BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"اق ورامال ارۋى"

«مەن سىيعا تارتقان ورامال» دۇكەنىنىڭ 1 جىل تولۋىنا بايلانىستى انالارىمىزدىڭ ارىنداي بولعان اق ورامالدى دارىپتەپ، قۇندىلىعىن ناسيحاتتاۋ بارىسىندا aqoramal.kz سايتى جانە بەلگىلى ٴانشى روزا ٴالقوجانىڭ ۇيىمداستىرۋىمەن «قازاقستان» قوناق ۇيىندە العاش رەت رەسپۋبليكالىق بۇرىن-سوڭدى بولماعان «اق ورامال ارۋى» بايقاۋى ٴوتتى. بايقاۋعا ورامالدىڭ قادىر-قاسيەتىن تۇسىنەتىن، قازاقتىڭ سالت-داستۇرلەرىن قادىرلەي بىلەتىن قىز- كەلىنشەكتەر قاتىسىپ، باق سىنادى. بايقاۋعا قاتىسقان قىزداردىڭ ۇلكەنى قىرىقتا، كىشىسى ون سەگىز جاستا بولدى. قاتىسۋشىلار ورامال ارقىلى وتباسىلىق قۇندىلىقتاردى دارىپتەپ، ۇلگىلى قازاق ايەلىنىڭ وبرازىن كورسەتە ٴبىلدى. العاشقى كەزەڭدە ساحنادا قاتىسۋشىلار وزدەرىن تانىستىرىپ، ونەرلەرىن كورسەتىپ، ورامالدى قالاي دارىپتەيتىندەرىن بايقاتتى. ال ٴتورتىنشى كەزەڭدە سۇراقتارعا جاۋاپ بەردى. اتالعان بايقاۋدىڭ ٴدىني اعىمدارعا ەشقانداي قاتىسى جوق. اينۇر تۇرسىنبايەۆا، عاليا وزبەكبايقىزى، جانار ورازىمبەت، قۇرالاي ومار، ايناگۇل ۇمبەتوۆا، قۇتتىقىز شايىققىزى، جاراس سارسەك سىندى تۇلعالار قازىلىق ەتىپ، «اق ورامال ارۋىن» انىقتادى. «اق ورامال ارۋى» اتانعان استانالىق - مەرۋەرت ۇسەنوۆا. بىلە بىلگەن ادامعا ورامال ايەل زاتىنا اللانىڭ بەرگەن ۇلكەن سىيى. ۇيىمداستىرىلعان بايقاۋ ارقىلى باسقا قىز-كەلىنشەكتەردە ۇلگى الىپ، ورامالدىڭ ٴقادىر - قاسيەتىن تۇسىنەتىن جاندار كوپ بولادى دەگەن سەنىمدەمىز...


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي