BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارزانى - وزىمىزدىكى، قىمباتى - باسقا جەردىكى

عۇلاما عالىم، قوعام قايراتكەرى، الاشتىڭ ارداقتىسى احمەت بايتۇرسىنوۆ «گازەت - حالىقتىڭ كوزى، قۇلاعى ٴھام ٴتىلى»،-دەپ ايتقانداي رەداكسيا قىزمەتكەرلەرى ٴالسىن - ٴالسىن بازار، دۇڭگىرشەكتەردى ارالاپ، 1-2 اي سايىن بازار باعاسىن باعامداۋدى ادەتكە اينالدىرعالى دا ٴبىرشاما ايدىڭ ٴجۇزى اۋدى.

سونىمەن، تىلشىلەر بولىپ ەڭ الدىمەن «سەرپەر» بازارىنا ات باسىن بۇردىق. ونىڭ ىشىندەگى كوكونىس، جەمىس قاتار - قاتار ٴتىزىلىپ، سامساپ تۇر. الما ٴار جەردە ٴارتۇرلى باعامەن ساتىلىپ تۇر ەكەن. ٴبىر جەردە 350-400، كەلەسىدە 250-300، كەيدە 400-500 تەڭگەنىڭ دە جەمىسىن كوردىك.

قىزاڭ 80 - 100 تەڭگە، قيار 150-200، كەيدە 250 تەڭگەدەن. ال، كارتوپ 80، پياز - 100، قىرىققابات - 120-130 تەڭگە كولەمىندە بولىپ شىقتى.

بازار سىرتىنداعى ساۋدا الاڭىنا شىققانىمىزدا دا جەمىس - جيدەك، كوكونىس باعاسى سول شامادا بولدى. مىسالى، كارتوپتىڭ 1 كەلىسى - 90 تەڭگە، قىرىققابات - 100، جۇمىرتقانىڭ 10-ى 190 تەڭگە شاماسىندا. ۇننىڭ 25 كەلىسى - 2800، 50 كەلىسى - 5300 تەڭگە، قۇمشەكەردىڭ 5 كەلىسى - 1200، وسىمدىك مايىنىڭ 5 ٴليترى-1700-1800 تەڭگە، كۇرىشتىڭ 5 كەلىسى - 1000 تەڭگە بولىپ شىقتى. بازاردىڭ قۇبىلا تۇسىنا بەت بۇرىپ، سوڭعى مەزگىلدە اشىلعان جاڭا دۇكەندەردىڭ ساتۋشىلارىمەن، جالداۋشىلارىمەن جولىققانىمىزدا ولار: -وسى دۇكەندەردىڭ جالعا العانىمىزعا ونشا كوپ ۋاقىت بولماسا دا ٴبىرشاما قيىندىقتى باستان كەشىپ وتىرمىز. سەبەبى، جالداۋ باعاسى تىم جوعارى. ايىنا 250 مىڭ تەڭگە تولەپ وتىرمىز. راس، بولمەسى كەڭ، ارتىندا قويماسى دا بار. سوندا دا 250 مىڭ تەڭگە وتە قىمبات،-دەدى جك جارمۇحامبەتوۆتىڭ دۇكەنى دەپ ايتقان ۇزىن بويلى جىگىت. سوعان جالعاس اتالعان دۇكەننەن كىشىلەۋ دۇكەندە تۇرعاندار وزدەرىن جەكە كاسىپكەر سامات ايداراليەۆتىڭ شارۋاسى دەدى. ولار دا ايىنا 150 مىڭ تەڭگە تولەيمىز. قىمبات، ٴبىراق قوجالارى تۇسپەي تۇر،-دەپ قويدى. ەكى دۇكەنشىدەن دە وسىلاردىڭ يەلەرى كىم دەگەنىمىزدە ولار: اسحات دەگەن جىگىت، جالداۋ اقىسى جوعارى بولعانىمەن جىلۋ جوق. جازدا بىردەڭە ەتەرمىز. قىستا تۇرۋ وتە قيىن بولاتىن ٴتۇرى بار،-دەپ جەلكەلەرىن سيپاي باستادى.

ٴسويتىپ ٴبىز بازاردىڭ شىعا بەرىس ەسىگىندەگى جاعالاي ورنالاسقان 7-8 دۇكەننىڭ 1-2-نە كىرىپ شىقتىق. «باعدات» دۇكەنىندە باعا الداعى دۇكەندەرمەن شامالاس، كەيبىر باعالار تومەن. اتاپ ايتساق، پياز - 70، ٴسابىز - 80، اپەلسين - 450، الما - 250، بانان-400 تەڭگەدەن.

سودان شىعىپ بالىق بازارىنا بارساق سازاننىڭ 1 كەلىسى -400 تەڭگە، جايىن دا سونداي، فيلە مەن فارش - 800 تەڭگەدەن ەكەنىن سۇراپ بىلدىك. بالىقتىڭ كىم، قايدان اۋلاعانى، ونى اۋلاۋعا رۇحساتى بار ما، ۆەتەرينالىق انىقتاماسى قايدا،-دەگەن سۇراقتارعا، ارينە، جاۋاپ الا المادىق.

كەلەسى كەزەكتە بۇرىلىستاعى «مەرەي» دۇكەنىنە سوقتىق. ٴبىر ەرەكشەلىگى - مۇندا بارلىق تاۋاردىڭ الدىندا باعاسى كورسەتىلگەن جازۋلار سامساپ تۇر. كارتوپ - 100، قىزىلشا - 80، ٴسابىز - 100، پياز - 80، قىرىققابات - 110، 5 ليترلىك وسىمدىك مايى - 1780، 1850 دەپ تايعا تاڭبا باسقانداي ەتىپ جازىپ قويعان.

اۋدان ورتالىعىن ٴبىراز ارالاعاننان كەيىن جۇمەكەن اۋىلىنداعى دۇكەندەرگە بارىپ، ونداعى ونىمدەر باعاسىن بىلدىك. العاش بارعان «بايباقتى» دۇكەنىندە كارتوپ - 100، ٴسابىز - 150، الما - 350، قىرىققابات - 130، پياز - 100، اپەلسين - 500 تەڭگەدەن تۇر ەكەن. كورشىلەس «داۋلەت» دۇكەنىندە پياز - 80، جۇمىرتقا - 17، قۇمشەكەر - 250، قىزاڭ - 120، قيار - 120، قىرىققابات - 100، نان - 70 تەڭگەدەن تۇردى. «ەڭبەكشى» دۇكەنىندە دە ونىمدەر سول شاماداعى باعادا. ٴونىم قۇنى بارىندە انىق كورىنىپ تۇر. «ايارۋ» دۇكەنىنەن جۇمىرتقانىڭ باعاسى - 20، قۇمشەكەر - 200، نان - 75، پياز - 100، كارتوپ - 120، ٴسابىز بەن قىرىققاباتتىڭ كەلىسى 130 تەڭگەدەن ەكەنىن كوردىك.

مەحانيزاتورلار مولتەك اۋدانىنداعى «مەرەي - 3» دۇكەنىندە قانتتىڭ 5 كەلىسى 1300، جۇمىرتقا - 19، 25 كەلىلىك ۇن - 2850، نان - 75، قىزاڭ - 120، قيار - 200 تەڭگەمەن ەكەنىن بىلدىك. ال، اق «بوند» تەمەكىسىنىڭ ٴبىر قورابى 250 تەڭگەدەن 280 تەڭگە شاماسىندا بولىپ شىقتى.

سونىمەن، ٴبىراز جەردى ارالاپ، باعاسىن بىلگەننەن كەيىن وسىدان 2 اي بۇرىن باعا قانداي بولدى ەكەن دەپ بۇرىنعى رەيدتەردەگىلەرگە كوز جۇگىرتتىك. سونىمەن، وتكەن ەكى ايدا تۇرعىندار مولىنان تۇتىنعان تاۋارلاردىڭ باعاسى اناۋ ايتقان وزگەرە قويماعان. كارتوپ، پياز، قۇمشەكەر، كۇرىش سول كەزدەگى باعامەن بىردەي. وسىمدىك مايى دا وزگەرىسسىز قالعان. ٴسابىز، قىزاڭ، جۇمىرتقا كەرىسىنشە 5-10، 20-30 تەڭگەگە ارزانسىعان. ٴبىر وكىنىشتىسى، جوعارىداعى اتالعان 2-3 دۇكەننەن باسقا جەردەگى دۇكەن، دۇڭگىرشەكتەردە ٴونىم، تاۋار باعاسىنىڭ بولماۋى، كورسەتىلمەۋى. نەگە سولاي، باعاسىن جازىپ ٴىلىپ قويۋعا بولماي ما؟ - دەگەنىمىزدە، ولار: -باعاسى بەلگىلى عوي، ٴبىز وتىرىك ايتپايمىز، ساتىپ الۋشىلار ٴبارىن بىلەدى عوي،-دەپ قاراپ تۇرادى. بىلگەن ٴبىر باسقا، كوزبەن كورگەن ٴبىر بولەك. سول سياقتى كاسسا اپپاراتى دا نەكەن-ساياق كەزدەسىپ قالادى. دالادا ساۋدا جاساۋشىلار سول جونىندە سۇراق قويساڭ ساعان «ەسى دۇرىس پا؟» دەگەندەي، ٴبىرتۇرلى قارايدى.

قيار، قىزاڭنىڭ باعاسىندا ازدى - كوپتى الشاقتىڭ جونىندە سۇراعاندا ساتۋشىلار «ارزانداۋى ٴوز اۋدانىمىزدىڭ ونىمدەرى، ال قىمباتتاۋى باسقا جەردەن اكەلگەندەر»،-دەيدى. بىزگە سوندا «باسقا جەردەن قىمباتقا اكەلگەنشە نەگە ٴوز ٴونىمىمىزدى الىپ ساتپاسقا» دەگەن وي كەلدى. الدە تىلشىلەر تۇسىنبەيتىن ٴبىر گاپ بار ما؟ ٴوزىمىزدىڭ تۇجىرىمىمىز بويىنشا اۋداندا جەرسىنگەن، قوسپا تىڭايتقىشى از، كوز كورگەن ۇيرەنشىكتى ديحانداردىڭ ونىمدەرى ساپالىراق كورىنەدى. قالاي دەسەك تە تۇتىنۋشىعا قولجەتىمدى باعاعا ساپالى جەمىس - جيدەك، كوكونىس، باسقا دا تاۋارلار ۇسىنىپ، العىس العاننان ارتىق ەشنارسە جوق سياقتى.

باعا بازاردا تۇراقتى، وعان دا شۇكىر. وسىلاي بولسا كىم-كىم دە ەشكىمگە وكپە - ناز ايتپاس، رەنجىمەس. حالىق كوڭىلىنەن شىعىپ، «ٴاي، كاپىر» اتانباستان ارتىق نە بار؟ دەمەكپىز.

ا.دۇيسەنعالي ۇلى،

سۋرەتتەر


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي