BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتا-انالار بالالارىنا ەكپە جاساتپاۋدا

اقجايىق اۋدانىنىڭ ورتالىعى-چاپايەۆتا «ۇلتتىق تاربيە-ۇلت بولاشاعى» اتتى «دوڭگەلەك ۇستەل» ٴوتتى. سوناۋ زاماننان بەرى جۇرتىمىزعا سەرىك بولعان ٴسالت-داستۇردى ساقتاۋ، بارشا مويىنداعان قۇندىلىقتاردى قاستەرلەۋ جايىندا اڭگىمەلەندى. جاستاردىڭ ٴوز ٴداستۇرىن قادىرلەپ، قولدانا ٴبىلۋى، ۇلتجاندى تۇلعا بولىپ قالىپتاسۋى ٴۇشىن رۋحاني بايۋى تۋرالى جان-جاقتى ايتىلدى.

باس قوسۋدا بوتەن ٴدىني اعىمدا جۇرگەن وتباسىلارداعى اكە-شەشەلەردىڭ بالالارىنا ٴتيىستى مەديسينالىق ەكپە جاساتپاۋى، ٴداستۇرلى مەكتەپ كيىمىنەن باس تارتۋىنا بايلانىستى الاڭداتار تۇيىندەر ورتاعا سالىندى.

-وقۋ ورداسىندا الەۋمەتتىك وزگەشەلىكتەردى بولدىرماۋ، ياعني بىركەلكى مەكتەپ فورماسىن ساقتاۋدىڭ ماڭىزى قانداي ەكەنىن ايتىپ جاتۋ ارتىق. ال ٴتۇرلى اۋرۋدىڭ الدىن الۋدا عىلىمي دا، كۇندەلىكتى ومىردە دە پايداسى دالەلدەنگەن ەكپەلەردى بالالار مەزگىلىندە العان ابزال.. سونىڭ ٴبارىنىڭ سايىپ كەلگەندە، ۇل-قىزدىڭ ەش كەدەرگىسىز ٴبىلىم الۋى جانە دەنساۋلىعى ويداعىداي بولۋى ٴۇشىن ماڭىزى ەرەك،- دەدى ىشكى ساياسات ٴبولىمىنىڭ باسشىسى تىلەك عابدۋشەۆ.

اۋداندىق ورتالىق اۋرۋحانانىڭ قىزمەتكەرى ارايگۇل جۇماحمەتوۆا مەديسينالىق ەكپەلەردىڭ پايداسى مەن ٴتۇرلى كەسەلدەرمەن كۇرەسۋ جولدارى جايىندا باياندادى. مىسالى، ەكپەنىڭ تۋبەركۋلەز، كۇل كەسەلدەرى،قىزىلشا، شەشەك سياقتى ٴقاۋىپتى اۋرۋلاردان قورعاپ، يممۋنيتەتتى كۇشەيتۋدە ٴتيىستى ەكپەلەردىڭ ورنى زور.وكىنىشكە قاراي،اۋدانىمىز بويىنشا 54 بالا ٴتيىستى ەكپە الماعان. سوندىقتان تۇسىنىك جۇمىسىن ودان ٴارى تەرەڭدەتۋ حاقىندا ماجىلىستە قام-قارەكەتتەر بەلگىلەندى.

اسىل ٴدىنىمىز يسلام ادامنىڭ ساۋلىعى ٴۇشىن جالپى جۇرت مويىنداعان ەكپەلەرگە ەشقانداي تىيىم سالمايدى، قايتا كەڭىنەن قۇپتايدى. وسى ورايدا «دوڭگەلەك ۇستەلدە» اۋداندىق ٴبىلىم ٴبولىمىنىڭ باسشىسى مەرەكە زيناليەۆ ٴوزىنىڭ وي-تولعامدارىن ورتاعا سالدى. بقو ٴدىن ماسەلەرىن زەرتتەۋ ورتالىعىنىڭ تەولوگ-مامانى ناۋرىز ۋبايەۆ، اۋدان پروكۋرورىنىڭ ورىنباسارى ەرلان جاڭبىرباي، ىشكى ىستەر ٴبولىمى باسشىسىنىڭ ورىنباسارى قايرات حاسەنوۆ، «تانىم» دەسترۋكتيۆتىك ٴدىني اعىمداردان قورعاۋ جانە كومەك ورتالىعى قوعامدىق بىرلەستىگىنىڭ ٴتوراعاسى قۇرمان بيسەعاليەۆ، چاپايەۆ اۋىلدىق ارداگەرلەر كەڭەسىنىڭ ٴتوراعاسى جىگەرباي قاجىعاليەۆ، اتا-انالار، مۇعالىمدەر ۇلتتىق تاربيەگە قاتىستى پىكىرلەرىمەن ٴبولىستى.

بەك ٴسۇيىنىش

www.zhaikpress.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي