جول تازالىعى باقىلاۋدا - مەزگىل ماسەلەسى|15 قاراشا 2016، 11:55
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جول تازالىعى باقىلاۋدا

سەمەي قالاسىنىڭ اكىمى ەرماك ٴسالىموۆ اكىم ورىنباسارلارى، دەربەس سالالىق بولىمدەر مەن مەردىگەر ۇيىمداردىڭ قاتىسۋىمەن قالانى قاردان تازالاۋ ماسەلەسى بويىنشا ارنايى جيىن وتكىزدى. شاھاردا قاراشا ايىنىڭ باسىندا ٴبىر ايلىق كولەمدەگى قار جاۋىپ، قالانىڭ كوممۋنالدىق قىزمەتىنىڭ جۇمىسىنا تۇزەتۋ ەنگىزگەن ەدى. تەك سوڭعى ٴبىر تاۋلىكتە جيىرما سانتيمەتردەن ارتىق قار جاۋعان. قازگيدرومەتتىڭ مالىمەتىنشە، قار مەن بوراندى كۇندەر قاراشا ايىنىڭ 18-نە دەيىن ساقتالماق. سونداي-اق اۋا تەمپەراتۋراسى 25 گرادۋسقا دەيىن تومەندەيدى دەپ كۇتىلۋدە. بۇگىنگى كۇنى سەمەي قالاسىنا جاۋعان قار كولەمى 17 ٴسم-دى قۇراپ وتىر.

جيىن بارىسىندا اتالعان سالاعا جاۋاپتى قىزمەت جەتەكشىلەرى اتقارىلىپ جاتقان جۇمىستار جايىندا باياندادى. قالا باسشىسى ٴوز سوزىندە جولاۋشىلار كولىگى جانە اۆتوموبيل جولدارى ٴبولىمى قار تازالاۋ جۇمىستارىنا جاۋاپتى مەردىگەر ۇيىمدارعا باقىلاۋ جۇرگىزبەيتىنىن ايتىپ، اتالعان ٴبولىمنىڭ جۇمىسىن سىنعا الدى. بۇل رەتتە قالا باسشىسى اۋا رايى بولجامى بويىنشا الدىن الا كوپ قاردىڭ جاۋاتىنى بەلگىلى بولعانىن جانە وسىعان ساي قوسىمشا تەحنيكا دايىنداۋعا بولاتىنىن اتاپ ٴوتتى. سونداي-اق قىسقى جانە جازعى ماۋسىمدا جولداردى كۇتىپ ۇستاۋعا بيۋدجەت قارجىسى دۇرىس بولىنبەگەن، سالدارى ارتىق شىعىنعا الىپ كەلگەنىن دە نازارعا الدى.

«سەمەي» كوممۋنالدىق كاسىپورنىندا 4 گرەيدەر بار، الايدا قالانى قاردان تازالاۋ جۇمىستارىن تولىق جۇرگىزۋ ٴۇشىن 12 گرەيدەر قاجەت. وسى ورايدا قالا باسشىسى «گوردورستروي» جشس مەن «سارپ» مەكەمەلەرىنەن قوسىمشا تەحنيكا تارتۋدى تاپسىردى. قالا اكىمى سونداي-اق جەرگىلىكتى پوليسيا قىزمەتىمەن بايلانىس جوقتىعىن دا اتاپ ٴوتتى. ويتكەنى جول بويىنا قويىلعان اۆتوكولىكتەر ٴوز كەزەگىندە جولداردى تازالاۋعا كەدەرگى كەلتىرەدى. وسىعان وراي، قالا اكىمى تازالايتىن كوشەلەردى الدىن الا بەكىتىپ، جول بويىندا بىردە-بىر كولىكتىڭ بولماۋى ٴۇشىن جول-پاترۋلدىك قىزمەتىنە حابارلاۋدى تاپسىردى. بۇل ورايدا اكىم جەكە اۋلالارداعى قاردى كوشەگە نەمەسە جۇرگىنشىلەر جولىنا شىعارۋ فاكتىلەرىن انىقتاۋدا جەرگىلىكتى پوليسيا قىزمەتىمەن بىرلەسە وتىرىپ جۇمىس جاساۋ كەرەكتىگىن اتاپ ٴوتتى.

سونىمەن قاتار ەرماك بيداحمەت ۇلى ارنايى تەحنيكانىڭ ورتالىق الاڭدى تازالاۋعا كوپ بولىنەتىنىن ايتىپ، الداعى ۋاقىتتا الاڭدا تەك جاياۋ جۇرگىنشىلەر جولىن تازالاپ، قالعان بوس تەحنيكالاردى قالانىڭ باسقا اۋماقتارىنا جىبەرۋدى جۇكتەدى. ورىن العان جاعدايعا بايلانىستى شاھار باسشىسى كوممۋنالدىق قىزمەتكە بىرنەشە اۋىسىممەن تاۋلىك بويى جۇمىس ىستەۋدى، سونداي-اق قالا مەن اۋىلدىق جەرلەردەگى جولدارعا مونيتورينگ جۇرگىزۋدى تاپسىردى.

ماسەلەن، 12 قاراشادا «سەمەي» كوگالداندىرۋ جانە كوركەيتۋ مكك مەن «وزون» مەردىگەر مەكەمەسى ەكى اۋىسىمدا جۇمىس ىستەپ، وعان 4 گرەيدەر، سىپىرعىشى بار قار تازالايتىن 9 بىرلىك تەحنيكا، ششەتكاسى بار متز-82 – 4 بىرلىك تەحنيكا، قار شىعاراتىن 7 جۇك ماشيناسى جانە 95 جۇمىسشى تارتىلعان. وسى رەتتە 11 مەن 12 قاراشا ارالىعىندا 930 تەكشە مەتر قار شىعارىلعان. بارلىق اۋماققا جول اشىلعان، جابىق جولدار جوق. جول قوزعالىسىنا كەدەرگى كەلتىرمەۋ ماقساتىندا اۋىر تەحنيكالار تۇنگى ۋاقىتتا ساعات 22.00 مەن 05.00 ارالىعىندا جۇمىس ىستەيدى.

12-نەن 13 قاراشاعا قاراعان ٴتۇنى قار تازالاۋ جۇمىستارى دۋلاتوۆ (جۇمابايەۆ كوشەسىنەن ەلەمەسوۆ كوشەسىنە دەيىن)، قابانباي باتىر كوشەسىندە (قارجاۋباي ۇلى كوشەسىنەن ەلەمەسوۆ كوشەسىنە دەيىن)، وڭ جانە سول جاعالاۋلارداعى اينالما جولداردا، سەلەۆينا (اۋەزوۆ داڭعىلىنان رىكوۆا كوشەسىنە دەيىن)، بوزتايەۆ (سول جاعالاۋداعى اينالما جولدان تيتوۆ كوشەسىنە دەيىن)، اباي (جاڭا كوپىردەن ەلەمەسوۆ كوشەسىنە دەيىن) كوشەلەرىندە جۇرگىزىلدى. اتالعان جۇمىستار تاۋلىك بويى اتقارىلۋدا.

جولدارداعى ۋاقىتشا تۋىنداعان قيىندىقتارعا بايلانىستى قالا تۇرعىندارىن تۇسىنىستىكپەن قاراۋعا شاقىرامىز. اتالعان ماسەلە باقىلاۋعا الىنعان جانە بەلگىلەنگەن مەرزىم ىشىندە ٴوز شەشىمىن تاپپاق.

سەمەي قالاسى اكىمىنىڭ ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي