BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوميسسيا مۇشەلەرى اۋىلداردى ارالادى

2015 جىلعى 24 جەلتوقساندا اۋداندىق ٴماسليحاتتىڭ سەسسياسىندا «ماي اۋدانىنىڭ اۋماعىن دامىتۋدىڭ 2016-2020 جىلدارعا ارنالعان باعدارلاماسى تۋرالى» اۋدان اكىمدىگىنىڭ ۇسىنىسىمەن شەشىم قابىلدانعان ەدى. باعدارلاما اۋدانىمىزدىڭ دامۋىنىڭ ٴار سالالارىن قامتيدى. سونىڭ ىشىندە اۋىلشارۋاشىلىعى ماسەلەسى. اۋدانىمىز نەگىزىنەن مال شارۋاشىلىعى بولعاندىقتان مال باسىن كوبەيتۋ، قىسقا مال ازىعىن دايىنداۋ، مال باسىن ساقتاۋدا ۆەتەريناريالىق جۇمىستاردى جانداندىرۋ، مال ٴونىمىن ٴوندىرۋدى دۇرىس جولعا قويۋ ت.ب. ماسەلەلەر. باعدارلامانى باقىلاۋ اۋداندىق ٴماسليحاتتىڭ قۇزىرەتىندە. وسىعان بايلانىستى اۋداندىق ٴماسليحاتتىڭ «اگرارلىق ماسەلەلەر» جونىندەگى كوميسسياسى ٴوز جۇمىس جوسپارىنا سايكەس، اعىمداعى جىلدىڭ قىركۇيەك ايىنىڭ 14-16 كۇندەرى ارالىعىندا كەلەسىدەي سۇراقتار بويىنشا، 2016-2017 جىلدارعا ارنالعان مال ازىعىن دايىنداۋ بارىسى، ۆەتەريناريا سالاسىنىڭ جۇمىستارىن، اۋىلدارداعى الەۋمەتتىك نىسانداردىڭ قىسقا دايىندىعى جانە تاۋەلسىزدىكتىڭ 25 جىلدىعىنا وراي اتقارىلىپ جاتقان ٴىس-شارالار بويىنشا اۋداننىڭ بارلىق اۋىل جانە اۋىلدىق وكرۋگتەرى مەكەندەرىندە بولىپ، تۇرعىندارمەن كەزدەسۋ وتكىزدى. ٴبىرىنشى سۇراق بويىنشا جالپى مال ازىعىن دايىنداۋ جۇمىستارى اۋا رايىنىڭ قولايسىزدىعىنا بايلانىستى كەش باستالسا دا قارقىندى جۇرگىزىلۋدە. بۇگىنگى كۇنى اۋىل اكىمدەرىنىڭ مالىمەتتەرى بويىنشا 71،8 مىڭ گا جەر شابىلىپ، 73،3 مىڭ توننا ٴشوپ ازىرلەنگەن، ونىڭ ىشىندە: 6،7 مىڭ توننا قىر ٴشوبى، 66،6 مىڭ توننا توعاي ٴشوبى شابىلعان. مال ازىعىن دايىنداۋ ٴۇشىن جانار-جاعار ماي جەتكىلىكتى بولىنگەن، - دەيدى شارۋاشىلىق باسشىلارى. بيىلعى جىلى ٴشوپتىڭ 1 توننا قۇنى 7،0-10،0 مىڭ تەڭگە كولەمىندە، بۇل دەگەنىمىز بىلتىرعى جىلعى دەڭگەيدە ساقتالىپ وتىر. وسى جەرگىلىكتى جەرلەردى ارالاۋ بارىسىندا وزەكتى ماسەلەلەر دە جوق ەمەس. اتاپ ايتقاندا اقجار، قازان، ساتى، كەڭتۇبەك، مالايسارى، باسكول اۋىلدارىندا باعۋسىز جۇرگەن جەكەمەنشىك مالدارى شابىلماعان جانە شابىلعان شوپتەردى باسىپ، تاپتاۋ ماسەلەسى الاڭداتادى. وسى اتالعان ماسەلە بويىنشا ٴتيىستى اۋىل اكىمدەرىنىڭ ايتۋىنشا قورىقشى (وبەزشيك) شىعارىلعان، ٴبىراق تولىق ۇلگەرمەيدى. جۋىق ارادا ارنايى شىعارىلعان بلانكىلەر ازىرلەنۋدە، وسىدان بىلاي قاراۋسىز جۇرگەن مال يەلەرىنە ايىپپۇل سالا باستايمىز دەپ سەندىرىپ وتىر. وسى جونىندە بارلىعى ەسكەرتىلگەن دەيدى. كوميسسيا تاراپىنان اتالعان كەمشىلىكتەردى جىل سايىن قايتالاتىندىقتان ناۋقان ۋاقىتىندا كەدەرگى كەلتىرمەي دەرەۋ قولعا الۋ ۇسىنىلدى. وسىعان وراي ايتا كەتەتىن ٴبىر جاي، وبلىستىق ٴماسليحاتتىڭ شەشىمىمەن پاۆلودار وبلىسى ەلدى مەكەندەرىنىڭ اۋماعىندا جانۋارلاردى ۇستاۋ قاعيدالارى بەكىتىلدى. ول مەملەكەتتىك تىركەۋدەن ٴوتتى، ەندى وبلىستىق گازەت بەتىنە شىققاننان كەيىن كۇشىنە ەنەدى. قاعيدادا ٴۇي جانۋارلارىن (ٴىرى قارا مال، قويلار، ەشكىلەر، جىلقىلار ت.ب.) ۇستاۋ ٴتارتىبى، جانۋارلار يەلەرىنىڭ قۇقىقتارى مەن مىندەتتەرى جانە جاۋاپكەرشىلىگى بەلگىلەنگەن. ەكىنشى ماسەلە بويىنشا بارلىق اۋىل جانە اۋىلدىق وكرۋگتەردە مال دارىگەرلىك قاۋىپسىزدىگىن قامتاماسىز ەتەتىن مال دارىگەرى ماماندارىمەن تولىق قامتىلعان. اۋىل اكىمشىلىگى عيماراتىندا ارنايى مال دارىگەرىنە بولمەلەر ٴبولىنىپ، جابدىقتالعان. ٴبىراق دارى-دارمەكتەر وسى بولمەلەردە بىرگە ساقتالۋدا. ول تالاپقا ساي ەمەس. دارى-دارمەكتەر ارنايى بولەك بولمەدە ساقتالۋى كەرەك. وسى ماسەلە بۇگىنگى كۇنى مالايسارى اۋىلىندا عانا قولعا الىنىپ شەشىلۋدە. سونىمەن قاتار بارلىق ەلدى مەكەندەردە مال جەمتىگىن تاستايتىن جاساندى ورلار بار، قورشالىپ، ارنايى بەلگىلەرى قويىلعان. ٴبىراق ارالاۋ بارىسىندا مالايسارى، ساتى اۋىلدارىنىڭ مال جەمتىگىن تاستايتىن ورلار جەمتىككە تولىپ قالعان. كەڭتۇبەك اۋىلىندا مال جەمتىگىن تاستايتىن ور جەردەن 5-6 مەتر بيىكتىكتە ورنالاسقان جانە ەشقانداي بەلگى قويىلماعان. مال سويۋ الاڭدارى بويىنشا اۋىلدىق وكرۋگتەردە ٴبىرقاتار وزەكتى ماسەلەلەر انىقتالدى، اتاپ ايتقاندا اقشيمان، قاراتەرەك، ماي، مايتۇبەك، ۋاقىتشا مالايسارى اۋىلدارىنىڭ جۇمىستارى توقتاتىلعان، سەبەبى وسىنداي كاسىپپەن اينالىساتىن كاسىپكەرلەردىڭ جوقتىعىنان. ال قالعان اۋىلدارداعى مال سويۋ الاڭدارىنىڭ كورسەتەتىن قىزمەت اقىلارى ٴارتۇرلى. اقجار اۋىلىندا ٴىقم -2000 تەڭگە، جىلقى - 2000 تەڭگە، ٴۇساق مال - 500 تەڭگە، قازان اۋىلدىق وكرۋگىندە ٴىقم - 1500 تەڭگە، جىلقى - 2000 تەڭگە، ۇساق مال - 500 تەڭگە، ساتى اۋىلىندا ٴىقم – 3000 تەڭگە، جىلقى - 3000 تەڭگە، ۇساق مال - 500 تەڭگە، كەڭتۇبەكتە - ٴىقم – 1500 تەڭگە، جىلقى - 2000 تەڭگە، ۇساق مال - 500 تەڭگە، كوكتۇبەكتە ٴىقم – 1000 تەڭگە، جىلقى - 1000تەڭگە، ۇساق مال - 500 تەڭگەنى قۇرايدى. وسى ماسەلەنى ٴبىر جۇيەگە كەلتىرىپ، اۋداندىق گازەت ارقىلى جاريالاۋ قاجەت. سونىمەن قاتار اۋىل تۇرعىندارىمەن كەزدەسۋ بارىسىندا كەڭتۇبەك اۋىلىنىڭ تۇرعىندارى تاراپىنان جەكەمەنشىك مالدارىن ەگەتىن جەردە ارنايى قورشاۋدىڭ قاجەتتىگى تۋرالى ايتىلدى. بارلىق اۋىلداردا الەۋمەتتىك نىساندار مادەني وشاقتارى، مەكتەپتەر، دارىگەرلىك پۋنكتتەر، مەكەمە ورىندارى جىلۋ جۇيەلەرى تولىعىمەن الداعى قىسقا جوسپارلانعان قاتتى وتىن كومىرمەن 90 پايىزعا قامتىلعان. تاۋەلسىزدىگىمىزدىڭ 25 جىلدىق مەرەيتويىنا وراي اۋىلداردى كورىكتەندىرۋدە، ونىڭ ىشىندە اۋىلدىڭ ىشكى جولدارىن جوندەۋگە، جازعى سۋ قۇبىرلارىن جوندەۋگە وڭىرلەردى دامىتۋ باعدارلاماسى بويىنشا قوسىمشا قاراجات ٴبولىنىپ، ٴتيىستى جۇمىستار جۇرگىزىلۋدە. تۇرعىندار تاراپىنان ٴار اۋىلدىڭ حالىق قالاۋلىلارىنا «نۇر وتان» پارتياسى اۋداندىق فيليالىمەن بىرىگە وتىرىپ اۋداندىق بيۋدجەتتەن بولىنگەن قاراجاتتاردى ٴتيىمدى جانە ماقساتتى پايدالانۋىن ۇنەمى باقىلاۋدا ۇستاۋ ۇسىنىلدى. كوميسسيا تاراپىنان قارالعان ماسەلەلەر اۋداندىق ٴماسليحاتتىڭ كوميسسيالارىنىڭ بىرلەسكەن وتىرىسىندا تالقىلانىپ، سەسسيانىڭ كۇن تارتىبىندە قاراۋعا ەنگىزىلەدى. م.دارابايەۆ، № 7 كوكتۇبەك سايلاۋ وكرۋگىنىڭ دەپۋتاتى، «اگرارلىق ماسەلەلەر» جونىندەگى كوميسسيا ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي