ەلوردادا قىزىلوردا وبلىسىنىڭ كۇندەرى وتەدى - مەزگىل ماسەلەسى|25 تامىز 2016، 12:57
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا قىزىلوردا وبلىسىنىڭ كۇندەرى وتەدى

3-4 قىركۇيەكتە استانادا قر تاۋەلسىزدىگىنىڭ 25 جىلدىعىنا وراي قىزىلوردا وبلىسىنىڭ كۇندەرى وتەدى، دەپ حابارلايدى قالا اكىمدىگىنىڭ سايتى.

ب.مومىش ۇلى داڭعىلىندا ورنالاسقان وقۋشىلار سارايىنىڭ الدىنداعى تۇراقتا وتەتىن اۋىل شارۋاشىلىعى جارمەڭكەسىندە ايماقتىڭ تاۋار وندىرۋشىلەرى ٴوز ونىمدەرىن ۇسىنادى. وندا 300 توننادان استام ٴونىم، سونىڭ ىشىندە جارما، جەمىس، كوكونىس، ٴسۇت تاۋارلارى، ەت، شۇجىق ونىمدەرى، بالىق، بال، نان-توقاش جانە كونديتەرلىك ونىمدەر ساتىلادى.
سەنبى كۇنى، 3 قىركۇيەكتە استانالىقتار «ىرىستى، كۇرىشتى - قىزىلوردا» اتتى كونسەرتتىك باعدارلاما مەن ارنايى شاتىردا اشىلاتىن ىبىراي جاقايەۆتىڭ 125 جىلدىعىنا ارنالعان «اق كۇرىشتىڭ اتاسى - ىبىراي» كورمەسىن تاماشالايدى. جارمەڭكەدە «قازاقستاندا جاسالعان» اكسياسى اياسىندا شىعارىلعان ونىمدەر دە كوپشىلىك نازارىنا ۇسىنىلادى.
سونىمەن قاتار، استانا قالاسىنىڭ بالالار قالاشىعىندا جانە مامانداندىرىلعان بالالار ۇيىندە «ٴبارى دە بالا باقىتى ٴۇشىن» قايىرىمدىلىق اكسياسى وتەدى.
وسى كۇنى ساعات 17.00 كونگرەسس-حوللدا ايماقتىڭ ونەر يەلەرى «سىر - الاشتىڭ اناسى» اتتى مەرەكەلىك كونسەرتتە ٴوز شەبەرلىگىن ورتاعا سالادى. سونداي-اق، فويەدە «تاۋەلسىزدىكتىڭ دارا جولى - سىر ەلى جەتىستىگى» فوتوكورمەسى مەن ەل تاۋەلسىزدىگىنە ارنالعان سۋرەت كورمەسى وتەدى. قر ۇلتتىق اكادەميالىق كىتاپحاناسىندا كىتاپ كورمەسى، ال قر ۇلتتىق مۋزەيىندە قر تاۋەلسىزدىگىنىڭ 25 جىلدىعىنا ارنالعان كورمەلەر مەن ەكسپوزيسيالار اشىلادى.
4 قىركۇيەكتە ب. مومىش ۇلى داڭعىلىندا ورنالاسقان وقۋشىلار سارايىنىڭ جانىندا جارمەڭكە مەن كونسەرتتىك باعدارلاما ۇيىمداستىرىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي