BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەرەكەسى ارتقان بەسقاراعاي

وتكەن اپتا سوڭىندا شىعىس قازاقستان وبلىسىنىڭ اكىمى دانيال احمەتوۆ بەسقاراعاي اۋدانىنا ارنايى جۇمىس ساپارىمەن باردى. ايماق باسشىسىن بەرەكەلى بەسقاراعاي اۋدانىندا اتقارالىپ جاتقان جۇمىستارمەن اۋدان اكىمى نۇرجان توقسەيىتوۆ جان – جاقتى تانىستىردى.

دانيال احمەتوۆ جۇمىس ساپارىن اعىمداعى جىلدان باستاپ جالعا جەر الىپ، قارقىندى دالا جۇمىسىن قولعا العان شەتەل ينۆەستورلارى «long xin» جشس – ٴنىڭ جۇمىسىمەن تانىسۋدان باستادى. بەسقاراعاي اۋدانىنىڭ سالىق ٴتۇسىمىن ارتتىرۋ ماقساتىندا تىركەلگەن «long xin» ٴجشس-نىڭ نەگىزگى جوسپارى - مايلى داقىلدار ٴوسىرىپ، شەتەلگە ەكسپورتتاۋ. ەگىستىك القابىنا ايالداعان وبلىس اكىمىنە سەرىكتەستىكتىڭ وكىلى سيۋ پين مەن بريگادير اقاي جولتاي ٴوز جۇمىستارىن تانىستىردى. قاراباس اۋىلدىق وكرۋگىنىڭ قاراماعىنان 14 750 گەكتار جەر تەلىمىن جالعا العان قىتاي ينۆەستورلارى بۇل جەرلەرگە قاربىز، اسقاباق، كۇنباعىس جانە ەكى ٴتۇرلى (قىزىل جانە جاسىل) بۇرشاق تۇقىمداس سويا وسىمدىگىن ەگىپتى.

«جاز بويعى ەڭبەكتىڭ ناتيجەسىنە اسقاباقتان گەكتارىنا 1 توننا، كۇنباعىستان گەكتارىنا 1،5 توننا، قاربىزدان گەكتارىنا 5 سەنتنەردەن ٴونىم جينادىق. 2 300 گەكتار جەرگە ەگىلگەن سويانى جيناۋدى ەندى قولعا الامىز. كەلەر جىلى قايتا وڭدەيتىن زاۋىت سالۋ، قوسىمشا تەحنيكالار اكەلۋ سياقتى ماسەلەلەردىڭ بارلىعىن شەشۋ جاعىن قاراستىرۋ جوسپارىمىزدا»،- دەيدى سەرىكتەستىك وكىلى سيۋ پين. ٴقازىر مۇندا تۇراقتى 44 ادام جۇمىس ىستەسە، مەرزىمدىك كەزەڭدە ولاردىڭ سانى 200–گە جۋىقتايدى ەكەن. ورتاشا ەڭبەكاقى 60 مىڭ تەڭگەنى قۇرايدى. وسى رەتتە دانيال كەنجەتاي ۇلى شەتەل ينۆەستورلارىن اۋدانعا تارتا بىلگەن اۋدان اكىمىنىڭ جۇمىسىن وڭ باعالادى. ايماق باسشىسى، قر جەر كودەكسىنە سايكەس، زاڭعا قايشى ەشقانداي ارەكەت جاسالماۋى قاجەتتىگىن، جەردى كۇتىپ-باپتاۋعا، زالالسىزداندىرۋعا قاتىستى كەرەك – جاراقتار تەك قازاقستاننان الىنۋى قاجەتتىگىن دە قاتاڭ ەسكەرتتى.

وبلىس اكىمى وسىدان كەيىن اۋدان ورتالىعىنداعى بەسقاراعاي كوللەدجىنە باردى. كوللەدج ديرەكتورىنىڭ ورىنباسارى ۆ.ە.لاپا وقۋ كابينەتتەرىمەن، جول ەرەجەلەرىن جەڭىل مەڭگەرتۋدىڭ ادىستەرىمەن، سپورت زالىمەن تانىستىرىپ، وقۋ ورنىندا قانداي ماماندار دايىندالاتىنىن بايانداپ بەردى. وبلىس اكىمى وسى ورايدا ٴبىرقاتار ٴوزىنىڭ ۇسىنىستارىن ايتتى. 420 وقۋشىعا ارنالعان كوللەدجدە، بۇگىنگى كۇنى دايىندالىپ جاتقان ماماندارعا قوسىمشا، ورمانشى، دانەكەرلەۋشى، ەلەكتريك سىندى اۋىل شارۋاشىلىعىندا قاشاندا سۇرانىسقا يە مامانداردى دايارلاۋ قاجەتتىگىن اتاپ ٴوتتى. سونىمەن قاتار وسى باعىتتا اۋدان اكىمىنە تالداۋ، ساراپتاۋ جۇمىسىن جۇرگىزۋدى تاپسىردى. بۇل كۇنى بەسقاراعايدىڭ برەندىنە اينالعان، ۇلت پەن ۇلىستىڭ باسىن بىرىكتىرگەن، دوستىق پەن بەيبىتشىلىكتىڭ قۇت مەكەنىنە اينالعان دوستىق ٴۇيىنىڭ ۇجىمى وبلىس اكىمىنىڭ كەلۋىن اسىعا كۇتكەن ەدى. دانيال احمەتوۆ دوستىق ۇيىندەگى مۇراجاي جۇمىسىنا قانىقتى. وسى جەردە اۋداندىق ەتنومادەني بىرلەستىكتەردىڭ وكىلدەرىمەن جۇزدەستى. سونىمەن قاتار جەكە سۇراقتارىمەن كەلگەن اۋدان تۇرعىندارى دوستىق ۇيىندە وبلىس باسشىسىنىڭ قابىلداۋىندا بولدى. قابىلداۋ بارىسىندا اۋداننىڭ قۇرمەتتى ازاماتى ۆ.كوزينسكيي اۋدان اۋماعىندا ورنالاسقان ورمانشىلىقتاردا بىلىكتى كادرلاردىڭ جەتىسپەيتىندىگىن ايتىپ، ورمانشىلارعا جاڭادان تۇرعىن ۇيلەر سالۋ قاجەتتىگىن ەسكەرتتى، سونىمەن بىرگە اۋىلداردا ناعىز ەڭبەك ادامدارىنا كورسەتىلگەن قۇرمەت رەتىندە ەسكەرتكىشتەر ورناتىلسا دەگەن ۇسىنىسىن دا ٴبىلدىردى. ال اۋداندىق «نۇر وتان» پارتياسى فيليالى ٴتوراعاسىنىڭ ٴبىرىنشى ورىنباسارى ب.وماروۆ قويانباي اۋىلى باعىتىنداعى اۋداننىڭ نەمەسە وبلىستىڭ قاراماعىنا ەنبەگەن تاس جول ارقىلى اۋىر سالماقتاعى جۇك كولىكتەرى ۇزدىكسىز وتەتىنى جايىندا قىنجىلىس بىلدىرسە، م.ابىلعازينوۆا دولون اۋىلىندا بالالاردى ساۋىقتىرۋ لاگەرىن سالۋعا قولداۋ كورسەتىلسە دەگەن تىلەگىن ٴبىلدىردى. بارلىق سۇراقتاردى باقىلاۋىنا العان ايماق باسشىسى ەڭبەك ادامىنا دەگەن قۇرمەت قاشاندا جوعارى بولۋ كەرەكتىگىن قۇپتاپ، ولارعا ەسكەرتكىش ورناتۋ ۇرپاق تاربيەسى ٴۇشىن دە ماعىناسى زور ٴىس ەكەنىن اتاپ ٴوتتى. ال بالالاردى ساۋىقتىرۋ لاگەرىن سالۋ تۋرالى ۇسىنىسقا بايلانىستى قۇرعاق ۋادە بەرۋدى ٴجون سانامايتىنىن ايتىپ، بۇل ورايدا وبلىس قاراماعىنداعى لاگەرلەردەن بەسقاراعاي اۋدانىنىڭ بالالارىنا كۆوتا ٴبولۋدى قاراستىرۋدى جاۋاپتى تۇلعالارعا تاپسىردى.

كەلەسى كەزەكتە وبلىس اكىمى گلۋحوۆكا اۋىلدىق وكرۋگىنە ايالدادى. مۇندا دانيال كەنجەتاي ۇلى ٴسۇت – تاۋارلى فەرما اشىپ، انالىق باستى 600-گە جەتكىزۋدى كوزدەگەن “بالكە» شارۋا قوجالىعىنىڭ باسشىسى ورالبەك توقاشەۆتىڭ وتكەن جىلدان بەرى اتقارعان اۋقىمدى جۇمىستارىمەن تانىستى. مال شارۋاشىلىعىمەن قاتار، باقشا داقىلدارىن ٴوسىرۋدى مىقتاپ قولعا العان ازاماتتىڭ ەڭبەكقورلىعى ەسكەرۋسىز قالمادى. شەتەلدەن شارۋاشىلىققا قاجەتتى تەحنيكالار الىپ، تامشىلاتىپ سۋارۋدان جاڭبىرلاتىپ سۋارۋعا كوشكەن شارۋاشىلىقتىڭ بولاشاعى دا زور ەكەنى ٴسوزسىز. ٴوز ونىمدەرىنەن شاعىن كورمە ۇيىمداستىرىپ، العا قويعان جوسپارلارىمەن بولىسكەن ورالبەك توقاشەۆتىڭ وبلىس اكىمىنە ايتار ٴوتىنىشى دە بار ەكەن. ٴسۇت-تاۋارلى فەرماسىنا ەلەكتر جۇيەسى مەن سۋ جەلىسى قاجەتتىگىن، ول ٴۇشىن جوبالاۋ - سمەتالىق قۇجاتتاما دا دايىن ەكەنىن، كوزدەگەن ماقساتتى جۇزەگە اسىرۋ ٴۇشىن شامامەن 75 ملن. تەڭگە قاراجات قاجەت بولاتىنىن اشىق ايتتى. ەڭبەكقور ازاماتتىڭ باستاماسىن تولىقتاي قولدايتىنىن جەتكىزگەن وبلىس اكىمى د.احمەتوۆ قاجەتتى قاراجاتتى كەلەر جىلى قاراستىراتىنىن اتاپ ٴوتتى. سونىمەن قاتار اۋدانىمىزدا ٴبىرشاما جىلدان بەرى اۋقىمدى جۇمىس اتقارىپ، سەمەي قالاسىن تابيعي تازا ونىممەن قامتاماسىز ەتىپ وتىرعان «قاليحان ۇلى» شارۋا قوجالىعىمەن، كريۆينكا اۋىلىنان 600 باسقا ارنالعان ٴسۇت-تاۋارلى فەرما اشۋدى جوسپارلاعان «لەۆانتەر» جشس ۇسىنعان جوبامەن تانىستى. بۇدان سوڭ وبلىس اكىمى جۋىردا عانا اشىلعان 200 ورىنعا ارنالعان «ەلىم-اي» ساۋىقتىرۋ دەمالىس بازاسىمەن تانىستى. قاراعايلى ورماننىڭ قاق ورتاسىندا ورنالاسىپ، جوعارى تالعاممەن سالىنعان بازا - ٴتۋريزمدى وركەندەتۋگە باعىتتالعان دەمالۋعا تاپتىرماس مەكەن.

سونداي-اق ايماق باسشىسىنىڭ بەسقاراعاي اۋدانىنداعى جۇمىس ساپارى قۇرىلىس جۇمىستارى جۇرگىزىلىپ جاتقان «ەكى دوس» جشس سپورتتىق – ساۋىقتىرۋ، پانتو-بالشىقپەن ەمدەۋ كەشەنىندە قورىتىندىلاندى.

وبلىس اكىمى بەسقاراعاي اۋدانىنا جاساعان جۇمىس ساپارى جاعىمدى جاڭالىققا تولى بولعانىن، اۋداندا اتقارىلعان اۋقىمدى ىستەردىڭ جۇزەگە اسۋى ەڭ الدىمەن اۋدان باسشىسى ن.توقسەيىتوۆتىڭ دۇرىس باعىتتا جۇمىس جۇرگىزە الاتىندىعىمەن بايلانىستىردى. بارلىق تىڭ باستامالاردى قاشاندا قولدايتىندىعىن جەتكىزگەن دانيال احمەتوۆ اۋدان ەكونوميكاسىنىڭ وركەندەپ وسۋىنە تىلەكتەستىگىن ٴبىلدىرىپ، اۋدان اكىمىنىڭ جۇمىسىنا وڭ باعاسىن بەردى.

اسەل قاسىمعوجينا، «سەمەي تاڭى»


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي