BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقشي اۋىلىنىڭ تىنىسى مەن تىرلىگى

اۋىلىمىزدا سالىنعان جاڭا ٴبىلىم وشاعى، «جول كارتاسى-2020» باعدارلاماسى اياسىندا كۇردەلى جوندەۋدەن وتكەن اۋىلدىق مادەنيەت ٴۇيى، «وڭىرلەردى دامىتۋ» باعدارلاماسى بويىنشا بولىنگەن قاراجاتپەن ورناتىلعان كوشە جارىقتارى، سونداي-اق جەكە كاسىپكەر س.جۇماقانوۆتىڭ بۇرىنعى مەكتەپ عيماراتىن كۇردەلى جوندەپ جاڭا ۇلگىدە جاساعان تويحاناسى اۋىلىمىزدى اجارلاندىرىپ تۇر. اۋىل ەڭبەككەرلەرى نەگىزىنەن مال وسىرۋمەن جانە ەگىنشىلىكپەن اينالىسادى. بيىلعى جىلى 1430 گا جەرگە ٴداندى- داقىلدار مەن مايلى داقىل ەگىلدى، شارۋاشىلىق جۇمىسشىلارىنىڭ ەڭبەگىنىڭ ارقاسىندا بۇگىنگى كۇنى جاقسى ٴونىم الىنۋدا. ەگىن وراعىنىڭ اياقتالۋىنا دا بىرەر كۇن قالدى.

بيىل ەگىننىڭ شىعىمى جاقسى. بارلىق شارۋاشىلىقتار كۇتكەندەگىدەي ٴونىم الۋدا. مىسالى، “ساندىقتاس” (سايران جۇماحانوۆ) جانە “اسحات” (نۇرلان نۇرمامبايەۆ) شارۋا قوجالىقتارى بيدايدىڭ گەكتارىنان 15 سەنتنەردەن، ارپانى گەكتارىنان 8 سەنتنەردەن الۋدا. بۇل جۇمىستاردى ەرتە باستاپ جاۋىن-شاشىنعا ۇرىنباي مەجەلى ۋاقىتتا اياقتاۋدىڭ سەبەبى دە جاڭا تەحنيكالاردىڭ ارقاسى دەپ بىلەمىز. اۋىلدىق وكرۋگتە قىستاماعا قاتاڭ مال ازىعىن دايىنداۋ دا ويداعىداي. جوسپار بويىنشا 7500 توننا جەمشوپتىڭ بۇگىگى كۇنگە 91 پايىزى دايىن. كەيبىر شارۋا قوجالىقتارى قاتاڭ مال ازىعىن دايىنداۋدى تولىعىمەن اياقتادى. اۋىلداعى جەكە مەنشىك مال يەلەرى وزدەرى جەمشوپ شاۋىپ ازىرلەۋدە جانە شارۋا قوجالىقتارى كومەكتەسەدى. كۇزگى جيىن-تەرىن اياقتالعان سوڭ جەكە مەنشىك مالداردى باعۋ ٴۇشىن كووپەراتيۆ قۇرۋ جۇمىسىن اقىلداسىپ، شەشەمىز دەگەن ويدامىز. سوڭعى ٴۇش جىلدا اۋىلىمىزدا جەكە قاراجاتى بار مەملەكەتىمىزدىڭ «اگروبيزنەس - 2020» باعدارلاماسى ارقىلى 2 جاڭا كومباين، 14 متز تراكتورى سونىمەن قاتار، اۋىلشارۋاشىلىق قوسالقى قۇرىلعىلارى: ٴشوپ شاپقىش، ٴشوپ تايلاعىش، ٴشوپ تيەگىشتەر الىنىپ شارۋالاردىڭ جۇمىستارى جاقسى جۇرۋدە. ٴبىرقاتار شارۋاشىلىقتار ٴوز ەڭبەككەرلەرىنىڭ جۇمىسىن وڭ باعالاپ ەڭبەكاقىسىنىڭ سىرتىندا ماتەريالدىق جاعىنان دا كومەك كورسەتۋدە. تۇرمىسقا قاجەتتى ٴۇي زاتتارىن، ۇساق مال، ازىق-تۇلىك، وتىن- كومىر بەرىپ جۇمىسشىلارىن ىنتالاندىرۋدا. ايتار بولساق، بىلتىرعى جىلى «ساندىقتاس» ۇجىمىنىڭ باسشىلىعى مەحانيزاتورىنا جاڭا اۆتوكولىك سىيعا تارتقان بولاتىن. اۋىلىمىز ٴۇشىن بيىلعى جىل دا اۋىز تولتىرىپ ايتارلىقتاي بولماق، مەملەكەتتىك باعدارلامالار ارقىلى ىستەلەتىن جۇمىستار جۇزەگە اسۋدا.

«وڭىرلەردى دامىتۋ» باعدارلاماسى بويىنشا 520 مىڭ تەڭگەگە مەردىگەر جەكە كاسىپكەر «التىنعازين» ارقىلى بالالار ويىن الاڭىنىڭ قورشاۋى جاسالدى. الداعى ۋاقىتتا اۋىلدىق اكىمدىكتىڭ قولما-قول باقىلاۋ شوتىنا سالىق كوزدەرىنەن تۇسكەن قاراجات ارقىلى قورشاۋ ىشىنە وينايتىن قۇرىلعىلار ورناتىلاتىن بولادى. اۋداندىق بيۋدجەت قارجىسىنان اۋىلدىڭ مادەنيەت ٴۇيىنىڭ قورشاۋىن جاساۋعا 1،7 ملن تەڭگە قاراجاتقا مەملەكەتتىك ساتىپ الۋ بويىنشا سەمەي قالاسىنىڭ جشس «ستيكين» مەكەمەسى ۇتىپ الىپ، بۇگىنگى كۇنى تاپسىرىس بەرۋشى مەكەمەمەن كەلىسىم-شارت جاساسۋدا، جۇمىستىڭ اياقتالۋ مەرزىمى قىركۇيەك ايىنىڭ اياعى بولىپ بەلگىلەنىپ وتىر.

«جول كارتاسى-2020» باعدارلاماسى بويىنشا 11،920 ملن قاراجات ٴبولىنىپ، اۋىل ٴىشىنىڭ ٴا.تاڭىربەرگەن كوشەسىنە تاس-قۇم توسەپ كوتەرمە جول جاسالىپ جانە كوشە جارىعى ورناتىلماق، مەردىگەر مەكەمە سەمەي قالاسىنىڭ «ەڭبەك» جشس مەكەمەسى بولىپ انىقتالدى، جۇمىستىڭ باستالۋى قىركۇيەك ال اياقتالۋ مەرزىمى قازان ايىنىڭ ورتاسى بولىپ بەلگىلەندى. بۇگىنگى كۇنى مەردىگەر مەكەمە مەن تاپسىرىس بەرۋشى مەكەمە اراسىندا كەلىسىم-شارت جاسالۋدا. وسى ىستەلەتىن جۇمىستاردىڭ بارلىعى اۋىل بويىنشا قۇرىلعان قاۋىمداستىق مۇشەلەرىنىڭ قاتىسۋىمەن جانە باقىلاۋىمەن اتقارىلادى.

ب.قاسەنوۆ، اقشي اۋىلدىق وكرۋگ اكىمى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي