىنە يمان نۇرىن ۇيالاتىپ، ۇلتتىق داستۇرلەرىمىزدى بويلارىنا ٴسىڭىرۋ باعىتىنداعى ساۋاپتى ٴىسى ٴۇشىن اۋدان حالقى كاسىپكەر جەرلەسىمىزگە ٴدان ريزا.

انارگۇل ەگىزبايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي