BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو -دا ديزەلدى وتىن تاپشىلىعى قاشان جويىلادى؟

فوتو: www.almaty.tv

قازاقستاندا تامىز ايىنىڭ سوڭىنان باستاپ ديزەلدى وتىننىڭ قۇنى ەركىن اعىنعا جىبەرىلدى.

بۇل وتىن ٴتۇرىنىڭ قۇنى ەندى مەملەكەت تاراپىنان باقىلانبايدى، ياعني، ونىڭ باعاسىن جقس وزدەرى بەلگىلەيدى. بۇعان دەيىن ٴبىلىنىپ كەلگەن ديزەلدى وتىننىڭ تاپشىلىعىنا بۇل جاڭالىق "جىعىلعانعا جۇدىرىقتىڭ" اسەرىندەي بولعان سىڭايلى. - باعانىڭ بۇلاي شارىقتاۋىن جانارماي قۇيۋشىلار ديزەلدى وتىننىڭ تاپشىلىعىمەن تۇسىندىرۋدە. ال تاپشىلىق باياعى پاۆلودار حيميا- مۇناي زاۋىتىنىڭ جوندەۋ جۇمىستارىمەن بايلانىستى. باعانى ەركىندىككە جىبەرىپ وتىرعاننان كەيىن ادەيى كوتەرەدى. ٴبىزدىڭ شەمىشكەلەرىمىز، شابىلعان شوپتەرىمىز سونىڭ كەسىرىنەن جينالماي جاتىر، - دەپ شاعىمداندى شارۋالاردىڭ ٴبىرى. قازىرگى ۋاقىتتا ديزەلدى وتىن تاپشىلىعى ونىڭ باعاسىنىڭ وسۋىمەن دالمە-دال كەلىپ قالدى. 115 تەڭگەدەن، ەڭ تومەن دەگەنى 121 تەڭگەگە، ال كەيبىر جانارماي بەكەتتەرىندە ليترىنە 165 تەڭگە سۇراپ وتىر.

- ديزەل وتىنىنىڭ تاپشىلىعى ونىڭ ساۋداسىنداعى جاعدايلارمەن بايلانىستى ەمەس. مەملەكەتتىڭ جانار- جاعارماي باعاسىن ەركىن اعىنعا قويا بەرگەندىكتەن باعا ٴوستى. ٴبىراق قالامىزدا ديزەل 165 تەڭگەدەن ساتىلىپ جاتىر دەگەن كورسەتكىشى بايقالعان جوق. دەگەنمەن، 140-149 تەڭگەگە دەيىنگى ٴوسىم بايقالدى، بۇل جاعدايلارمەن جۇمىس ىستەۋدەمىز، - دەدى وسكەمەن قالاسى اكىمىنىڭ ورىنباسارى ارمان ىسقاقوۆ. شىعىس قازاقستان وبلىسىنا "پاۆلودار مۇناي-حيميا زاۋىتى" جشس نەمەسە "شىمكەنت مۇناي وڭدەۋ زاۋىتى" جشس ارقىلى اي سايىن وبلىستىڭ ورتا قاجەتتىلىگىنە 20% ديزەل وتىنى بولىنەدى ەكەن. - وبلىستىڭ ديزەل وتىنىنا اي سايىنعى ورتاشا قاجەتتىلىگى - 16 500 توننا. مۇناي ونىمدەرىنىڭ بولشەك تاراتۋشىلارىنىڭ مالىمەتتەرىنە قاراعاندا، بولىنەتىن كولەم ٴبىر اپتاعا عانا جەتەدى. بولشەك تاراتۋشىلار ٴوز قىزمەتتەرىن قامتاماسىز ەتۋ ٴۇشىن ديزەل وتىنىنىڭ قوسىمشا كولەمىن ەركىن نارىقتان ساتىپ الادى. ودان باسقا، قالالار مەن اۋدان اكىمدىكتەرى جقس وپەراتورلارىمەن ٴوتىنىمدى بەرۋ، بولىنگەن كولەمدى تولەۋ جانە شىعارۋ مونيتورينگىسىن جۇرگىزەدى، - دەيدى شىعىس قازاقستان وبلىسىنىڭ كاسىپكەرلىك جانە يندۋستريالىق- يننوۆاسيالىق دامۋ باسقارماسى باسشىسىنىڭ مىندەتىن اتقارۋشى ماقسات مۋساپيربەكوۆ. ديزەل وتىنىنىڭ تاپشىلىعى اۋىلشارۋاشىلىعى سالاسىنا عانا ەمەس، قوعامدىق كولىكتەردىڭ قوزعالىسىنا دا وزىندىك كەدەرگىسىن تيگىزدى.

اكىمدىكتە بۇل كەيبىر تاسىمالداۋشىلاردىڭ جانارماي ستانسيالارىمەن ۇزاق مەرزىمدى كەلىسىمشارتقا كەلمەۋىنەن دەپ وتىر. - اكىمدىكتىڭ اتىنان جاعدايدىڭ باقىلانىپ وتىرعانىن ايتا كەتكىم كەلەدى، - دەپ سەندىردى ارمان ىسقاقوۆ. - بىزدە "گەليوس"، "قازمۇنايگاز" جانە "سينويل" جانارماي بەكەتتەرىمەن جولاۋشىلار اۆتوترانسپورتى ٴبىرىنشى كە- زەكتە قامتاماسىز ەتىلەدى دەگەن كەلىسىمشارت بار. جقس جۇيەلەرى اۆتوتاسىمالداۋشىلارعا قاجەتتى جانار-جاعارمايدىڭ كولەمىن بەلگىلەيدى، سوندىقتان قالا اۆ- توبۋستارى توقتايدى دەگەن سۇراق تۋىنداماۋى كەرەك. ديزەل جانارماي ستانسيا- لارىنىڭ بارلىعىندا ساتىلماسا دا، ونى جەكەلەي ساتىپ الۋعا بولادى. ال نەگىزىنەن ٴقازىر ولار تەك تالونمەن بەرىلىپ جاتىر. ديزەلدى وتىننىڭ كوپتەگەن سالالارعا تىكەلەي ماڭىزى بارىن ايتپاساق تا بولادى.

سونىڭ ٴبىرى - اۋىلشارۋاشىلىق سالالارى. شىعىس قازاقستان وبلىسى اۋىلشارۋاشىلىق باسقارماسىنىڭ اقپاراتىنا سەنسەك، 2016 جىلدىڭ 3 قازانىنا دەيىن كۇزگى ەگىن جيناۋ جۇمىستارىنا بولىنگەن ديزەل وتىنىنىڭ 24 مىڭ تونناسى ٴۇشىن اقىسى تولەنىپ، 17 مىڭ تونناسى جەتكىزىلدى. اكىم ورىنباسارىنىڭ ايتۋىنشا، اۆتوپاركتەردىڭ 25 مىڭ ليتر كولەمىندەگى ديزەلدى وتىنى، جولاۋشىلاردى دۇيسەنبىگە دەيىن تاسىمالداۋعا جەتەدى، ال كەيبىرىنە بىرنەشە كۇنگە ارتىق جەتەدى. "گەليوس" جقس جەلىسى بۇگىنگى كۇنى جەتى ۆاگون ديزەلدى وتىن الدى، "سينويل" مەن "قازمۇنايگازعا" دا كوپ ۇزاماي جەتكىزىلەدى ەكەن. - جانار-جاعارماي جاعدايى پاۆلودار حيميا-مۇناي زاۋىتىنىڭ جوندەۋ جۇمىستارىمەن تىكەلەي بايلانىستى. جوندەۋ جۇمىستارى اياقتالدى، ٴبىراق مۇنايدىڭ تەحنولوگيالىق ايدالۋىن، جانار- جاعارمايدى تاسۋدى ىڭعايلاۋدى ەسەپكە الا وتىرىپ، كەلەسى اپتادان باستاپ ونىڭ تاسىمالى باستالادى. ال ٴۇزىلىسسىز جۇمىستى قازان ايىنىڭ ورتاسىنان باستاپ جۇرگىزەمىز، - دەپ اتاپ ٴوتتى قالا اكىمىنىڭ ورىنباسارى ارمان ىسقاقوۆ.

ايدوس الماس ۇلى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي