BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىمەن الىس-بەرىسىمىز ارتىپ كەلەدى

شىعىس قازاقستان وبلىسىنىڭ 19 كاسىپورنى ٴوز ونىمدەرىمەن الماتى قالاسىنداعى ٴىرى ساۋدا جەلىلەرىن قامتاماسىز ەتۋدە. بيىل وڭتۇستىك استاناعا جونەلتىلگەن تاۋارلاردىڭ كولەمى 10 پايىزعا ٴوسىپ، 32 مىڭ توننانى قۇرادى.

بۇل تۋرالى ايماق باسشىسى دانيال احمەتوۆ پەن الماتىلىق بيزنەس وكىلدەرىنىڭ، ينۆەستورلار جانە كاسىپكەرلەردىڭ قاتىسۋىمەن ٴوزارا ىنتىماقتاستىق بايلانىستىڭ دامۋ بولاشاعى تالقىلانعان كەزدەسۋدە ايتىلدى. كەلەلى ماسەلەلەر قاۋزالعان كەزدەسۋدە وبلىس اكىمى شىعىس قازاقستاننىڭ ينۆەستيسيالىق الەۋەتىن تانىستىرىپ، بيزنەستى قولداۋدىڭ شارالارى جونىندە ايتىپ بەردى.
– شىعىسقازاقستاندىق تاۋار وندىرۋشىلەردىڭ مۇمكىندىكتەرى مەن رەسۋرستارى ٴوڭىرارالىق قوعامداستىقتىڭ ۇتىمدى ۇلگىلەرىن پايدالانا وتىرىپ، ەلىمىزدەگى وزگە وبلىستاردىڭ نارىعىنا شىعۋعا جاعداي تۋعىزادى. بۇل باعىتتا ارينە، الماتى قالاسىنىڭ ورنى ەرەكشە. بىزدەگى مال شارۋاشىلىعى سالاسىنىڭ الەۋەتى زور. تاياۋداعى 10-15 جىلدا شىعىس قازاقستاننىڭ اگرارلىق سەكتورى ينۆەستيسيا سالۋعا اسا قولايلى بولاتىنى ٴسوزسىز. ٴبىز سىزدەرگە شامامەن 90 پايىز سۋارمالى جەرلەردى ۇسىنا الامىز. سول سياقتى ينۆەستورلاردى تۋريستىك كلاستەر قۇرۋعا شاقىرامىز، – دەپ اتاپ كورسەتتى وبلىس اكىمى دانيال احمەتوۆ الماتىلىق بيزنەسمەندەرمەن وتكەن جيىندا.
مامانداردىڭ ەسەبىنە جۇگىنسەك، شىعىسقازاقستاندىق كاسىپكەرلەر جىل سايىن الماتىنىڭ ساۋدا جەلىلەرىنە جەتكىلىكتى مولشەردە ەكولوگيالىق تازا ٴارى ساپالى ونىمدەردى جەتكىزىپ تۇرۋعا قاۋقارلى. وعان قوسا ماشيناقۇراستىرۋ، تاعام ٴوندىرىسى، جەڭىل ونەركاسىپ سالالارىندا وندىرىستىك جانە تەحنولوگيالىق تىزبەك قۇرۋ دا ەكى جاققا ٴتيىمدى بولماق.
وسى جىلدىڭ باسىنان بەرى الاتاۋ باۋرايىنداعى الىپ شاھارعا كەندى التايدان 32 مىڭ توننا ٴارتۇرلى تاۋارلار جونەلتىلگەن. بۇل وتكەن جىلعى مولشەردەن 10 پايىزعا جورعارى. اتاپ ايتساق، الماتى نارىعىنا ٴبىزدىڭ جاقتان ٴسۇت جانە ٴسۇت ونىمدەرى، كونسەرۆىلەر، جارتىلاي فابريكاتتار، ەتتەن جاسالعان جەڭسىك اس، قۇس ەتى، ۇن مەن كونديتەر ونىمدەرى، شۇجىقتىڭ ٴتۇر-تۇرى، كۇنباعىس مايى، بال، بۇعى ٴمۇيىزىنىڭ قانىنان جاسالاتىن شيپالى دارى-دارمەكتەر جانە باسقا تاۋارلار جەتكىزىلگەن.
ەكى تاراپتىڭ وكىلدەرى قاتىسۋىمەن وتكەن كەلىسسوزدەر اياقتالعان سوڭ جيىنعا قاتىسۋشىلار شىعىستان ارتىنىپ-تارتىنىپ جەتكەن كاسىپكەرلەردىڭ اۋىلشارۋاشىلىق جارمەڭكەسىن ارالادى. ول جەردە 40 توننادان استام الۋان سۇرىپتى بال مەن 27 ٴتۇرلى پانتى ونىمدەرى ۇسىنىلدى. جارمەڭكەگە جينالعان جۇرت ەشبىر قوسپاسىز ەكولوگيالىق تازا، قۇنارلى ونىمدەردى ساتىپ الا ٴجۇرىپ، شىعىسقازاقستاندىق ونەرپازداردىڭ كونسەرتىن، كونە جادىگەرلەر قويىلعان كورمەنى تاماشالادى.
ەكىنشى كۇنى وبلىس اكىمى دانيال احمەتوۆ الماتى وبلىسىنىڭ ورتالىعى تالدىقورعان قالاسىندا بولىپ، ونداعى ٴبىرقاتار الەۋمەتتىك نىسانداردى ارالادى. وقۋشىلار سارايى مەن جاستار سپورت سارايىنا ات باسىن بۇرىپ، جاڭادان بوي كوتەرگەن ىقشام اۋدانمەن تانىستى.
(بۇل تۋرالى كەڭەيتىلگەن ماتەريالدى گازەتتىڭ كەلەسى سانىنان وقيسىزدار).

داۋرەن اللابەرگەن

didar-gazeti.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي