BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋداعى يگى ىستەر مەملەكەت باسشىسىنىڭ كوڭىلىنەن شىقتى

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ 23 قىركۇيەك كۇنى جۇمىس ساپارىمەن اقمولا وبلىسىندا بولىپ، كوكشەتاۋداعى ىرگەلى ٴوندىرىس ورىندارىنىڭ ٴبىرى–«قازاقستان اگرو يننوۆاسيالىق كورپوراسياسى» كاسىپورنىن ارالاپ كوردى جانە وسىنداعى ەڭبەك ۇجىمىمەن كەزدەستى. سونداي-اق، قوعامدىق جۇرتشىلىق وكىلدەرىمەن جۇزدەسىپ، ەلىمىز ٴوز تاۋەلسىزدىگىن العان 25 جىلدىڭ ىشىندە مەملەكەتىمىز قول جەتكىزگەن جەتىستىكتەر جايىندا جىلى پىكىر الماستى. مەملەكەت باسشىسىنىڭ اقمولا وبلىسىنا ساپارىندا قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ، اۋىل شارۋاشىلىعى ٴمينيسترى اسقار مىرزاحمەتوۆ جانە اقمولا وبلىسىنىڭ اكىمى سەرگەي كۋلاگين بىرگە بولدى.

ەلباسى قوعامدىق جۇرتشىلىق وكىلدەرىمەن جۇزدەستى. ٴوز ٴسوزىن «قۇرمەتتى اقمولالىقتار! ەگىن وراعى ناۋقانى كەزىندە استىقتى ايماقتاردى ارالاپ شىعاتىن جىلداعى ادەتىم بويىنشا بيىل دا اقمولا، سولتۇستىك قازاقستان، قوستاناي وبلىستارىندا بولىپ، ەگىن وراعىنىڭ بارىسىمەن، ايماقتاردىڭ دامۋ جاعدايىمەن تانىستىم»، – دەپ باستاعان مەملەكەت باسشىسى 2016 جىل ەرەكشە جىل ەكەنىن اتاپ ٴوتتى. تاۋەلسىزدىگىمىزدىڭ 25 جىلدىعى قارساڭىندا ەلىمىزدىڭ وتكەن دامۋ جولدارىنا تاعى ٴبىر توقتالعاننىڭ ەش ارتىقتىعى جوق. قىسقا مەرزىم ارالىعىندا جۇرگىزىلگەن وڭتايلى قايتا قۇرۋ جۇمىستارى ٴوز جەمىسىن بەرىپ، 2000 جىلدان باستاپ تۇراقتى دامۋ جولىنا تۇستىك.

مەملەكەت باسشىسى استانالىق وبلىس سانالاتىن اقمولا وبلىسىنىڭ قازىرگى دامۋ بارىسىنا توقتالىپ، سوڭعى جىلدارى وبلىس شارۋاشىلىقتارىنىڭ 10 مىڭعا تارتا شەت ەل تەحنيكاسىن ساتىپ العاندىعىن، ونىمدىلىگى جوعارى وسىنداي تەحنيكانىڭ ارقاسىندا ەگىنشىلىك سالاسىنىڭ ايتارلىقتاي دامىپ وتىرعانىن باسا اتاپ كورسەتتى. بۇگىندە استىقتى ەكسپورتقا شىعاراتىن الەمدەگى ۇزدىك ون ەلدىڭ ساناتىنا كىرەتىن قازاقستان استىعىنىڭ تورتتەن ٴبىرىن وندىرەتىن اقمولا وبلىسىندا سوڭعى جىلداردى ونەركاسىپ سالاسى دا قارقىندى دامىپ كەلەدى. وسىنى ايتقان مەملەكەت باسشىسى تاۋەلسىزدىك جىلدارىندا قول جەتكەن جەتىستىكتەر وزدىگىنەن كەلمەگەندىگىن، وعان بارشا قازاقستاندىقتار ٴوز ۇلەسىن قوسقاندىعىن دا ەسكە سالىپ ٴوتتى.

بۇدان كەيىن وبلىس اكىمى سەرگەي كۋلاگين ەلباسىنا ايماقتىڭ قازىرگى الەۋمەتتىك-ەكونوميكالىق دامۋى جايىندا بايانداپ بەردى. ونەركاسىپ سالاسىندا جىل بويى تۇراقتى ٴوسىم ساقتالعان. قازىرگى كۇنى ول 104،2 پايىزدى قۇرايدى. وبلىستا 102 ميلليارد تەڭگەنىڭ 97 ينۆەستيسيالىق جوباسى جۇزەگە اسىرىلۋدا. بۇل قوسىمشا 3 مىڭنان استام جۇمىس ورنىن اشۋعا مۇمكىندىك بەرەدى. 2010-2016 جىلدار ارالىعىندا يندۋستريالاندىرۋ كارتاسى شەڭبەرىندە 65 جوبا ىسكە قوسىلعان. ولاردىڭ ٴ17-سى ەكسپورتقا باعدارلانعان.

استانانىڭ ازىق-تۇلىك بەلدەۋىن جاساۋ باعدارلاماسى بويىنشا قۇنى 9،2 ميلليارد تەڭگەنىڭ 11 جوباسى جۇزەگە اسىرىلۋدا. ەلوردا وبلىس اۋىل شارۋاشىلىعى قۇرىلىمدارى ٴۇشىن ٴوز ونىمدەرىن ساۋداعا شىعاراتىن ەڭ ٴىرى رىنوك بولىپ تابىلادى. قازىرگى كۇنى وبلىس شارۋاشىلىقتارى استانالىقتاردى ۇنمەن 100 پايىز، جۇمىرتقامەن جانە كارتوپپەن 52 پايىز، ەت ونىمدەرىمەن 50 پايىز مولشەرىندە قامتاماسىز ەتۋدە. ششۋچينسك-بۋراباي كۋرورتتى ايماعىن دامىتۋ باعدارلاماسى شەڭبەرىندە دە ايتۋلى جۇمىستار اتقارىلۋدا. بۇگىنگى تاڭدا كۋرورتتى ايماقتا جىلىنا 1 ميلليوننان استام ادام دەم الادى. مۇنىڭ ٴوزى وبلىس ەكونوميكاسىن دامىتۋعا ەلەۋلى ىقپالىن تيگىزۋدە.

وبلىستا مال شارۋاشىلىعىن وركەندەتۋگە دە جەتە كوڭىل ٴبولىنىپ كەلەدى. قازىرگى تاڭدا اسىل تۇقىمدى مال وسىرەتىن وتىز ارنايى مامانداندىرىلعان شارۋاشىلىق بار. ولاردىڭ ٴ23-ى ەت جانە ٴسۇت باعىتىنداعى اسىل تۇقىمدى مال وسىرۋمەن اينالىسادى. وبلىس مال بورداقىلاۋ بويىنشا ەلىمىزدەگى ٴىرى الەۋەتى بار ايماق بولىپ سانالادى. ٴقازىر 31 مال بورداقىلاۋ الاڭىندا 27 مىڭنان استام مال باعىلۋدا.

«بيزنەستىڭ جول كارتاسى-2020» باعدارلاماسىن جۇزەگە اسىرۋ باعىتىنداعى جۇمىس تا قارقىندى جۇرگىزىلىپ، سونىڭ ناتيجەسىندە شاعىن جانە ورتا كاسىپكەرلىك سۋبەكتىلەرىنىڭ قاتارى ۇلعايا تۇسۋدە. جىل باسىنان بەرى بۇل كورسەتكىش 23 پايىزعا كوبەيگەن. «نۇرلى جول» باعدارلاماسىن جۇزەگە اسىرۋ شەڭبەرىندە قۇنى 4 ميلليارد تەڭگەنىڭ 16 جوباسىن جۇزەگە اسىرۋ كوزدەلىپ وتىر. «جۇمىسپەن قامتۋدىڭ جول كارتاسى-2020» باعدارلاماسىنا بولىنگەن 6،4 ميلليارد تەڭگە قارجى دا تولىق كولەمىندە يگەرىلدى. بۇدان ٴارى وبلىس باسشىسى ەلباسىن اگرارلى ايماقتاعى قازىرگى اسا ماڭىزدى ناۋقان – ەگىن وراعىنىڭ بارىسىنان جان-جاقتى حاباردار ەتتى. بۇگىنگى كۇنگە دەيىن وبلىس شارۋاشىلىقتارى 3،6 ميلليون گەكتاردىڭ استىعىن باستىرعان. بۇل – بارلىق ەگىس القابىنىڭ 82 پايىزى. ٴار گەكتاردىڭ شىعىمى ورتاشا ەسەپپەن 13 سەنتنەردەن اينالۋدا.

كەزدەسۋ بارىسىندا ارشالى اۋدانىنداعى «يجەۆسكيي» وندىرىستىك كووپەراتيۆىنىڭ ديرەكتورى، سوسياليستىك ەڭبەك ەرى يبراگيم جانعورازوۆ تا ٴسوز الدى. ال، بوكستان ايەلدەر اراسىنداعى الەم چەمپيونى دينا جولامان ٴوز ٴسوزىن برازيلياداعى جازعى وليمپيادا ويىندارىندا جەڭىسكە جەتكەن وتانداستارىمىزدىڭ سپورتتاعى ەرلىگىنە ارنادى جانە ٴوزىنىڭ الەم چەمپيوناتىندا جەڭىس تۇعىرىنا كوتەرىلىپ، كوك تۋىمىزدى كوككە اسقاقتاتقاندا باسىنان كەشكەن تولعانىستى سەزىمىمەن ٴبولىستى.

كەزدەسۋ سوڭىندا مەملەكەت باسشىسى تاۋەلسىز قازاقستاننىڭ وتكەن 25 جىل ىشىندە بارلىق قيىندىقتاردى جەڭىپ، دامۋدىڭ جارقىن جولىنا تۇسكەندىگىن، مۇنىڭ ٴبارى حالىقتىڭ، سونىڭ ىشىندە اقمولا وبلىسى تۇرعىندارىنىڭ دا اۋىزبىرلىگى مەن جاسامپاز ەڭبەگىنىڭ ارقاسىندا قول جەتكەن جەتىستىك ەكەندىگىن اتاپ ٴوتتى. بيىلعىداي مەرەكەلى جىلى وڭىردە اتقارىلىپ جاتقان يگى ىستەرگە ٴوز ريزاشىلىعىن ٴبىلدىرىپ، وسى جولدا جاڭا تابىستار تىلەدى.

(«ارقا اجارى» گازەتىنەن).


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي