BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەمدەۋ-ساۋىقتىرۋ ورتالىعى اشىلدى

وڭىرىمىزدە جەكە كاسىپپەن اينالىسىپ، ونى ٴوربىتىپ وتىرعان ازاماتتار سانى جىلدان-جىلعا ارتىپ كەلەدى. بۇل دەگەنىمىز - ەلباسى جولداۋىندا كورسەتىلگەن شاعىن جانە ورتا بيزنەستىڭ دامۋىنا حالىق بولىپ قولداۋ كورسەتىپ، ونىڭ ناتيجەلى جۇزەگە اسۋىنا اتسالىسىپ جاتقاندىعىنىڭ دالەلى. سونىڭ جارقىن كورىنىسى وتكەن اپتادا شۋ قالاسىندا «سيلۋەت» ەمدەۋ-ساۋىقتىرۋ ورتالىعىنىڭ اشىلۋى بولدى (سۋرەتتە). اتى ايتىپ تۇرعانداي، ادام دەنساۋلىعىن نىعايتۋعا، ساۋىقتىرۋعا قىزمەت كورسەتەتىن ورتالىق تەك تابىس تابۋ ٴۇشىن ەمەس، حالىققا پايداسىن تيگىزۋ ٴۇشىن اشىلىپ وتىرعانى بەلگىلى. ورتالىق باۋىرجان سامبەكوۆ پەن ونىڭ جۇبايى، جەكە كاسىپكەر، «اتامەكەن» كاسىپكەرلەر پالاتاسى جانىنداعى ىسكەر ايەلدەر كەڭەسىنىڭ مۇشەسى داريعا المۇحانبەتوۆانىڭ وتباسىلىق كاسىبىنە اينالماقشى. بۇعان دەيىن دە كاسىپپەن اينالىپ كەلگەن بۇل وتباسىنىڭ كاسىبى بۇگىندە ۇلعايۋدا.

اشىلۋ سالتاناتىندا قالالىق مادەنيەت ٴۇيىنىڭ قىزمەتكەرلەرى شاعىن سازدى باعدارلاما ۇيىمداستىردى. قازىعى وتكەن جىلى قاعىلعان ورتالىق ٴبىر جىل ۋاقىت ىشىندە اياقتالىپ، ٴقازىر كەلۋشىلەرگە قىزمەت كورسەتۋگە دايار. مۇنداعى سۋ جاڭا قۇرىلعىلاردىڭ بارلىعى شەتەلدەن جانە ٴوز ەلىمىزدەن اكەلىنگەن. ەكى قاباتتى عيمارات ىشىندە ەمدەۋ مەن ساۋىقتىرۋدىڭ بىرنەشە ٴتۇرى جۇرگىزىلەدى. اتاپ ايتقاندا، ٴتىستى ەمدەۋدىڭ بارلىق تەحنيكاسىن وسى جەردەن جاساتۋعا مۇمكىندىك بار. ياعني، ەمدەلۋشى ٴتىسىن جۇلدىرىپ، سالدىرىپ، تۇزەتە الادى. سونداي-اق، دەنەنى شىنىقتىرۋدان بولەك، جۇرەك اۋرۋلارىنىڭ الدىن الۋعا، بۇلشىقەتتەردى نىعايتۋعا ارنالعان سپورتتىق زاماناۋي قۇرىلعىلار بار. مىسالى، جۇگىرۋ جولاعى جۇرەكتىڭ دۇرىس سوعۋىنا، ٴتيىمدى جۇمىس جاساۋىنا كومەكتەسسە، ەللەپتيكالىق جاتتىقتىرۋ قۇرالدارى تابان مەن توبىق اراسىنداعى، يىق پەن شىنتاق اراسىنداعى، تاعى دا باسقا بۇلشىقەتتەردى نىعايتىپ، قالىپقا كەلتىرۋگە ۇلكەن سەپتىگىن تيگىزەدى. بۇلار ەر ادامدارمەن قاتار، ايەل ادامدارعا دا قىزمەت كورسەتە الادى. كەلۋشىلەر ٴۇشىن جۋىنۋ بولمەسى مەن كۇتۋ زالدارى دا قاراستىرىلعان. سونداي-اق، مۇندا قىز-كەلىنشەكتەرگە ارنالعان سۇلۋلىق سالونى بار. ونىڭ ىشىندە شاشتاراز، قول مەن اياقتىڭ تىرناقتارىن ساندەۋ، بەت-الپەتتى بوياۋ، ماسساج جاساۋ سىندى سان ٴتۇرلى قىزمەت تۇرلەرى ۇسىنىلادى. بارلىعىندا جوعارى دارەجەلى ٴبىلىمى بار ارنايى ماماندار جۇمىس جاسايدى. جالپى العاندا 25 شاقتى ادام جۇمىسپەن قامتىلماقشى. بۇدان بولەك، لابوروتوريالىق جۇمىستار دا جاسالىنادى. قالالىق كاسىپكەرلەر پالاتاسى جەر راسىمدەۋ بويىنشا جانە باسقا دا كەدەرگىلەردىڭ الدىن الۋعا كەڭەس بەرەدى. ارزان ٴارى ساپالى قىزمەت كورسەتىلەتىن ورتالىققا الداعى ۋاقىتتا كەلۋشىلەردىڭ قاراسى قالىڭ بولاتىنى ٴسوزسىز.

ب.جەكسەنبەكقىزى. سۋرەت اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي