BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەرەشەگىڭىز بولسا، جىلۋ كۇتپەڭىز...

سەنبى، 24 قىركۇيەك كۇنى سەمەي قالاسىنىڭ اكىمى ەرماك ٴسالىموۆ شاھاردىڭ وڭ جاق جاعالاۋىنداعى جاماقايەۆ كوشەسى، 219 جانە 219 «ا» مەكەنجايىنداعى كوپ قاباتتى تۇرعىن ٴۇيدىڭ تۇرعىندارىمەن كەزدەستى. ٴقازىر اتالمىش ۇيدەگى تۇرعىنداردىڭ «تەپلوكوم- مۋنەنەرگو» مەكەمەسىنىڭ الدىنداعى جىلۋعا قارىزى 2 ملن. 744 مىڭ تەڭگە. قىس بولسا قىر استىندا، ال تۇرعىنداردىڭ قارىزدارىن جابۋعا اسىعاتىن تۇرلەرى جوق.

بەلگىلى بولعانداي، جاماقايەۆ كوشەسى، 219 مەكەنجايىندا ورنالاسقان تۇرعىن ۇيدەگى 56 پاتەردىڭ ىشىنەن 25 ابونەنتتىڭ جىلۋعا بەرەشەگى 994 981 تەڭگەنى قۇراپتى. ال جاماقايەۆ كوشەسى، 219 «ا» كوپ قاباتتى تۇرعىن ۇيدەگى 58 پاتەردىڭ 25 ابونەنتى جىلۋعا 1 ملن. تەڭگەنىڭ ۇستىندە قارازى بار. بۇعان قوسا وسى ماڭداعى قابانباي باتىر كوشەسى، 164، 166 مەكەنجايىنداعى كوپ قاباتتى تۇرعىن ٴۇي يەلەرىنىڭ جىلۋ بەرەشەگى 800 مىڭ تەڭگەگە جۋىقتاعان. ەگەر دە اتالمىش اۋدان تۇرعىندارى كوممۋنالدىق قىزمەت اقىسىن دەر كەزىندە وتەمەسە، وندا ولار جىلۋدان اجىراتىلۋى ىقتيمال ەكەندىگىن اتاپ ٴوتتى قۇزىرلى ورگان ماماندارى. مۇنداعى تۇرعىنداردىڭ دەنى پاتەر جالداۋشىلار بولعاندىقتان، ماسەلەنىڭ ٴبارى پاتەردى جالعا بەرۋشىلەردە بولىپ تۇر دەيدى جينالعاندار. سونىمەن قاتار جاماقايەۆ كوشەسىندەگى قوس ۇيدە جەرگىلىكتى ٴوزىن-وزى باسقارۋ جۇيەسى مۇلدەم جوق ەكەنى انىق بولدى. ال بۇل جەردىڭ سانيتارلىق كەلبەتى كورگەن كوزگە ايتپاسا دا تۇسىنىكتى. كۇل-قوقىسقا تولى بالالار الاڭقايى – بۇل وسى اۋداننىڭ بۇگىنگى كورىنىسى. ويىن الاڭى دەمەكشى، مۇنداعى بەلتەمىرگە ويىن بالاسى تۇگىل، ەرەسەكتەردىڭ ٴوزى جاقىنداۋعا جۇرەكسىنەدى. دەسە دە تۇرعىنداردىڭ باستى بازىناسى جىلۋدىڭ قىرۋار قارىزى بولىپ تۇر. ەندى بەرەشەككە بەلشەدەن باتقان بۇقارا ماسەلەنىڭ ٴتۇيىنىن تارقاتۋدى قالا بيلىگىنەن سۇراۋدا. كەزدەسۋ بارىسىندا ٴتيىستى اقپاراتقا قانىق بولعان شاھار باسشىسى كۇرمەۋلى ماسەلەنى كەشەندى تۇردە شەشۋ كەرەكتىگىن جەتكىزىپ، بورىشكەرلەرگە قاتاڭ شارالار قولدانىلاتىنىن مالىمدەدى.

- بۇل قالامىز بويىنشا ەڭ پروبلەمالى اۋدانداردىڭ ٴبىرى بولىپ سانالادى. ال جىلۋ، وزدەرىڭىز بىلەتىندەي، ٴدال ۋاقىتىندا بەرىلدى. بۇگىن ٴبىز ولارمەن كەزدەسىپ، ٴوزىمىزدىڭ ۇستانىمىمىزدى بىلدىردىك. جالپى، سەمەيدىڭ جىلۋعا بەرەشەگى 1 ملرد. 38 ملن. تەڭگە كولەمىندە بولعان. كوكتەمنەن بەرى وسى باعىتتاعى جۇمىستى شيراتا ٴتۇسۋىمىزدىڭ ناتيجەسىندە بۇل كورسەتكىش ٴبىرشاما ازايدى. الايدا سول قارىزدىڭ ٴبىراز بولىگى وسى اۋدانداعى تۇرعىن ۇيلەرگە تيەسىلى. تۇرعىندار قارىزىن ماقساتتى تۇردە تولەمەي، بيىل دا، ادەتتەگىدەي، جىلۋعا دەر كەزىندە قوسىلاتىندىقتارىنا سەنىمدى بولسا، وندا ولار قاتتى قاتەلەسەدى. ٴبىز حالىققا ناقتى جەتكىزدىك. ەگەر كوممۋنالدى قىزمەتتەردىڭ بەرەشەگى وتەلسە، بارلىعى ويداعىداي بولادى. ولاي بولماعان جاعدايدا، جىلۋ قۋاتى بەرىلمەيدى. كەزدەسۋ كەزىندە، جىلۋدان بولەك، تۇرمىستىق قالدىقتار مەن اۋداننىڭ سانيتارلىق تازالىعىنا قاتىستى كوپتەگەن سۇراقتار كوتەرىلدى. ول بويىنشا جەرگىلىكتى پوليسيانى جانە وزگە دە جاۋاپتى ورگانداردى بۇل جۇمىستارعا قوسۋدى كوزدەپ وتىرمىز. ٴبىر جۇمادان كەيىن اتقارىلعان ىستەردى باعامدايتىن بولامىز،- دەپ ناقتىلادى ەرماك بيداحمەت ۇلى.

جاقسىلىق مۇراتقالي ۇلى،

«سەمەي تاڭى»


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي