BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴوز باقىتىن نەگە وزگە ۇلتتان ىزدەيدى؟

فوتو: fashionlab.pro

"قىز وسسە ەلدىڭ كوركى" دەۋشى ەدى... بويجەتىپ، ٴبىلىم العان سول كورىكتىلەردىڭ اراسىندا وزگە ۇلت ازاماتىنىڭ ەتەگىنەن ۇستاپ، وزگەنىڭ ۇرپاعىن جالعاستىرىپ، ٴوز ۇلتىنان بەزىنگەندەردىڭ سانى، وكىنىشكە وراي، جىلدان-جىلعا ارتىپ كەلەدى. بۇگىنگى قوعامنىڭ دەرتىنە اينالعان بۇل ماسەلەدەن ٴبىز دە اينالىپ كەتە المادىق. بارشامىزعا ايان، قازاق قىزىن تورگە وتىرعىزىپ، قوناق دەپ توبەسىنە كوتەرگەن ۇلى حالىق.

سەبەبى، وڭ بوساعاسىندا وتىرعان كىشكەنتاي قىزىنا ۇرپاعىمدى جالعاستىرۋشى، ەلىمنىڭ بولاشاق اناسى دەپ قاراعان. ۇكىلەپ ٴۇمىت ارتقاندارىمىز اتا-انانىڭ عانا ەمەس، ٴبىر ۇلتتىڭ ارمانىن اياقاستى ەتىپ، مىنا بەيبىت قوعامدا مۇحيت اسىپ كەتە بارۋىنا ٴسىز قالاي قارايسىز؟

كوپۇلتتى ەل بولعاننان كەيىن بە ارالاس نەكەگە قورقا قارامايمىز. كۇندەلىكتى ادەت ٴتارىزدى. وسى نەمقۇرايلىلىقتىڭ سالدارىن بىرنەشە عاسىر تارتاتىن بولامىز. كەز-كەلگەن اۋلەتتى الىپ قاراساڭىز ارالاس نەكە تابىلىپ قالادى. وسىدان بىرەر جىل بۇرىن ٴبىر جاقىنىم ورىس ۇلتتى جىگىتپەن كوڭىل جاراستىرىپ، شاڭىراق كوتەردى. ارينە، بۇل قىلىعى ماعان جات كورىندى. سەبەبى، ول قىز ناعىز قازاقى ورتانىڭ، اۋىلدىڭ تۇلەگى ەدى. اتا-اناسى دا قاراپايىم جاندار. ولار قىزىنىڭ بەتىنەن قاقپاي، ارالاس نەكەسىنە ەرىكسىزدەن باتاسىن بەردى. وزگەنىڭ ٴتىلىن، ٴدىنىن قابىلداعان ونىڭ قازاقىلىقتان ادا بولىپ بارا جاتقاندىعىن اڭعارۋ قيىن ەمەس ەدى. ورىسشاسى ناشارلاۋ اتا-اناسىن دا ٴتىلىن بۇرالتىپ، قيناپ قويدى. ورىستىڭ كەلىنىنە اينالعان جاقىنىمنىڭ بالاسىن دا كوردىم. قازاقتىڭ قۇرساعىندا توعىز اي، توعىز كۇن بولدى دەمەسەڭ، ناعىز اققۇلاقتىڭ ٴوزى. قازاقشا- دان بەيحابار. ٴبىر اۋىز قازاقشا سويلەسەڭ بەتىڭە باجىرايىپ قارايدى.

مىنەكي، ارالاس نەكەنىڭ كەسىرى وسى. ٴبىر قىزىڭدى وزىڭە جات قىلادى. وزگەنىڭ ۇرپاعىن جالعاستىرۋشى بولعان سول جاقىنىمنىڭ بويىنان قازاقىلىقتى دا بايقاي الماي بارام. ادامدى ورتا تاربيەلەيدى عوي. جات ۇلتتىڭ ورتاسىندا ٴجۇرىپ، ٴوزىنىڭ ٴتۇپ-تامىرىن دا ۇمىتۋ تۇك تە ەمەس ولارعا. ارالاس نەكەدەن ٴدۇبارا ۇرپاق پايدا بولادى. تازا قاندى ەمەس، ۇرپاقتان قانداي جاقسىلىق كۇتەمىز. ەر ازاماتتارىمىز دا قازاقتان قىز تاپپاعانداي، وزگە ۇلتتان قىز ايتتىرىپ جاتىر. ۇلدارعا بۇل ٴىس جاراسىمدىداي. قويشى، ايتەۋىر، قانى قازاق، ۇرپاق وزىمىزدىكى عوي دەپ كوڭىل جۇباتامىز. اتىن اتاپ، ٴتۇسىن تۇستەمەيىن...

نەمىستىڭ قىزىن العان تاعى ٴبىر جاقىنىم بار. ٴۇش قىزى، قۇدايدان تىلەپ ٴجۇرىپ العان ٴبىر ۇلى بار. وتباسىن سىرتتان قاراساڭىز، ٴتۇر-تۇلعالارى قازاق. ال، جاقىن ارالاسساڭىز ولاردىڭ ۇلتى قايسى دەپ ابدىراپ قالارىڭىز ٴسوزسىز. قازاق ٴتىلىن ازداپ تۇسىنگەنى بولماسا، بۇل تىلمەن شارۋالارى جوق. ٴتىلى دە، سوزدەرى دە، ىستەرى دە، وزدەرى دە قازاقىلىقتان ادا. ۇيات دەگەندى ىسىرىپ قويعان. تۋىستاردىڭ باسى قوسىلعان توي-تومالاقتا، ۇلكەندەردى قويىپ، اتا- اناسىمەن ستاقان قاعىستىرىپ قويىپ وتىرا بەرەدى. مىنەكي، ارالاس نەكەنىڭ جەمىسى. ال بۇل وتباسىنىڭ بالالارىنان تاراعان ۇرپاقتىڭ بولاشاعىن قالاي ەلەستەتەسىز؟!

ولاردىڭ قازاق جىگىتىنە تۇرمىسقا شىقپاسى انىق. وسىلايشا، ۇلت قانى بارعان سايىن سۇيىلا بەرسە، تازاقاندى قازاقتى تابۋ مۇڭعا اينالماي ما؟ جوعارىداعى جايلار وسى ەلىمىزدە بولعان جاعدايلار. وزگە ۇلتقا تۇرمىسقا شىقسا دا، وزگە ۇلتتان قىز السا دا تۋعان جەردەن جىراق كەتپەيتىندىگى قۋانتادى. ال شەتەلدىكتەرگە تۇرمىسقا شىعىپ، جات ەلگە قونىس اۋدارىپ جاتقان بۇرىمدىلارىمىزعا نە دەرسىز...

ەۋروپادان جۇققان بۇل ٴۇردىس بارعان سايىن ٴسىڭىستى بولىپ بارادى. قازاق قىزدارىنىڭ امەريكالىققا، افريكالىققا، ەۋروپالىققا تۇرمىسقا شىعۋى قازاقتىڭ ٴۇش ۇيىقتاسا دا تۇسىنە كىرمەگەن جاعداي ەدى. ولاردىڭ شەتەلدىككە تۇرمىسقا شىعۋىنا ٴتۇرلى جاعدايلار سەبەپكەر بولعان بولار. ٴبىراق، ولاردىڭ و جاقتاعى ٴومىرى بىزگە بەيمالىم. ٴتۇرلى قايعىلى وقيعالاردى عالامتوردان كورىپ، جاعامىزدى ۇستاپ جاتىرمىز. ٴبىراق، جاعامىزدى ۇستاۋمەن عانا شەكتەلەمىز.

ونىڭ تامىرىنا بالتا شابۋعا قىزدار دا، اتا-انالار دا ق ۇلىقسىز نەمەسە دارمەنسىز. ارالاس نەكەنىڭ باستى ٴقاۋپى - قازاق قىزىنىڭ جانە ونىڭ ۇرپاعىنىڭ ۇلتتىق بولمىسىنان، سالت-داستۇرىنەن، تىلىنەن، دىنىنەن ايىرىلۋى. ارالاس نەكەنىڭ جىلدان جىلعا كوبەيۋىنە مەملەكەتىمىزدىڭ ٴوزى جاعداي جاساپ وتىر دەپ ويلانىپ كوردىڭىز بە؟! facebook الەۋمەتتىك جەلىسىندەگى ٴوز پاراقشاسىندا ايتىسكەر اقىن اينۇر تۇرسىنبايەۆا: "expo-نىڭ جاقسىسى جاقسى عوي… ٴبىر جامان جەرى، قاپتاپ كەلىپ جاتقان شەتەلدىكتەردىڭ كوبىنىڭ جەتەگىندە قازاقتىڭ قىزدارى ٴجۇر…

كۇندە بايقايمىن"- دەگەن ەدى. وسى سىندى شەتەلدىكتەردى ەلىمىزگە تارتاتىن حالىقارالىق جوبالاردىڭ ناتيجەسىندە ٴبىراز قاراكوزىمىز وزگە ۇلتتىڭ كەلىنى اتانىپ وتىر. ونىمەن قوسا، جاستار شەتەلدەن ٴبىلىم الماسا ەلىمىز زامانا كوشىنەن قالاتىنداي كورەمىز. "بولاشاقپەن" وقۋعا كەتىپ، ٴوز بولاشاقتارىن سول ەلدە جالعاپ جاتقان قىزدار دا، جىگىتتەر دە كوپ. اينالىپ كەلىپ، تاياقتىڭ تاعى ٴبىر ۇشى زاڭعا تيەدى. ەلىمىزگە قاپتاپ كەلىپ جاتقان شەتەلدىكتەرگە، "بولاشاقپەن" كەتىپ جاتقان قازاقستاندىقتارعا قويىلار زاڭ تالابى قاتال بولسا، مۇنداي جاعدايلار ورىن الماس پا ەدى. زاڭ تۋرالى زاڭگەرلەر نە دەيدى. زاڭگەر كارىباي تاسشابايەۆ: "شەتەلدىكتەرگە تۇرمىسقا شىققان قىزداردى قازاقستان ازاماتتىعىنان ايىرۋ كەرەك. سوندا شەتەلدىك ازاماتتار ازاماتتىق ٴۇشىن قازاق قىزىن جاعالاۋدى قويادى. ولار قازاقستاندىق بويجەتكەندەرمەن نەكەگە تۇرۋ ازاماتتىق الۋدىڭ ەڭ وڭاي ٴادىسى ەكەنىن بىلگەندىكتەن، كۇيەۋبالا بولۋعا اسىعادى. جالپى، قازاق قىزدارىن العانى ٴۇشىن شەتەلدىكتەرگە قالىڭمال تولەتتىرۋىمىز كەرەك.

بۇل ىستە بىزگە تۇركىمەندەردىڭ تاجىريبەسى ۇلگى بولا الادى. ويتكەنى، مەملەكەت ول قىزدى وقىتتى، ٴبىلىم بەردى، ٴوسىردى. ونى شەتەلدىكتىڭ باعىن اشسىن، بابىن جاساسىن دەپ وسىرگەن جوق، ارينە. ەگەر ٴبىز ٴار نارسەنى سىلتاۋراتىپ، قىزدارىمىز ارقىلى ازاماتتىعىمىزدى تاراتىپ وتىرا بەرەر بولساق، ۇلتتىق قاۋىپسىزدىگىمىزگە نۇقسان كەلتىرەمىز. ٴبىز ٴدال قازىرگى تاڭدا قىزىمىزدى شەتەلدىككە تۇرمىسقا بەرگەنىمىزبەن قويماي، ازاماتتىعىمىزدى دا سىيلاپ وتىرمىز.

مۇنشالىقتى جالپاق- شەشەي بولۋدىڭ قاجەتى قانشا؟!" دەيدى. شەتەلدىكتەرگە قۇشاعىن ايقارا اشىپ وتىرعان ٴبىز عانا شىعارمىز. ماسەلەن، تۇركىمەندەر شەتەلدىك كۇيەۋبالادان قوماقتى قالىڭمال تالاپ ەتسە، فرانسيادا ەكى فرانسۋزدىق ۇيلەنسە، ولاردىڭ بالالارىنا كامەلەت جاسقا دەيىن اي سايىن 2000 ەۆرو ەسەپشوتىنا ٴتۇسىپ تۇرادى ەكەن. ال، ەگەر نەكەگە تۇرعانداردىڭ ٴبىرى وزگە ۇلت وكىلىنەن بولسا، مەملەكەت تاراپىنان بەرىلەتىن جاردەمنەن قۇرالاقان قالادى.

ەلiمiزدiڭ ستاتيستيكا اگەنتتiگiنiڭ مالiمەتiنە سۇيەنسەك، شەتەلدiكتەرمەن نەكەگە تۇرعان وتانداستارىمىزدىڭ 50 پايىزى رەسەي ازاماتتارىمەن باس قۇرايدى ەكەن. ودان كەيiنگi ورىندا وزبەك جانە قىرعىز ازاماتتارى ەپتiلiك تانىتسا، سوڭعى جىلدارى تۇرiك، قىتاي، اراب ۇلتىنىڭ ازاماتتارى قازاقتىڭ كۇيەۋ بالاسى بولۋعا اسا ىنتالى. الماتى، استانا سىندى ۇلكەن قالالارداعى ستۋدەنت قىزداردىڭ قالاي كۇنكورىپ جۇرگەندىگى تۋرالى باسپاسوزدە جانۇشىرا جازعان ماقالالاردى كورىپ، جۇرەگىڭ اۋىرادى. ٴتالپىش قىتايدىڭ ەڭگەزەردەي قازاق جىگىتىنەن نەسى ارتىق بولدى. قازاق جىگىتتەرى قىزدارىن وزگە ۇلتقا تابىستاپ، قايدا قاراپ ٴجۇر ەكەن. نەمەسە بۇگىنگى قىزداردىڭ جىگىتتەرگە قويار تالاپتارى تىم جوعارىلاپ كەتكەن بە...

قازاق جىگىتىنىڭ قازاق قىزىنا ۇيلەنۋى وتان الدىنداعى، اتا-بابامىز الدىنداعى اسىل بورىشى دەپ بىلگەنىمىز ابزال. ٴوز باقىتىن وزگە ۇلتتان ىزدەيتىن قۇربىلارىما قازاقتان اسقان حالىق جوق دەر ەدىم.

ايجان توقتاسىنقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي